சுத்தம் சோறு போடுமா? - இந்தியர்களின் ‘சிதைந்துபோன’ சமுக உணர்வு:: ஒரு ஸ்பெஷல் ரிப்போர்ட்!'
ஏர்போர்ட்' முரண்!
சிங்கப்பூர் அல்லது துபாய் செல்லும் விமானத்தில் ஏறும்வரை, கையில் இருக்கும் காலி பிஸ்கட் பாக்கெட்டை எங்கே போடுவது என்று தெரியாமல் சீட்டுக்கு அடியிலேயே திணிக்கும் அதே இந்தியர், அந்த நாட்டுவிமான நிலையத்தில் இறங்கியதும் அப்படியே ‘ஜென்’ துறவியாக மாறிவிடுகிறார். ஒரு சிறு காகிதத்தைக்கூட கீழே போட அவருக்குக் கை வராது. ஆனால், அதே நபர் சென்னை ஏர்போர்ட் வாசல்ல கால் வைத்ததும், கையில் இருக்கும் பாட்டிலைச் சாலையோரம் வீசுவதற்கு ஒரு செகண்ட் கூட யோசிப்பதில்லை.
1. அறிவியல் எங்கே? மதப் போதனை எங்கே? (The Priority Crisis)
இந்தியக் கல்வி முறையில் இன்று மிகப்பெரிய மாற்றம் தேவைப்படுகிறது. ஆனால், அரசாங்கமோ பள்ளிக் குழந்தைகளுக்கு அறிவியல் சிந்தனையையும் (Scientific Temper), குடிமை உணர்வையும் கற்றுக்கொடுப்பதற்குப் பதிலாக, பகவத் கீதை போன்ற மதப் புத்தகங்களைப் புகுத்துவதிலேயே குறியாக இருக்கிறது. தரைத்தளத்தில் (On ground) செய்ய வேண்டிய அடிப்படை வேலைகளை விட்டுவிட்டு, மதச் சார்பான விஷயங்களை முதன்மைப்படுத்துவதுதான் இன்றைய பெரும் பின்னடைவு.
ஒரு குழந்தைக்குப் பொது இடத்தில் எப்படி நடக்க வேண்டும் என்ற சமூகப் பொறுப்பைக் கற்றுக்கொடுப்பதை விட, மத போதனைகளுக்கு முக்கியத்துவம் அளிப்பதன் விளைவு - இன்னும் 20 ஆண்டுகள் ஆனாலும் இந்தியர்களிடம் முறையான சமுக உணர்வு என்பது வராமலேயே போய்விடுமோ என்ற அச்சத்தை ஏற்படுத்துகிறது.
2. ‘வீடு’ கோவில்... ‘வீதி’ குப்பைத்தொட்டி!
இந்தியர்களிடம் ஒரு விசித்திரமான குணம் உண்டு. தங்கள் வீட்டைத் தெய்வமாகப் போற்றுவார்கள். ஆனால், அந்த வாசலுக்கு ஒரு இன்ச் தள்ளி இருக்கும் பொதுச் சாலை? "அது அரசாங்கச் சொத்து... அரசாங்கம் என்றால் அது யாருடைய சொத்தும் இல்லை" என்ற விபரீத முடிவு. 'Tragedy of the Commons' என்று சொல்லப்படும் இந்த மனநிலைதான், பொதுச் சொத்துக்களைப் பாழாக்குவதில் முதலிடத்தில் இருக்கிறது.
3. 'உடைந்த ஜன்னல்' தியரி: கூட்டு அலட்சியம்!
சமூகவியலில் 'Broken Windows Theory' என்றொரு கருத்தாக்கம் உண்டு. ஒரு இடத்தில் ஒரு சிறு அழுக்கு இருந்தால், அந்த இடத்தைப் பார்த்ததும் மற்றவர்களுக்கும் அங்கே அழுக்குச் செய்யத் தோன்றும். ஒருவன் செய்யத் துணியும் தவறு, நூறு பேருக்குத் தைரியத்தைக் கொடுக்கிறது.
4. சட்டம் பாயாது... பயம் கிடையாது!
இந்தியாவில் சட்டங்களுக்குக் குறைவில்லை. ஆனால், நடைமுறையில்? "பார்த்துக்கலாம்... யாராவது கேட்டா ஒரு ஐம்பது ரூபாய் கொடுத்தா சரியாயிடும்" என்ற அந்த அலட்சியம் இருக்கிறதே... அதுதான் இந்திய நாகரிகத்தின் சாவுமணி. சட்டம் பாயாத இடத்தில் ஒழுக்கம் தானாகத் தளர்ந்து விடுகிறது.
5. மக்கள் தொகை அழுத்தம்: முந்திக்கொள்ளும் மனநிலை!
140 கோடி மக்கள் தொகை கொண்ட நாட்டில், ஒவ்வொன்றுக்கும் ஒரு போராட்டம். இந்தச் சூழலில், "மறுமுனையில் வருபவருக்கு வழி விடுவோம்", "வரிசையில் நிற்போம்" என்ற பொறுமை காற்றில் பறந்து விடுகிறது. வாழ்வாதாரப் போராட்டத்தில் 'நாகரிகம்' ஒரு ஆடம்பரமாகப் பார்க்கப்படுவது சோகம்.
தீர்வு யாரிடம்?
அரசாங்கம் தன் முன்னுரிமைகளை (Priorities) மாற்றிக்கொள்ள வேண்டும். மதக் கல்வியை விட, அறிவியல் பூர்வமான சமூக ஒழுக்கமே ஒரு நாட்டை முன்னேற்றும்.
குப்பைத் தொட்டி இல்லையென்றால், குப்பையை உங்கள் பையிலேயே வைத்துக்கொள்ளுங்கள்.
சிக்னலில் யாரும் இல்லை என்றாலும் சிவப்புக் விளக்குக்குக் காத்திருங்கள்.
பொதுச் சொத்துக்களை உங்கள் வீட்டுச் சொத்தாக நினையுங்கள்.
இந்தியா வல்லரசாவது இருக்கட்டும்... முதலில் ஒரு நல்ல 'குடிமகன்' உருவாகும் நாடாக மாறுவோம்!
வாசகர்களே... மதப் போதனைகளை விட சமூகப் பொறுப்பைக் கற்றுக்கொடுப்பதே காலத்தின் கட்டாயம் என்ற இந்தக் கருத்தை நீங்கள் எப்படிப் பார்க்கிறீர்கள்? கமெண்ட்டில் சொல்லுங்கள்!
பிஞ்சு மனங்களும்... நஞ்சு விதிகளும்! தடை செய்ய ஆயிரம்... தாராளமாய் ஒன்றா? https://avargal-unmaigal.blogspot.com/2025/12/tender-minds-and-poisonous-rules.html
ஆண்களின் வலி தெரியுமா? வெளிநாட்டுப் பெண் ( White Lady )கேட்ட ஆவேச கேள்வி! https://avargal-unmaigal.blogspot.com/2025/12/white-lady.html
🛑 ஐரோப்பா... இனி 'கனவு தேசம்' அல்ல; 'கானல் நீர்'! - 2026 முதல் இறுகும் பிடி... https://avargal-unmaigal.blogspot.com/2025/12/2026.html
இந்தியாவை 'காலி' செய்கிறார்களா இந்தியர்கள்? - ஓர் அதிர்ச்சி ரிப்போர்ட்! https://avargal-unmaigal.blogspot.com/2025/12/blog-post_20.html
மதுரைத்தமிழன்
#CivicSense #SocialResponsibility #India #SocialAwareness #சமூகப்பொறுப்பு #விழிப்புணர்வு #குடிமைஉணர்வு #CleanIndia #FutureIndia #AvargalUnmaigal#அவர்கள்உண்மைகள் #EducationSystem #ScientificTemper #ScienceVsReligion #CivicSenseIndia #IndianEducation #அறிவியல் #கல்வி #மதவாதம் #சமூகமாற்றம் #ChangeStartsFromUs #WakeUpIndia #CivilizedIndia #தூய்மைபாரதம் #பொதுநலம் #தனிமனிதஒழுக்கம் ##AvargalUnmaigaCoverStory #மதுரைத்தமிழன்ஸ்பெஷல்
Posts
0 comments:
Post a Comment
நான் அறிவு ஜீவி அல்ல ஒரு சாதாரணமான் மனிதன் தான்.இங்கு நான் பதியும் பதிவுகளில் உள்ள கருத்துகள் "மிகவும் சரி"யென்று சொல்லமாட்டேன் அது அன்றைய மனநிலையில் என் மனதில் எழும் கருத்துகளே...அதனால் உங்களது மனசுலபட்ட மாற்று கருத்துகளை தாராளமாக பகிரலாம். ஆனால் தேவையற்ற, வரம்புமீரிய, அநாகரிகமான வார்த்தைகளாலும் பதிவிற்கு சம்பந்தமில்லாமல் கருத்துக்கள் சொல்லப்பட்டால் எந்த வித பதில் விளக்கமின்றி அந்த கருத்து டெலீட் செய்யப்படும்.