வரம்பு மீறாதவரை மட்டுமே நட்புக்கு உரிமை அதிகம் (பதிவர்களின் இணைய நட்புக்கள்)

வரம்பு மீறாதவரை மட்டுமே நட்புக்கு உரிமை அதிகம்   (பதிவர்களின் இணைய நட்புக்கள்)

பதிவில் ஆரம்பித்து நம் இதயத்தில் சிம்மாசனமிட்டுற்றிருக்கும் இந்த நட்பிற்கு இணை ஏதும்மில்லை. இவர்களின் நிஜ முகங்களை நாம் பார்த்ததில்லை ஆனால் இவர்களின் இதயங்களோடு  நாம்  இதமாய் உறவாடியதுண்டு..

இவர்கள் அன்பால் அரவணைக்கும் உள்ளங்கள், கைகளால் அல்ல கண்ணீர் துயர் துடைக்கும் கைகள் இவர்களுடையது. இவர்கள் தன்னம்பிக்கை தரும் நட்சத்திரங்கள் & துன்பங்களை இறக்கி வைக்க உதவும் சுமைதாங்கிகள். இப்படி பலவற்றை இவர்களைப் பற்றி இங்கு சொல்லிக் கொண்டே போகலாம்

இந்த நட்புக்கள் இணையத்தில் தொடங்கி இதயத்தில் முடியும் நட்புக்கள். எல்லா இணைய நட்புக்களும் இப்படி இருப்பதில்லை. ஆனால் இப்படி இருக்கும் நட்புக்களை தேர்ந்தெடுத்து பழகி வந்தால் நம் நிஜ வாழ்வில் பிரச்சனைகள் இல்லை என்பதே உண்மை

ஆண் பெண் நட்பு கொள்வதில் தவறு இல்லை , ஆனால் இருவரும் தங்களுக்கு என்று சில எல்லைகளை வகுத்து கொண்டு அதன்படி நடப்பது மிகவும் நல்லது. இப்படிபட்ட நட்பு முகம் அறியாத   நட்புதானே என்று நாம் கவனக்குறைவாக இல்லாமல் நமது எண்ணங்களை வார்த்தைகளாக பரிமாறிக் கொள்ளும் போது மிகவும் கவனம் தேவை.  அதுபோல.  எந்தவொரு சிறு சலனமும்  நம் மனதிற்குள் நுழைய இடம் கொடுத்துவிடக் கூடாது என்பதில் மிகவும் கவனமாக இருக்க வேண்டும் .

நான் எனது முகத்தை இணையத்தில் மறைத்தாலும் என் மனத்தை இணையத்தில் மறைக்காமல் என் மனதில் பட்டதை முடிந்த வரை அடுத்தவர்களை காயப்படுத்தாமல்  சொல்ல முயற்சித்து  வருகிறேன்

என்னை தொடரும்  இணைய நண்பர்கள் அனைவருக்கும் இந்த பதிவின் மூலமாக எனது  அன்பையும் மனமார்ந்த  நன்றியையும் தெரிவித்து கொள்கிறேன்.  வாழ்க வளமுடன்

அன்புடன்

மதுரைத்தமிழன்

டிஸ்கி : ஏதோ என் மனதில் தோன்றியதை இங்கே கொட்டணும் என்று தோணிச்சுங்க..