2016 தமிழக சட்டசபை தேர்தல் கூட்டணி இப்படிதான் அமையுமோ?

	2016 தமிழக சட்டசபை தேர்தல் கூட்டணி இப்படிதான் அமையுமோ?
	மோடியும் ஜெயாவும் சட்டசபை தேர்தலை மனதில் நிறுத்தி அதற்கான காய்களை நகர்த்த தொடங்கியுள்ளனர் தமிழகத்தில் அதிமுக ஆட்சியில் இருந்தால் அடுத்த தேர்தலில் திமுக ஆட்டோமெடிக்காக ஆட்சிக்கு வந்துவிடும். ஆனால் இந்த முறை திமுக அடிபட்டு குற்றுயிராக கிடக்கும் பாம்பு போல கிடக்கிறது, அதனால் அது மீண்டும் எழுந்துவிடாமல் இருப்பதுதான் அதிமுகவிற்கும் பாஜவினருக்கும் நல்லது. அதற்கு ஏதாவது செய்தால்தான் பாஜக தன் கால்களை இங்கு வேறுண்ற முடியும் அதன் காரணமாக ஜெயாவின் தலைமையில் பாஜக கூட்டணி அமைத்து கூட்டணி ஆட்சிக்கு முயற்சித்தால் அது இரண்டு கட்சிக்கும் மிக சாதகமே என்பதை உணர்ந்து இருக்கிறது. இப்படி நடந்தால் நிச்சயம் பாஜ கூட்டணியில் இருந்து விஜயகாந்த ராமதாஸ் வெளியேறவது உறுதி. ஆனால் வைகோ ஜெயலலிதாவை அட்ஜெஸ்ட் செய்து அந்த கூட்டணியிலே தொடர்வார். இப்படி வெளியேறும் விஜயகாந்த ராமதாஸ் திமுக பக்க போக சிறிது யோசிக்கலாம் காரணம் அவர்கள் ஸ்டாலின் தலைமையில் உள்ள கூட்டணிக்கு போகமாட்டார்கள். ஒரு வேளை கலைஞர் தலைமையில் என்றால் யோசிக்காமல் சேருவார்கள் என்று எதிர்பார்க்கலாம். இதனை உணர்ந்த கலைஞர் இப்போது ஸ்டாலினை சற்று ஒதுங்கி இருக்க செய்ய முயற்சிக்கிறார் அதன் விளைவே மீண்டும் கலைஞர் தன் கையில் சாட்டையை எடுத்து வீச ஆரம்பித்து இருக்கிறார் மேலும் அழகிரியை கட்சியில் மீண்டும் சேர்பதன் மூலம் கட்சி இன்னும் தன் கையில்தான் இருக்கிறது என்று மற்ற கட்சிகளுக்கு ஒரு தோற்றத்தை ஏற்படுத்த முயற்சிக்கிறார் இப்படி செய்வதன் மூலம் தன் கைப்பிடியில் இருந்து வழுக்கி கொண்டிருக்கும் திருமாவளவனை இருத்தி கொள்ளவும் ராமதாஸ் விஜயகாந்த அவர்களுக்கு தயக்கம் இல்லாமல் தன் கட்சியுடன் கூட்டணி ஏற்படுத்தி கொள்ள வாய்ப்பை உருவாக்க முயற்சிகிறார். மேலும் மற்றொரு பக்கம் கலைஞர் லோக்சபா தேர்தலுக்கு அப்புறம் பாஜவுடன் ஒட்ட பலவிகிதங்களில் முயற்சி செய்து வருகிறார். பாஜவும் இதனை கண்டும் காணாதது மாதிரி இருக்கிறது ஒரு வேளை கடைசி நேரத்தில் அதிமுக காலை வாரிவிட்டால் அப்போது தன்னுடன் அது சேர்த்து கொள்ளும். ஆனால் திருமாவளவனோ ஸ்டாலினால் பட்ட அவமனாத்தால் கலைஞரின் பிடியில் இருந்து தப்பி அதிமுக பாஜ கூட்டணியில் சேர்ந்துவிடுவார். பாஜ திமுகவுடன் சேரவில்லையென்றால் வழக்கம் போல காங்கிரஸ் கழுதை கெட்டா குட்டிச் சுவரு என்பது போல திமுகவுடன் சேர்ந்து விடும். இதுதாங்க இப்போது உள்ள நிலவரம்... டிஸ்கி: ஆனா கத்தி படம் வெளிவந்து மக்கள் மனதில் மிகப் பெரிய மாற்றம் வந்து விஜய் முதலமைச்சர் ஆனாலும் ஆகலாம்..அதனால அனைத்து கட்சிகளும் விஜயை அனுசரித்து போங்கப்பா....அதுமட்டுமல்லாமல் ரஜினி கமல் அஜித் எல்லாம் வருங்கால முதலமைச்சர் விஜய்க்கு திரைப்படத்துறை சார்பாக எடுக்கும் விழாவில் கலந்து கொள்ள இப்போதே நாட்களை ரிசர்வ் செய்து வைத்து கொள்ளுங்கள் அப்படி இல்லைன்னா உங்க படங்கள் வெளியிடுவதில் எதிர்காலத்தில் படு சிக்கலாக இருக்கும்... அன்புடன் மதுரைத்தமிழன்