உங்களின் உண்மையான நண்பர்கள் யார் என்று அறிந்து கொள்ள விரும்பினால் இந்த பதிவை கண்டிப்பாக படிக்கவும்.

 உங்களின் உண்மையான நண்பர்கள் யார் என்று அறிந்து கொள்ள விரும்பினால் இந்த பதிவை கண்டிப்பாக படிக்கவும்.

ஒரு அழகிய மணமுள்ள ரோஜா மலரை சில மீன்களோடு போட்டு ஒரு பையில் வைத்தால் சிறிதுநாளில் அது நாறத்துவங்கும். அது போலத்தான் நம் கூட உள்ள மோசமான நட்பால் நமது வாழ்வும் கெட்டுப்போகும்



உங்கள் நண்பர்கள் உண்மையிலேயே உங்களின் நல்ல நண்பர்கள்தானா? உங்கள் வாழ்வு பிரகாசிக்க வழி சொல்லுகிறார்களா அல்லது தவறான இருட்டு வாழ்விற்குச் செல்ல வழி சொல்லுகிறார்களா? நண்பர்கள் நம் வாழ்விற்கு மிக முக்கியம். நாம் வைத்திருக்கும் நட்பு நம் வாழ்வில் நம்மை அறியாமல் பல மாற்றத்திற்கு இட்டுச் செல்லும். அதனால் நல்ல நண்பர்கள் நல்வாழ்விற்கு மிக அவசியம்.

நமக்குப் போரடிக்கும் போதும் ,கவலையுடன் இருக்கும் போதும், உடல் நிலை சரியில்லாத போதும், நாம் எழுதும் மொக்கை பதிவுகளுக்கு உடனடியாக பின்னூட்டம் இட்டும், நாம் இடும் பேஸ்புக் ஸ்டேடஸுக்கு தொடர்ந்து லைக்ஸ் போட்டுக் கொண்டும், பதிவர் கூட்டங்களில் அல்லது நமது இல்ல விழாக்களில் கலந்து தோளில் கைபோட்டு போட்டோவுக்கு போஸ் கொடுத்தும், பாருக்கு வந்து நம்மோடு அமர்ந்து தண்ணி அடிக்கும் நட்புகளைப் பற்றி நான் இங்குக் கூறவில்லை.

நான் சொல்லும் நட்பு உங்களின் வாழ்வில் நல்ல மாற்றத்தை ஏற்படுத்தி முன்னேற்றப் பாதைக்கு இட்டுச் செல்லும் நட்பு. எதையும் எதிர்பார்க்காமல் தன்னால் முடிந்ததை நல்ல வழியில் செய்து நம் வாழ்வில் ஒரு பிரகாசத்தைக் கொடுக்கும் நட்பு

 நாம் கஷ்டப்படும் போது, நமது நண்பன் கஷ்டப்பட்டு உழைத்த பணத்தை நமக்குக் கொடுத்து நாம் கஷ்டப்படாமல் இருக்கச் செய்ய வேண்டும் என்று நினைப்பது நட்பல்ல. நாம் கஷ்டப்படும் போது நம்முடன் உறுதுணையாக இருந்து நீ இப்படிச் செய்து கொண்டிருக்கிறாய் அதனால்தான் உனக்குக் கஷ்டம் அதற்குப்பதிலாக நீ இப்படி இப்படிச் செய்தால் அல்லது நடந்தால் இப்படிப்பட்ட பலன் கிடைக்கும். அதன் மூலம் உன் வாழ்வு இப்படி மாறி துன்பம் இல்லாமல் நன்றாகப் பிரகாசிக்கும் என்று சொல்லி நம் வாழ்வில் யார் கையையும் எதிர்பார்க்காமல் நம் கையால் மாற்றத்தை ஏற்படுத்துபவனே உண்மையான நண்பன்.



 உங்களைச் சுற்றி இப்படிப்பட்ட நண்பர்கள் எத்தனை பேர்கள் இருக்கிறார்கள் என்று உங்களையே நீங்கள் உங்கள் மனசாட்சியைத் தொட்டுக் கேட்டுக் கொள்ளுங்கள்.

இந்த பதிவின் ஆரம்பத்தில் நான் ரோஜாவைப் பற்றி எழுதியிருப்பதை நீங்கள் அவசியம் புரிந்து கொள்ள வேண்டும். அது மிக முக்கியம் நல்ல நட்புக்கு & நல்வாழ்க்கைக்கு!



நீங்கள் எப்படி வர வேண்டும் என்பதை நீங்கள் தான் முடிவு செய்ய வேண்டும். நீங்கள் இமயமலைக்குச் சென்று அங்குவசிக்கும் யோகிகளுடனும் சாதுக்களுடன் வசித்து வந்தால் உங்கள் இயற்கை குணம் மாறி நீங்கள் மிக மென்மையுள்ளம் கொண்டவராகவும் அல்லது நடிகர்களுடன் சேர்ந்து வசித்தால் வாழ்க்கையிலும் நீங்கள் நடிக்கவும், பணத்தாசை கொண்ட அம்பானி, டாட்டா கூட சேர்ந்தால் பண ஆசை கொண்டவராகவும், அரசியல்தலைவர்களூடன் சேர்ந்து இருந்தால் குறுக்கு வழியில் பணம் சம்பாதித்து சிறைக்குச் சென்றும், என்னுடன் சேர்ந்து இருந்தால் நல்லவனாகவும் பூவோடு சேர்ந்த நார் மணப்பது போல மாறலாம். (ஹீ.ஹீ நம்ம தமிழ் பழமொழி எப்படி எல்லாம் எனக்கு கை கொடுக்கிறது பாருங்க)



நீங்கள் அதிக நேரம் யார் கூட சேர்ந்து இருக்கிறீர்களோ அவர்களின் பழக்க வழக்கங்கள் நீங்கள் அறியாமல் உங்களை மாற்றிவிடும் என்பதுதான் உண்மை. காரணம் மனிதர்களாகிய நாம் இந்த உலகின் பல இடங்களிலிருந்து தகவல்களை எடுத்துக் கொண்டு நாம் அதற்குத் தகுந்து நம்மை மாற்றிக் கொள்கிறோம். அதனால் நட்பு மிக முக்கியம் . அது இந்த உலகில் மிக முக்கியமான பாத்திரமாக இருந்து நமது வாழ்க்கையில் செயல்பட்டுக் கொண்டு இருக்கிறது. நண்பர்களின் ஆதிக்கத்தைச் சார்ந்துதான் நமது எதிர்கால வாழ்க்கை மாறுகிறது. அதனால் இப்ப சொல்லுங்கள் உங்கள் நண்பர்கள் உண்மையான நண்பர்கள்தானா ?????


இந்த பதிவைப் படித்த அனைவருக்கும் நான் கேட்டுக் கொள்வது இதுதான்.. உங்களைச் சுற்றி இருக்கும் நண்பர்களைப் பாருங்கள் அவர்களில் யார் மிகவும் கஷ்டப்படுகிறார்களோ அவர்களுக்கு நீங்கள் சேர்த்து வைத்திருக்கும் பணத்திலிருந்து ஒரு காசைகூட தரவேண்டாம். ஆனால் அவனும் உங்களைப் போலக் கஷ்டம் இல்லாமல் இருக்கும் நிலைக்கு வர வேண்டும் என்றால் அதற்கு என்ன செய்யவேண்டும் எப்படிச் செய்ய வேண்டும் என்ற வழியை அவனுக்குச் சொல்லிக் கொடுங்கள் அதைவிட்டு விட்டு எங்கே நாம் அவனுக்கு வழிகாட்டினால் எங்கே அவன் நமக்கு இணையாக வந்துவிடுவானே அப்போது நம்மைப் பற்றி பெருமை பேச ஆள் இருக்க மாட்டேன் என்று மட்டும் நினைத்து இருந்து விடவேண்டாம்

 இப்படியும் ஒரு நட்பா? ஆண் பெண் அனைவரும் அவசியம் படிக்க வேண்டிய பதிவு   https://avargal-unmaigal.blogspot.com/2012/01/blog-post_13.html
 

அன்புடன்
மதுரைத்தமிழன்
இது ஒரு மீள்பதிவு

#நட்பு #நல்லநட்பு #வாழ்க்கைமாற்றம் #உண்மையானநட்பு #நட்பின்அழகு #நட்புசிந்தனை #நட்புமிகமுக்கியம் #நட்புவாழ்க்கை #நட்பின்மூலம் #நட்புசிறப்பு #நட்புக்காக #நட்பைபுரிந்து #நட்பைபார்க்கும் #நட்பைமாற்றும் #நட்பைநினைத்துப் பாருங்கள்#TrueFriendship #PowerOfFriendship #FriendshipMatters #ChooseYourCircleWisely #LifeChangingFriendship #PositiveVibesOnly #FriendshipGoals #RealFriendsOnly #InfluenceMatters #FriendshipWisdom #CircleOfInfluence #FriendshipReflection #MeaningfulConnections #FriendshipAwareness