பாரதப் பிரதமராக வரக் கூடிய ஜெயலலிதா அவர்களை பஞ்சாய்த்து தலைவராக்க முயற்சியா?

பாரதப் பிரதமராக வரக் கூடிய ஜெயலலிதா அவர்களை பஞ்சாய்த்து தலைவராக்க முயற்சியா?

தனி ஒரு மனிதராக தமிழகத்தை தன் கையில் அடக்கி ஆண்டு வரும் பெண்மணிதான் ஜெயலலிதா அவர்கள் என்று நான் சொல்லிதான் யாருக்கும் தெரியவேண்டுமென்பதில்லை அவர் கொடநாடு சென்று ரெஸ்ட் எடுத்தாலும்  அரசை தன் கண்ட் ரோலில்தான் வைத்துள்ளார் ஆனால் கலைஞர் ரெஸ்ட் எடுக்க சென்றால்  கதை,கவிதை வசனம். சினிமா என்று இருந்துவிடுவார் சாதாரண ஆண்களைப் போல ஆனால் ஜெயலலிதாவோ  தன் வீட்டைவிட்டு தாய்வீட்டிற்கு வெகேஷனுக்கு சென்ற குடும்பத்தலைவி போல தாய்வீட்டில் இருந்தாலும் தன் சொந்தவீட்டை கவனிக்கும் பொறுப்பை மறந்துவிடாமல் செயல்பட்டு கொண்டிருக்கிறார்.

இப்படி தமிழக தலைவராக இருந்து செயல்படும் அவர் பாரதத்தின் தலைவராக ஆனால் இன்னும் சிறப்பாகவே இருக்கும். காரணம் இன்று நமக்கு தேவை தைரியமாக யாருக்கும் அஞ்சாமல் செயல்படும் தலைவர்தான் இந்தியாவிற்கு தேவை அந்த குணம் இவரிடம் இருப்பது யாவரும் அறிந்ததுதான்.

அப்படி திறமை வாய்ந்த தலைவரை இப்போது உள்ள தமிழக திரையுலகம் பஞ்சாயத்து தலைவராகவே எண்ணி செயல்பட ஆரம்பித்து இருக்கிறது. இந்த தமிழ் திரையுலகம் தமிழக மக்களின் எந்தவித பிரச்சனைகளுக்கும் இறங்கி போராடியதில்லை. ஆனால் அவர்கள் போராடுவதெல்லாம் தங்களின் படங்களுக்கு பிரச்சனைகளுக்கு மட்டுமே

சமிபகாலமாக படங்களுக்கு பிரச்சனை வரும் போது அதை சட்ட ரீதியாக கோர்ட்டுக்கு போவதைவிட்டுவிட்டு தமிழக முதல்வரை வைத்து பஞ்சாயத்து நடத்த விரும்புகின்றனர். இதை கடந்த விஸ்வரூபம் படம் வெளியிட்ட போதும் நடந்தது. இப்போதும் தமிழக முதல்வரை வைத்து தலைவா படத்திற்கு இது போல பஞ்சாயத்து நடத்த முயற்சி செய்வதாக தகவல்கள் வருகின்றன.

இப்படி கட்ட பஞ்சாயத்து செய்வதை ஜெயலலிதா அவர்கள் உடனே நிறுத்த வேண்டும். நாட்டில் எவ்வளவோ பிரச்சனைகள் இருக்கும் போது யாருக்கும் எந்த வித உபயோகம் இல்லாத இந்த பிரச்சனைகளில் தலையிட்டு அவரது பொன்னான நேரத்தை வீணடிக்க வேண்டாம் என்பதுதான்  தமிழக மக்களின் கருத்தும் என் கருத்தும் ஆகும்

சில பேர் கேட்கலாம் இவர்கள் இந்த படத்திற்கு அதிக மூதலீடு செய்து இருக்கிறார்கள் படம் வரவில்லையென்றால் அவர்களுக்கு நஷ்டம் ஏற்படும் என்று அப்படி சொல்லுபவர்களிடம் ஒரு கேள்வி நாட்டில் எத்தனை தொழில்களில் பிஸினஸ்களில் பண மூதலிடு செய்த பலர் சம்பந்தமில்லாத  காரணங்களால் பல பிரச்சனைகளில் மாட்டி  சட்டரீதியாக கோர்ட் சென்று தீர்ப்பு வரும் வரை நஷ்டத்தை அடைந்து கொண்டுதானே இருக்கிறாரகள் அவர்கள் ஒவ்வொருத்தரும் என்ன ஜெயலலிதாவிடமா பஞ்சாயத்துக்கு வருகிறார்கள் அவர்கள் வர ஆசைப்பட்டாலும் நடந்துவிடுமா என்ன?

திரைபடத்தில் நடிப்பவர்கள் மக்களின் பொழுது போக்கிற்காக நடிக்க வருகிறார்கள் என்பதை கவனத்தில் கொண்டும் படங்களை எடுக்கும் போது எந்த சமுக மக்களை பாதிக்காத வகையிலும் எடுக்க வேண்டும்  அதைவிட்டு விட்டு  வெளியே நாங்களும் பெரிய தலைவர்கள்தான் நாங்கள் நினைத்தால் இந்த சமுகத்தையே மாற்றிவிட முடியும் என்று சவடால் வீட்டுவிட்டு பிரச்சனை வரும் போது தன்மானத்தை இழந்து மண்டியிடவேண்டாம்

இறுதியாக ஜெயலலிதா அவர்களே உங்கள் நோக்கம் பாரதப் பிரதமராக வர வேண்டும் என்று இருக்க வேண்டுமே தவிர இந்த மாதிரி வீணாப் போன பிரச்சனைகளில் தலையிட்டு பஞ்சாயத்து தலைவாரக ஆக வேண்டாம்

அன்புடன்

மதுரைத்தமிழன்