Avargal Unmaigal: விஜய் TV யின் சூப்பர் சிங்கர்: தமிழகத்தின் மாபெரும் பாலியல் வன்முறை!

Thursday, August 28, 2014

விஜய் TV யின் சூப்பர் சிங்கர்: தமிழகத்தின் மாபெரும் பாலியல் வன்முறை!


	இந்த பதிவை எழுதியவர் சுபரஜா ஸ்ரீதரன் அவரின் அனுமதியுடன் இங்கு பகிர்கிறேன் 1.ஐந்து வயது கூட நிரம்பாத குழந்தைகள், குமரிகளுக்கான விரக தாபத்துடன் ஐட்டம் பாடல்களைப் பாடுகிறார்கள். முக்கல் முனகல்களுடன் அபிநயிக்கிறார்கள். நடுவர்களை பார்த்து கண்ணடிக்கிறார்கள். இடுப்பைச் சுழற்றுகிறார்கள். இதனைப் பெற்றோர்கள் பார்த்து ஆர்ப்பரிக்கிறார்கள். நடுவர்கள், "உன் குரல்ல இன்னும் ஃபீல் பத்தல" என்று விமர்சிக்கிறார்கள். பத்து வயதுச் சிறுவன், பாடலை அவனது கேர்ள் பிரெண்டுக்கு அர்ப்பணிக்கிறான். 2.குழந்தைகளின் திறமையை அளக்கும் அளவுகோல் என்பது தற்போது ஆட்டமும், பாட்டமுமே. மகன்கள் தோல்வியடைந்தால் தாய்மார்கள் கண்ணீர் சிந்துகிறார்கள். மகள்கள் வெற்றி பெறவில்லையெனில் தந்தைகள் முனகுகிறார்கள். ஒருசில நிகழ்ச்சிகளில், "நல்லா பாடலைன்னா அப்பா அடிப்பார்" என்றே கூட குழந்தைகள் வெளிப்படையாகக் கதறி இருக்கின்றன. பெற்றோர்கள் இந்த நிகழ்ச்சியை ஆரோக்கியமான போட்டியாகக் கண்டிப்பாக பார்ப்பதில்லை. 3.குழந்தைகள் தோல்வியடைந்தால் அவர்கள் அழாவிட்டாலும் பெற்றோர்கள் அழுகிறார்கள். தோல்வியடைந்த தங்கள் குழந்தைகளைத் தேற்ற வேண்டிய பெற்றோர்களே, தேம்புவதைப் பார்த்து குழந்தைகள் திகைத்துப்போய் மிரண்டு நிற்கின்றன. சில ஆண்டுகளுக்கு முன்பு, இது போன்ற ரியாலிட்டி நிகழ்ச்சியிலிருந்து வெளியேற்றப்பட்டதற்காக மனமுடைந்து கோமா நிலைக்குச் சென்ற ஒரு சிறுமியைப் பற்றி கேள்விப்பட்டிருக்கலாம். இதன் மறுபக்கமாக, வெற்றி பெற்ற குழந்தைகளோ மாபெரும் வீரர்களாக சித்தரிக்கப்படுகின்றனர். வழிபட வேண்டிய பிம்பமாகக் காட்டப்படுகின்றனர். சாதிக்கவே முடியாததை சாதித்துவிட்டதாக இறுமாப்புக் கொள்கின்றனர். சினிமா ஸ்டாருக்கான அந்தஸ்தைப் பெற்றுவிட்டதாக மாயையில் உழலுகின்றனர். ஆனால், தாம் இருப்பது திரிசங்கு சொர்க்கம்தான் என்பதை இறுதிவரை அவர்களால் உணர முடிவதில்லை. ஆயினும் ஒரிரு ஆண்டுகளுக்குப் பிறகு தான் ஒரு சாதாரணன்தான் என்ற உண்மை யதார்த்தம் சுடும் போது குறிப்பிட்ட குழந்தைகளின் ஆளுமை வெகுவாகச் சிதைகிறது. 4.விஜய் டிவியும், பெற்றோரும் சேர்ந்து கொண்டு குழந்தைப் பருவத்தை விட்டு துரத்தி இளம் பருவத்தினராக்கி விட விரும்புகிறார்கள். குழந்தைகள், பெரியவர்கள் போல் பேசுகிறார்கள். ஜோக் அடிக்கிறார்கள். ஆனால், குழந்தைகளாக நடிக்கிறார்கள். இந்த நிகழ்ச்சிக்காக அமைக்கப்படும் சுற்றுகளும் வயதுக்கு மீறியதாகவே இருக்கிறது. அதற்கேற்ப அவர்களது நடை, உடை, பாவனைகளும் மாறுகின்றது. குழந்தை உருவத்தில், பெரியவர்களுக்கான பாடல்களை பாடுகின்றனர். அங்க அசைவுகளை வெளிப்படுத்துகிறார்கள். சின்னஞ்சிறு வயதிலேயே வயதுக்கு மீறிய உடல் மொழி, உணர்வுகளை மெல்ல மெல்லக் கற்றுக் கொள்கிறார்கள். குழந்தைகளிடம் தாம் இப்படி, தகாத முறையில் பாலியலை அறிமுகப்படுத்தியதைப் பற்றி விஜய் டிவியோ அல்லது பெற்றோர்களோ கிஞ்சித்தும் கவலைப்படுவதில்லை. வெளிப்படையாக வல்லுறவு செய்தால்தான் பாலியல் வன்முறை என்பதில்லை. குழந்தைகளின் உணர்ச்சியை அளவு கடந்து தூண்டிவிடுதலும், குழப்புவதும் கூட பாலியல் வன்முறைதான். சகோதர, சகோதரிகளே இதை பாரக்கும் நம் வீட்டு குழந்தைகளும் ஆபாசத்தின் வலையில் விழ அதிக வாய்ப்பு உள்ளது ஆகையால் இந்நிகழ்ச்சி தடை செய்ய பட வேண்டும் நம் குழந்தைகளின் எதிர்காலத்திற்க்காக! நம்மால் செய்ய முடிந்து இதை தடுக்க எந்த முயற்சியையும் செய்யாமல் குழந்தைகளுக்கு எதிரான இந்த உளவியல் தாக்குதலை ஆதரிக்கிறோம் என்று அர்த்தம். இந்த சிறுப்பெண்கள் பாடும் காதல் பாட்டுகள்,குத்துப் பாடல்கள்,விரசா வரிகள் - சே ரத்தம் கொதிக்கவில்லை என்றால் நாம் மனிதர்களே இல்லை! இந்த குழந்தைகளை வைத்து நிகழ்ச்சி தயாரிப்பாளர்கள் பாட வைத்த வக்கிரப் பாடல்கள் சில. 1.நேத்து ராத்‌த்தீரி அம்மா. 2.வச்சுக்கவா உன்னை மட்டும் நெஞ்சுக்குள்ள இன்னும் நிறைய விரல்கள் டைப் அடிக்க மறுக்கின்றது. இதை பெருமையுடன் அப்பனும் ஆத்தாளும் உட்கார்ந்து பார்ப்பதுதான் வேதனை. டிஸ்கி : இந்த பதிவு உங்கள் மனதிற்கு நியாமாக பட்டால் இதை தயவு செய்து பகிரவும் - அவசரம் - Share now to save the kids நீங்கள் விரும்பினால் இங்கும் தொடரலாம் பேஸ்புக் முகவரி https://www.facebook.com/avargal.unmaigal டுவிட்டர் முகவரி https://twitter.com/maduraitamilguy அன்புடன் மதுரைத்தமிழன்

Avargal Unmaigal

தமிழகத்தில் இருந்து 23 ஆண்டுகளுக்கு முன் அமெரிக்காவில் வந்து 'நிரந்தரமாக' செட்டில் ஆகிவிட்ட மிகவும் எளிமையான சாதாரணமனிதனாகிய நான் படித்த, ரசித்த ஏராளமான விஷயங்களைப் பற்றி பகிர்ந்துகொள்ள வேண்டும் என்பதின் வெளிப்பாடு தான் இந்த இணைய வலைத்தளம்.எதையும் எதிர்பார்த்து ஆரம்பித்தல்ல. இது ஒரு பொழுது போக்கு அவ்வளவுதான். என்னை மதுரைத்தமிழன்என்று அழைக்கலாம் தொடர்புக்கு : avargal_unmaigal@yahoo.com

44 comments :

விசுAugust 28, 2014 at 1:49 PM
எங்கள் இல்லத்தில் கேபிள் டிவி வருடக்கணக்கில் கிடையாது. இன்னும் 4 வருடங்களுக்கு இது எங்கள் இல்லத்திற்கு வரவும் போவது இல்லை. அதனால் நான் தப்பித்தேன். இருந்தாலும், சில மாதங்களுக்கு முன் நண்பன் ஒருவர் வீட்டில் இருக்கையில் அவர் இந்த நிகச்ழ்ச்சியை போட்டு மிகவும் பெருமையாக பேசினார். அப்ப்போது ஒரு சிறுவன் "தண்ணி தொட்டி தேடி வந்த கன்னு குட்டி நான்" என்ற பாடலை பாட, நடுவர்களும், பெற்றோர்களும் ரசித்து கொண்டு இருந்தனர். நண்பனிடம் இதை பார்க்கையில் வாந்தி வருவது போல் இருக்கிறது தயவு செய்துநிறுத்து என்றேன். ஆஹா! இது நம் இல்லத்தில் இல்லையே என்று ஒரு நிமிடம் சந்தோஷ பட்டு கொண்டேன்.
ReplyDelete
Replies
Paradesi at New YorkAugust 28, 2014 at 1:51 PM
இதுல இப்படி ஒரு ஆங்கிளை நான் யோசிக்காதது பெரும் பாவம்தான் .
பகிர்ந்து கொண்டதற்கு நன்றி மதுரைத்தமிழன்.
ReplyDelete
Replies
'பரிவை' சே.குமார்August 28, 2014 at 3:31 PM
மிகவும் சிறப்பான பகிர்வு.... அவர் சொல்லியிருப்பது அனைத்தும் உண்மையே....
ReplyDelete
Replies
அருணா செல்வம்August 28, 2014 at 6:49 PM
சுபரஜா ஸ்ரீதரன் அவர்கள் சொன்னதை நானும் பல முறை இந்த நிகழ்ச்சியைப் பார்த்து ரசிப்பவர்களிடம் சொல்லி இருக்கிறேன். அப்படி நான் சொன்ன போது எனக்கு ரசனை என்பதே இல்லை என்று கேலி செய்தார்கள்.
அதைவிட குழந்தைகளின் நடனங்கள் சகிக்க முடியாது. இதையெல்லாம் கலை என்று சொல்கிறார்கள். சரி நமக்குத் தான் வயசு பத்தலையோ என்று பேசாமல் இருந்து விடுவேன்......(
ReplyDelete
Replies
Thulasidharan V ThillaiakathuAugust 28, 2014 at 8:02 PM
தமிழா நம்புங்கள்.... நேற்றுதான் நாங்கள் இஅதைப் பற்றிப் பேசிக் கொண்டிருந்தோம்...பொதுவாகவே தற்போது இங்கு பெற்றோர்களின் வளர்ப்பு முறை பற்றியும், குழந்தைகள் அந்ததந்த வயதிற்கேற்ற அந்த இன்னொசென்ஸ் இல்லாமல் போகின்றார்கள் என்றும் பேசி வரும் போது இது போன்ற நிகழ்ச்சிகளைப் பற்றியும்....
சகோத்ரை அருணா செல்வம் சொல்வதையும் அப்படியே வழிமொழிகின்றோம்...நாங்கள் சொல்ல வந்ததும் அதையே...
All kind of these programs shatter the personality (development) of a child!
ReplyDelete
Replies
Thulasidharan V ThillaiakathuAugust 28, 2014 at 8:05 PM
எமர்ஜென்சி அறிவிப்பு....பெற்றோர்களுக்கு நல்ல கவுன்சலிங்க் தேவை!
ReplyDelete
Replies
மகிழ்நிறைAugust 28, 2014 at 8:15 PM
பதிவை படிச்சுட்டு ரிப்ரெஷ் பண்ணினா பாரதியார் காணமல் போய் விநாயகர் வந்துட்டார்:)) எனக்குமே பிடிக்கலை தான், ஆனா அதைப்பற்றியே எழுதுவது கூட அதற்கு ஒரு பப்ளிசிட்டியை கொடுக்குமே சகா:(
ReplyDelete
Replies
Avargal UnmaigalAugust 28, 2014 at 11:45 PM
பேஸ்புக்கில் Srinivasa Ragavan அவர்கள் இட்ட கருத்து

இந்த சமூக விரோத விபசார கும்பல் இந்த நிகழ்ச்சியை தொடங்கியதில் இருந்தே அநேக உளவியலாளர்கள், பொதுமக்கள் தொடர்ந்து சொல்லிக்கொண்டு வரும் குற்றச்சாட்டு இது. பேன் குழந்தைகளுக்கு அவர்கள் போட்டு விடும் இறுக்கமான ஆபாசமான உடைகளை கவனியுங்கள். இவர்கள் பாட வைக்கப்படும் பாடல்களை கவனியுங்கள். Child Pornography வகையை சேர்ந்தது இந்த கூத்து. இந்த நிகழ்ச்சியில் பங்கு பெரும் தாய்மார்கள் பற்றி சமூகத்தில் என்ன நினைப்பார்கள்? பிஞ்சு குழந்தைகளிடம் நஞ்சை விதைத்து ஒரு தலைமுறையையே பாலியல் புறம்போக்குகளாக ஆக்கிக்கொண்டு வரும் இந்த மாதிரி ஊடக விபசாரங்களை தடுப்பது யார்? அரசா? இல்லை மக்களா? உளவியல் மற்றும் சமூகவியல் நிபுணர்கள் எவ்வளவோ எடுத்து சொல்லியும் கேளாமல் இந்த மாதிரி நிகழ்சிகளை நாக்கை தொங்கப்போட்டு கொண்டு பார்க்கும் வக்கிர புத்திக்கு அடிமையாகி போன தமிழ் சாதிகளா? இந்த மாதிரி நிகழ்சிகளுக்கு தங்கள் குழந்தைகளை அனுப்பி குறுக்கு வழியில் பணமும் புகழும் சேர்க்க துடிக்கும் தமிழ் சாதி தாய்மார்களா? சினிமா மோகத்தில் சிதைக்கப்பட்டு, கற்பழிக்கப்பட்ட பண்பாட்டு விழுமியங்களை மீட்டெடுக்கும் பணியில் சமூக ஆர்வலர்கள் திணறிக்கொண்டு இருக்கும் போது மீண்டும் மீண்டும் புது புது வடிவங்களில் விபச்சாரத்தை புகுத்தும் ஊடக விபச்சாரிகள் வலையில் தமிழ் சாதிகள் விழுவது கொடுமை. இது பண்பாட்டு பிரச்சினை. இதைப்பற்றிய சொரணையே இல்லாமல் தெருவில் வெட்கமில்லாமல் நடமாடி......விபச்சாரம் தமிழர் பண்பாட்டின் பிரிக்க முடியாத கூறா?
ReplyDelete
Replies
Avargal UnmaigalAugust 28, 2014 at 11:46 PM
பேஸ்புக்கில் Angel Fish அவர்கள் சொன்ன கருத்து

சில வருஷங்கள் முன்பு விஜய் டிவியில் டான்ஸ் ஆடுபவர்களை அறிமுகப்படுத்தும் ஒரு எபிசொட் பார்க்க நேரிட்டது .அப்போ அந்த ப்ரோக்ராமில் ஆடவிருக்கும் தகப்பன் மனைவியோடு ஆட்டம் போட்டார் ..பிறகு தனது மகள் நாலு வயது இருக்கும் அப்பெண்ணுக்கு அவளை ஆட சொன்னார் ..அந்த பொண்ணு கொஞ்சம் ஆடினதும் இந்த எருமை தாய் தகப்பன் ரெண்டும் சேர்ந்து அந்த குட்டிபெண்ணிடம் ஹிப்சை ஆட்டு ஹிப்ஸ் ஷேக் என்றதுகள் ....நாங்கள் இந்த தமிழ் தொல்லைகாட்சிகளை பார்ப்பதில்லை ..உங்கள் வீடுகளில் தயவுசெய்து இப்படிப்பட்ட நிகழ்சிகளை தவிர்க்க முயலுங்கள் ..
மழலை பருவம் அழகானது அதை தொலைப்பதென்பது இல்லையில்லை !!அதை தடுப்பது மகா பாவம் !
நம் ஒவ்வொருவரின் கைதட்டல்களும் டி ஆர் பி ரேட்டிங்கும் அப்பிள்ளைகளை அழிவுக்குத்தான் கொண்டு செல்கிறது
ReplyDelete
Replies
Avargal UnmaigalAugust 28, 2014 at 11:47 PM
பேஸ்புக்கில் விக்கியுலகம் வெங்கட் அவர்கள் சொன்ன கருத்து

சொன்னா எவன் கேக்கறான்...
ReplyDelete
Replies
எம்.ஞானசேகரன்August 29, 2014 at 12:21 AM
பகிர்ந்துட்டேன் தல...
ReplyDelete
Replies
விமல் ராஜ்August 29, 2014 at 1:39 AM
நீங்கள் சொல்வது உண்மை தான்...இரு நாட்களுக்கு முன் விஜய் டி.வி -யின் சூப்பர் சிங்கரில், ஒரு சின்ன பொடியன்(எட்டு,பத்து வயது இருக்கும் ) , ம.கா.பா வை பார்த்து, "என் கூட பேசினா மரியாதை கேட்டிரும்... " என்று சொல்கிறான்... அதை பார்த்து, பெற்றோர்களும், மற்றவர்களும், கேக்கே ..பிக்கே என சிரிக்கிறார்கள்....

இது போன்ற நிகழ்ச்சிகள் கலாச்சார கேவலத்தின் உச்சம்.....
ReplyDelete
Replies
விமல் ராஜ்August 29, 2014 at 1:41 AM
நானும் பகிர்ந்துட்டேன்..
ReplyDelete
Replies
வல்லிசிம்ஹன்August 29, 2014 at 2:20 AM
நானும் பகிர்ந்து கொண்டிருக்கிறேன். எல்லோரும் இதைப் பாராட்டி வேறு பார்க்கிறார்கள். என்னை மாதிரி ஒன்றிரண்டு பேர் வேறு மாதிரி பேசினால்,பைத்தியம் மாதிரி தெரியும்.
ReplyDelete
Replies
வல்லிசிம்ஹன்August 29, 2014 at 2:21 AM
நானும் பகிர்ந்து விட்டேன் கூகிள் ப்ளஸ்ஸில். எல்லோரும் பார்த்து கேட்டு ரசிக்கிறார்கள்.தற்போதையா ஆட்டத்தில் எதிர்காலத்தைக் கோட்டைவிடுகிறார்கள்.
ReplyDelete
Replies
Yoga.S.August 29, 2014 at 1:13 PM
ஏன்,சன் டீ.வீ யில் கூட 'சன் சிங்கர்' என்று ஒரு போட்டி நடத்துகிறார்களே?அதுவும் குழந்தைகளுக்கானது தானே?அதில் விரசமான பாடல்களை குழந்தைகள் பாடுவதில்லையா,என்ன?விஜய் டீ.வீ,ஜூனியர்,சீனியர் என்று இரண்டு.சன் டீ.வீ.ஒன்று தானே என்று கண்டு கொள்ள மாட்டார்/டீர் கள் போல?
ReplyDelete
Replies
இன்னம்பூரான்August 29, 2014 at 9:18 PM
சுப்ரஜா ஶ்ரீதர் சொல்வது முற்றும் சரியே, பின்னூட்டங்களும் அதை ஆதரிப்பதிலும் சரியே. நான் இதைப் பார்ப்பதில்லை.
ReplyDelete
Replies
பால கணேஷ்August 29, 2014 at 10:46 PM
சன் டிவில ஒரு நிகழ்ச்சியில ஒரு தம்பதி குத்தாட்டம் போட்டு செம லோக்கல் பார்ட்டிங்க போல அசிங்கமான அங்க அசைவுகளோட ஆடிட்டு கடைசியில ‘நாங்க ரெண்டு பேரும் ஸ்கூல் டீச்சர்ஸ்’ன்னாங்க. இதுங்க கிட்ட படிக்கிற பசங்க இதுங்களை எப்படி மதிக்கும்..? அப்புறம் இந்த மாதிரி பாட்டுப் பாட வெக்கிற, வயசுக்குப் பொருந்தாம ஒரு கறுத்த தின்னவேலி அண்ணாச்சியை கலாய்க்கற குழந்தைங்க.... ச்சை..! இதப் பத்தில்லாம் எழுதி, பேசி சோர்ந்து போய் விட்டுட்டேன். (நான் டிவி நிகழ்ச்சிகளை எப்போதாவது அந்தப் பெட்டியைக் கடக்க நேரிடுகையில்தான் கவனிப்பவன் என்பதை இங்கே அழுத்தமாகப் பதிவு செய்ய விரும்புகிறேன்.) சுப்ரஜா ஸ்ரீதரன் அவர்கள் எழுதியதில் வரிக்கு வரி நான் உடன்படுகிறேன்.
ReplyDelete
Replies
UnknownAugust 30, 2014 at 7:46 PM
This is just a good write up focussing only on the darker side; a kind of 'Half Empty' perspective. In fact the author had blown certain things out of proportions. It would have been better had the author threw light on the other side as well.
ReplyDelete
Replies
YarlpavananAugust 30, 2014 at 9:49 PM
சிறந்த எண்ணப்பதிவு

தொடருங்கள்
ReplyDelete
Replies
Sun Crystals Pvt. Ltd.,September 2, 2014 at 8:43 AM
Exactly correct, sir :)
ReplyDelete
Replies
சரஸ்வதி ராஜேந்திரன்September 3, 2014 at 8:52 AM
இது திறமையை வெளிக்கொணரும் நல்ல நிகழ்ச்சிதான் சந்தேக மில்லை ஆனால் , முக்கல்,முனகல் பாடல்களை பாடவைப்பதும் ,அதை பெற்றோர்கள் அமர்ந்து அவர்களும் எழுந்து ஆடுவதும் , நடுவர்களும் சேர்ந்து உற்சாக குரல் எழுப்புவதும் ஆபாசம்தான் குழந்தைகள் மனதில் வக்கிரத்தை திணிப்பதுபோல்தான்
உண்ருகிறோம், புகழுக்கும் ,பணத்திற்கும் ஆசைப்பட்டு பெற்றோர்கள் கலாச்சார சீரழிவுக்கு துணை போகிறார்கள் .இது ஆபத்தானது.---சரஸ்வதி ராசேந்திரன்
ReplyDelete
Replies
டி.என்.முரளிதரன் -மூங்கில் காற்று September 5, 2014 at 10:01 PM
வயதுக்கு மீறிய முதிர்ச்சியுடன் குழந்தைகள் பாடும் பாடல்களைக் கேட்டு முகம் சுளிக்காமல் இருக்க முடியாது.மனோவின் கோமாளித்தனங்கள் எல்லை கடந்து சென்று கொண்டிருக்கின்றன. அவர் மீது கொண்ட மதிப்பு நாளுக்கு நாள் சரிந்து வருகிறது, தொகுப்பாளர்களின் கெக்கே பிக்கே பேச்சுக்கள் சகிக்க முடியவில்லை.சுப்ரஜா ஸ்ரீதர் சொன்னதை ஆமோதிக்கிறேன்.
ReplyDelete
Replies
musicaloverSeptember 11, 2014 at 4:31 AM
I was very much angry when the kids were talking too much, that too with no respect. Then came to know from a very reliable source that the kids answer as per instructions from the anchors who think by such interactions between the anchors and the kids will make the program interesting. The replies from the kids are all taught by the anchors. The male anchor talk bad about the female and she does the same in return, all through the kids. Vijay TV happily telecast every nonsense,
ReplyDelete
Replies
UnknownNovember 13, 2016 at 12:33 AM
அன்பரே உங்கள் கருத்து பல ஆழமான உண்மைகளை வெளிப்படுத்துகின்றது. தென் இந்தியாவின் சாப கேடு என்னவெனில் தென் இந்தியாவின் அரசியல் நிர்ணயம் சினிமா தான் என்கின்ற நிலை. நான் ஒரு பதிவில் படித்தேன் "வர வர நாட்டில் மழை குறைய காரணம் நடிகை நயன்தாரா சீதை க்கும் நடிகை ரோஜா அம்மனுக்கும் நடித்தது தான?" என்ற பதிவு.

நன்றி
கிருஷ்ணா - ஈழ நேசன்
வட இலங்கை (ஈழத்தில் இருந்து)
இலங்கை
ReplyDelete
Replies
UnknownMarch 31, 2017 at 12:26 PM
good
ReplyDelete
Replies
NAKARAJANFebruary 26, 2018 at 10:03 PM
நீங்கள் இதையெல்லாம் சொல்லுகிறீர்கள் .உங்கள் எண்ணத்தில் உள்ள விசாலம்
மனதில் இல்லை .ஒன்றை மட்டும் புரிந்து கொள்ளுங்கள் .இந்த அருமையான கட்டுரையை
வலைத்தளத்தில் போட முடியாதபடி protect பண்ணியிருக்கீங்க .
நீங்கள் குன்றின் மீதுள்ள விளக்கல்ல,குடத்தில் இட்ட விளக்கு
ReplyDelete
Replies

Add comment

நான் அறிவு ஜீவி அல்ல ஒரு சாதாரணமான் மனிதன் தான்.இங்கு நான் பதியும் பதிவுகளில் உள்ள கருத்துகள் "மிகவும் சரி"யென்று சொல்லமாட்டேன் அது அன்றைய மனநிலையில் என் மனதில் எழும் கருத்துகளே...அதனால் உங்களது மனசுலபட்ட மாற்று கருத்துகளை தாராளமாக பகிரலாம். ஆனால் தேவையற்ற, வரம்புமீரிய, அநாகரிகமான வார்த்தைகளாலும் பதிவிற்கு சம்பந்தமில்லாமல் கருத்துக்கள் சொல்லப்பட்டால் எந்த வித பதில் விளக்கமின்றி அந்த கருத்து டெலீட் செய்யப்படும்.