இந்திய சென்சார் போர்டு தூங்குகிறதா? விஜய்-ரஜினி பட வன்முறை இளைஞர்களை கொலைகாரர்களாக மாற்றிய உண்மை!

தமிழகத்தை அழிக்கும் சினிமா விஷம்!”

    

ஒருவன் இரத்த வெள்ளத்தில் துடித்துக்கொண்டிருக்கிறான்... ஆனால் அவனைச் சுற்றியிருக்கும் நான்கு சிறுவர்களோ கையில் அரிவாளை ஏந்தி, கேமரா முன்னால் வெற்றிச் சைகை காட்டி வீடியோ எடுத்துக் கொண்டிருக்கிறார்கள்! திருவள்ளூர் அருகே நடந்த இந்தக் கொடூரம், ஒரு தனி நபர் மீதான தாக்குதல் மட்டுமல்ல; தமிழ் சினிமா எனும் போதையில் ஒரு தலைமுறையே வக்கிரமாகிப் போனதன் உச்சகட்ட சாட்சி. திரையில் ரஜினிகாந்த் தலையை வெட்டுவதையும், விஜய் ரத்தம் சொட்டச் சொட்ட எதிரிகளைச் சிதைப்பதையும் 'மாஸ்' என்று கைதட்டி ரசித்தோம். இன்று அதே 'மாஸ்' பிம்பம் நம் வீதிக்கு வந்துவிட்டது. இது சினிமாவா? இல்லை நிஜமா? என்று பிரித்தறிய முடியாத அளவிற்கு இளைஞர்களின் மூளையில் நஞ்சைச் செலுத்தியிருப்பது யார்? கோடிகளில் புரளும் நடிகர்களா அல்லது உறங்கிக் கொண்டிருக்கும் தணிக்கைத் துறையா? இந்தச் சமூகச் சீரழிவின் ஆணிவேரைத் தேடி ஒரு அதிரடி அலசல்!

திருவள்ளூர் மாவட்டத்தில் நடந்த அந்த கொடூரச் சம்பவத்தை நாம்  வெறும் செய்தியாக பார்த்து கடந்த்து விட முடியாது. அது நம் சமூகத்தின் அறநெறி செத்துக்கொண்டிருப்பதற்கான அபாயச் சங்கு என்றுதான் சொல்ல வேண்டும் . 17 வயது சிறுவர்கள், பிழைக்க வந்த ஒரு மனிதனை வேட்டையாடிவிட்டு, ரத்தக் கறையோடு கேமரா முன் காட்டிய அந்த ‘விக்டரி’ அடையாளம், நமது திரையுலகம் அவர்களுக்குப் புகட்டிய பாடத்தின் நேரடி விளைவு. இது தற்போதைய இளைய தலைமுறையினரின் மனநிலை குறித்த பல அச்சமூட்டும் கேள்விகளை எழுப்பியுள்ளது.


சென்னையிலிருந்து திருத்தணி சென்ற அந்த ரயிலில் சிராஜ் என்ற தொழிலாளிக்கு நேர்ந்தது ஒரு திரைப்படக் காட்சி போலவே அரங்கேறியிருக்கிறது. கத்திகளால் மிரட்டுவது, தனி இடத்திற்கு அழைத்துச் செல்வது, கொடூரமாகத் தாக்கிவிட்டு அதை வீடியோ எடுத்து, பின்னணியில் ‘மாஸ்’ பாடல்களை ஒலிக்கச் செய்வது என அனைத்தும் அச்சு அசலாக ஒரு கேங்ஸ்டர் படத்தைப் போலவே இருக்கிறது. இதில் கொடுமை என்னவென்றால், பாதிக்கப்பட்டவர் ரத்த வெள்ளத்தில் துடிக்கும்போது, அந்தச் சிறுவர்கள் காட்டிய வெற்றிச் சைகை. இது வெறும் குற்றமல்ல; சினிமாவின் வன்முறைப் போதையில் விளைந்த ஒரு சமூக வக்கிரம்.

 இதை வன்முறையின் மனவியல் என்று சொல்வதோடு  இதை இளம் மூளைகளில் விதைக்கப்படும் விஷம் என்றும் சொல்லாம்

காரணம் உளவியல் ரீதியாக 15 முதல் 29 வயது வரையிலான இளைஞர்களின் மூளை இன்னும் முழுமையாக முதிர்ச்சியடைந்திருப்பதில்லை. குறிப்பாக, விளைவுகளைக் கணிக்கும் ‘முன்பக்க மூளை’ (Prefrontal Cortex) வளர்ச்சி பெறாத நிலையில், அவர்கள் பார்ப்பவற்றை அப்படியே நிஜம் என்று நம்புகிறார்கள். KGF,, ஜெயிலர், மாஸ் , வேட்டையன்  போன்ற படங்களில் ரத்தம் தெறிக்கத் தெறிக்க மனிதர்களை வெட்டுவதை ‘கெத்து’ என்று காட்டும் போது, நிஜ வாழ்க்கையிலும் ரத்தத்தைப் பார்க்கும் போது ஏற்படும் பயம் அற்றுப்போய் ஒரு உணர்வற்ற நிலை (Desensitization) ஏற்படுகிறது.

அதுமட்டுமல்ல யதார்த்தத்தை இழந்து  கற்பனை உலகிற்கும் நிஜ உலகிற்கும் இடையிலான கோடு இவர்களுக்கு அழிந்துவிடுகிறது. சினிமாவில் ஹீரோ கத்தியைத் தூக்கினால் கைதட்டல் கிடைக்கிறது; எனவே நாமும் தூக்கினால் ‘மாஸ்’ ஆகலாம் என்ற போலி பிம்பம் உருவாகிறது.



 கடந்த 15 ,  20ஆண்டுகளில் தமிழ் சினிமாவில் வன்முறை காட்சிகள் பன்மடங்கு அதிகரித்துள்ளன. திரையில் காட்டப்படும் ‘மனநோய்’ மற்றும் ‘ஆக்ரோஷம்’ ஆகியவை இளைஞர்களைத் தவறான வழியில் வழிநடத்துவதை  இது போன்ற சம்பவங்கள் உறுதி செய்கிறது. இன்று வன்முறை என்பது ஒரு வியாபாரப் பொருளாகிவிட்டது. குறிப்பாக சமூக ஊடகங்களில் பகிரப்படும் படங்களின் வன்முறை துணுக்குகள், ரீல்ஸ்கள் (Edits/BGM), ஒரு வன்முறைக் கலாச்சாரத்தையே (Cult of Violence) உருவாக்கியுள்ளது.

இந்த சம்பவத்திற்கு யார் பொறுப்பு என்றால் சிலர் அரசையும்  அல்லது ஆசிரியர்களையும் அல்லது பெற்றோர்களையும் குறை சொல்லுவார்கள். ஆனால் அவர்களை விட இளையவர்களின் மனதில் அதிகம் பாதிப்பை உண்டாக்குவது திரைப்பட நடிர்கள்தான் காரணம் இவர்களால்தான் இன்றைய தலைமுறைக்கு  ஹீரோக்கள் .அதனால் ரஜினிகாந்த் மற்றும் விஜய் - பொறுப்பை உணருவார்களாஎன்றுதான் கேட்க மனம் நினைக்கிறது.

கோடிக்கணக்கான இளைஞர்களின் ‘ரோல் மாடல்’களாக இருக்கும் ரஜினிகாந்த் மற்றும் விஜய் போன்ற நடிகர்கள், தங்களின் திரைப் பிம்பங்கள் ஏற்படுத்தும் தாக்கத்திற்குப் பொறுப்பேற்க வேண்டும்.

#சூப்பர் ஸ்டார் ரஜினிகாந்த் ஒரு காலத்தில் வன்முறையைத் தவிர்த்து வந்தவர், இன்று *Jailer* போன்ற படங்களில் வெளிப்படையாகத் தலைகளை வெட்டுவதையும், வன்முறையை நியாயப்படுத்துவதையும் பார்க்கிறோம். வேட்டையன் படத்தில் ‘என்கவுன்ட்டர்’ கொலைகளை மகிமைப்படுத்தியதற்காக தனி நபர் தொடுத்த வழக்கினால் நீதிமன்றமே அவருக்கு நோட்டீஸ் அனுப்பியது. ரஜினி போன்ற ஒரு ஆளுமை துப்பாக்கியைத் தூக்கும்போது, அது ஒரு சாதாரணச் செயலல்ல; அது லட்சக்கணக்கான பிஞ்சு மனங்களில் ஒரு சட்டவிரோதத் தீப்பொறியை ஏற்றுகிறது. 

தளபதி விஜய் ‘பூவே உனக்காக’ என மென்மையான நாயகனாகத் தொடங்கிய விஜய், இன்று ‘மாஸ்டர்’, ‘லியோ’ எனத் தீவிரமான வன்முறைக் களங்களில் நிற்கிறார். இவரது படங்களில் கல்விக்கோ, சட்டத்திற்கோ இடமில்லை; எதற்கும் வன்முறைதான் தீர்வு. ‘தளபதி’ என்ற அடைமொழியும், அவர் தொடங்கியிருக்கும் அரசியல் கட்சியும் அவருக்குக் கூடுதல் சமூகப் பொறுப்பைத் தருகின்றன. ஆனால், அவரது படங்களில் வழியும் ரத்தம் அந்தப் பொறுப்பைக் கேள்விக்குறியாக்குகிறது.

இவர்கள் இருவர் மட்டுமல்ல இது போல வன்முறை காட்சிகளில் நடிக்கும் பிரபல ஹீரோக்கலும் இதற்கு பொறுப்புதான்.


இவர்கள் ஒரு புறம் என்றால்  இந்தியத் தணிக்கை வாரியம் இன்று கண்களை மூடிக்கொண்டு தூங்கும் ஒரு காவலாளியாக மாறிவிட்டது.

 சமூகப் பிரச்சினைகளைப் பேசும் படங்களுக்கும், அரசை விமர்சிக்கும் படங்களுக்கும் கத்திரி போடும் தணிக்கை வாரியம், கொடூரமான கொலைகளையும், ரத்தக் கறைகளையும் காட்டும் வணிகப் படங்களுக்கு ‘U/A’ சான்றிதழ் வழங்கி குழந்தைகளும் பார்க்க அனுமதிக்கிறது.

 12 வயது சிறுவன் ஒருவன் Jailer அல்லது Leo போன்ற படங்களில் நடக்கும் படுகொலைகளைப் பார்க்க அனுமதிப்பதே ஒரு குற்றமாகும். வன்முறையைத் தடுக்கத் தவறிய சென்சார் போர்டு, இந்தச் சமூகச் சீரழிவிற்கு முக்கியக் கூட்டாளி.

இந்த திருவள்ளூர் சம்பவம் - சினிமாவின் நேரடி விளைவு என அடித்து சொல்லாம்

திருவள்ளூரில் அந்தச் சிறுவர்கள் செய்த ஒவ்வொரு காரியமும் ஒரு திரைக்கதை போலவே இருக்கிறது. மிரட்டல், தனிமைப்படுத்தல், தாக்குதல், அதை வீடியோ எடுத்து ‘BGM’ சேர்த்துப் பதிவிடுதல் என அனைத்தும் திரை பிம்பங்களின் நகல். அந்தப் புலம்பெயர் தொழிலாளி ரத்தத்தில் கிடக்கும்போது அவர்கள் காட்டிய அந்த வெற்றிச் சைகை, அவர்கள் தங்களை ஒரு நிஜ உலக ‘ஹீரோ’களாகக் கற்பனை செய்து கொண்டதன் வெளிப்பாடு. 50 ஆண்டுகளுக்கு முன்பே எச்சரிக்கப்பட்ட வன்முறை ஊடகங்களின் தாக்கம், இன்று நமது தெருக்களில் ரத்தமாக ஓடிக்கொண்டிருக்கிறது.

இனிமேலாவது நாம் சும்மா இருக்காமல் சில  நடவடிக்கைகளை எடுக்க வேண்டிய கட்டாய சூழலில் இருக்கிறோம்

இந்த சம்பவவத்திற்கு  நடிகர்கள் தார்மீகப் பொறுப்பு ஏற்க வேண்டும் ரஜினிகாந்த், விஜய் போன்ற உச்ச நட்சத்திரங்கள், “திரை வன்முறையை நிஜத்தில் பின்பற்றாதீர்கள்” என்று வெறும் அறிக்கையாக அல்லாமல், தங்கள் படங்களில் வன்முறைக் காட்சிகளைக் குறைக்க முன்வர வேண்டும்.

தணிக்கைத் துறை  மறு சீர்திருத்தம் கொண்டு  வர வேண்டும்  வன்முறைக்கான அளவுகோல்களைக் கடுமையாக்க வேண்டும். வன்முறையை மகிமைப்படுத்தும் படங்களுக்குக் கண்டிப்பாக ‘A’ சான்றிதழ் வழங்கப்பட வேண்டும். அதோடு பெற்றோர்களின் விழிப்புணர்வு பெற்று  குழந்தைகள் எதைப் பார்க்கிறார்கள் என்பதில் பெற்றோர் கூடுதல் கவனம் செலுத்த வேண்டும். சிறு குழந்தைகளை இது போல படத்திற்கு அழைத்து சென்று பார்ப்பதை தவிர்க்க வேண்டும் இதை எல்லாம் கண்டிப்பாக செய்ய வேண்டும்


வெற்றிச் சைகை என்பது சாதிப்பதற்கான அடையாளம், மற்றவனை வீழ்த்துவதற்கான அடையாளம் அல்ல. நமது திரையுலகம் வன்முறையைத் துறக்காதவரை, இது போன்ற ‘விக்ரமன்களும்’, ‘லியோக்களும்’ தெருக்களில் ரத்தத்தை ஓட்டுவதை யாராலும் தடுக்க முடியாது.

 அதனால் இனியும் மௌனம் காத்தால், பலியாகப்போவது அடுத்த தலைமுறைதான் என்பதை  உணர்ந்தாவது நாம்  செயல்பட வேண்டும். இல்லயென்றால் நாளை உங்கள் வீட்டிலும் இப்படி ஒரு வன்முறை ஆட்கள் வளர ஆர்ம்பிப்பார்கள் அல்லது உங்கள் வீட்டில் ஒருவர் சாக வேண்டி இருக்கலாம். அப்படித்தான் வேண்டுமென்றால் நீங்கள் ஒன்று செய்யுங்கள் தொடரந்து ரீல்ஸ் பார்த்துக் கொண்டு  நம்ம குடுமப்மோ அல்லது சமுதாயமோ எப்படி நாசமாகப் போனால் நமக்கு என்ன என்று நினைத்து வாழுங்கள். அதன் பின் இப்படி நிகழ்வுகள் நடக்கும் போது ஜஸ்ட் ஒரு ரைட்டப் எழுதி போஸ்ட் செய்துவிட்டு நம்ம கடமை முடிந்துவிட்டது என்று செல்வோம்

படிக்காதவர்கள் படிக்க எனது முந்தைய பதிவுகளின் சிறு லிஸ்ட்

சவூதியில் இருந்து வெளியேற்றப்பட்ட இந்தியர்களில் அதிகம் பாதிக்கப்பட்ட இந்திய மாநிலங்கள் எது?

https://avargal-unmaigal.blogspot.com/2025/12/blog-post_29.html

டாலர் கனவுகளும்  தத்தளிக்கும்  அமெரிக்கா தமிழர்கள் மனங்களும்!  ஒரு மௌன யுத்தம்

 

 அமெரிக்கா தமிழ் சமூகத்தில் மனஅழுத்தம்  யாரும் பேசாத உண்மை!

https://avargal-unmaigal.blogspot.com/2025/12/dollar-dreams-and-struggling-minds-of.html

உலக அளவில் வைரலாகி வரும் ஒரு நெகிழ்ச்சியான செய்தி.  https://avargal-unmaigal.blogspot.com/2025/12/heartwarming-story-that-is-going-viral.html

"இந்தியர்கள் என்றாலே அலறுகிறார்கள்!" - உலகம் நம்மைப் பார்த்து முகம் சுழிப்பது ஏன்?  https://avargal-unmaigal.blogspot.com/2025/12/blog-post_24.html

 

உங்க மைண்ட்செட் மாத்தணுமா? விவேகானந்தரின் ‘பவர்ஃபுல்’ ரகசியங்கள்!  Gen-Z & Millennials #MindsetMatters https://avargal-unmaigal.blogspot.com/2025/12/gen-z-millennials-mindsetmatters.html

# சுத்தம் சோறு போடுமா? - இந்தியர்களின் ‘சிதைந்துபோன’ சமுக உணர்வு: ஒரு ஸ்பெஷல் ரிப்போர்ட்!  https://avargal-unmaigal.blogspot.com/2025/12/shattered-social-consciousness-of.html

பிஞ்சு மனங்களும்... நஞ்சு விதிகளும்!   தடை செய்ய ஆயிரம்... தாராளமாய் ஒன்றா?  https://avargal-unmaigal.blogspot.com/2025/12/tender-minds-and-poisonous-rules.html

ஆண்களின் வலி தெரியுமா? வெளிநாட்டுப் பெண் ( White Lady )கேட்ட ஆவேச கேள்வி! https://avargal-unmaigal.blogspot.com/2025/12/white-lady.html

 

🛑 ஐரோப்பா... இனி 'கனவு தேசம்' அல்ல; 'கானல் நீர்'! - 2026 முதல் இறுகும் பிடி... https://avargal-unmaigal.blogspot.com/2025/12/2026.html

இந்தியாவை 'காலி' செய்கிறார்களா இந்தியர்கள்?  - ஓர் அதிர்ச்சி ரிப்போர்ட்! https://avargal-unmaigal.blogspot.com/2025/12/blog-post_20.html

அன்புடன்
மதுரைத்தமிழன்
|

#TamilCinema #CinemaViolence   #Kollywood  #SocialAwareness  #TiruvallurIncident #YouthViolence #SuperstarRajinikanth #ThalapathyVijay #Jailer #Leo #Vettaiyan #MassVsReality  #ActorResponsibility #CensorBoardFailure #CBFCIndia #SaveOurYouth #ProtectOurKids #ParentingAwareness  
#MediaLiteracy #திரைவன்முறை #தமிழ்சினிமா #சமூகமாற்றம் #விழிப்புணர்வு  #தமிழகம்