பிஞ்சு மனங்களும்... நஞ்சு விதிகளும்!

பிஞ்சு மனங்களும்... நஞ்சு விதிகளும்!

தடை செய்ய ஆயிரம்... தாராளமாய் ஒன்றா?
    

இன்றைய இந்தியாவில் ரீல்ஸ் ஒரு புதிய வாழ்வியல் மொழியாக மாறிவிட்டது. சிலர் தங்கள் உடல் அழகை ஒளிரச் செய்து நடனமாடுகிறார்கள்;சில இளம் தம்பதிகள் தங்கள் வீட்டின் கதவுகளை உலகத்திற்கே திறந்து விடுகிறார்கள்.அன்றாட சிரிப்புகள், சின்னச் சின்ன சண்டைகள்,சில நேரங்களில் தனிப்பட்ட நெருக்கங்களும் கூடஒரு ஸ்வைப் தூரத்தில் பொதுவெளியாகி விடுகின்றன.

ஆனால் இந்த பெரும் ஓட்டத்தில் சமூக உணர்வைத் தூண்டும் ஒரு குரல் அரிது. சிந்திக்க வைக்கும் ஒரு காட்சி அரிது. விவாதத்தை எழுப்பும் ஒரு முயற்சி அரிது.

இன்று நான் பார்த்த ஒரு ரீல்ஸ் மட்டும் இந்த அமைதியை உடைத்தது. அது கேள்விகளை எழுப்பியது. அது மனதை அசைத்தது.
அது பேசப்பட வேண்டிய ஒரு உண்மையை முன்வைத்தது.அது இந்தியாவில் இருந்து அல்ல  மேலைநாட்டில் இருந்து வந்தது. ஆனால் அதில் பேசப்பட்ட பிரச்சனை நமது சமுகத்திலும் நிழல்போல் நடமாடுகிறது. நாம் மட்டும் அதை பேசாமல் தவிர்க்கிறோம்.

அந்த வீடியோ என்னுள் எழுப்பிய சிந்தனைகளின் ஒலியே இந்த பதிவு. படித்துப் பாருங்கள். உங்கள் மனதில் ஒரு கேள்வி எழுந்தாலே போதும். 

 

சமூகத்தின் எதிர்காலம் என்று நாம் போற்றும் சிறுவர்கள் இன்று எதை நோக்கிச் செல்கிறார்கள்? ஒரு 14 வயதுச் சிறுமிக்குச் சிகரெட் விற்கத் தடை இருக்கிறது, மது அருந்தத் தடை இருக்கிறது, ஏன்... தன் கையில் ஒரு சிறிய பச்சை (Tattoo) குத்திக் கொள்ளக்கூடப் பெற்றோரின் அனுமதி கட்டாயம் தேவைப்படுகிறது. ஆனால், அந்தப் பிஞ்சு உடலையே மாற்றக்கூடிய 'பாலின அறுவை சிகிச்சை'க்கு மட்டும் சிவப்புக் கம்பளம் விரிக்கப்படுவது எத்தகைய முரண்?

முரண்பாடுகளின் மூட்டை!

வீடியோவில் வரும் அந்த உரையாடல் நம் சமூகத்தின் தற்போதைய நிலையைப் பிரதிபலிக்கும் ஒரு கண்ணாடி.

• உடல் நலன் முக்கியம்: சிகரெட் கேட்டால் "உடல் கெட்டுவிடும்" என்கிறார் கடைக்காரர்.

• பாதுகாப்பு முக்கியம்: துப்பாக்கி குண்டுகள் கேட்டால் "உனக்கு ஆபத்து" என்கிறார்.

• வருங்காலம் முக்கியம்: டாட்டூ கேட்டால் "பின்னாலில் நீ வருந்துவாய்" எனப் பாடம் எடுக்கிறார்.

ஆனால், அதே சிறுமி "நான் என் பாலினத்தையே மாற்றிக்கொள்ளப் போகிறேன்" என்று சொல்லும் போது, அதே கடைக்காரர் உற்சாகத்தின் உச்சத்துக்கே செல்கிறார். எந்தப் பெற்றோரின் அனுமதியும் தேவையில்லை என்று கூறி கையில் ரம்பத்தை எடுக்கிறார்.

இதுதான் முற்போக்கா?

ஒரு கார் வாடகைக்கு எடுக்கவோ, இருமல் மருந்து வாங்கவோ கூட வயதுக் கட்டுப்பாடு இருக்கும் இந்த உலகில், ஒரு குழந்தையின் வாழ்நாள் முழுவதையும் மாற்றக்கூடிய அறுவை சிகிச்சைக்கு மட்டும் "பெற்றோரின் அனுமதி தேவையில்லை" என்பது எவ்வகையான நீதி? பெற்றோர்கள் தங்கள் குழந்தைகளை ஆதரிக்கவில்லை (Non-affirming) என்ற ஒற்றைக் காரணத்தை வைத்துக்கொண்டு, குடும்ப உறவுகளைச் சிதைக்கும் போக்கு வளர்ந்து வருவதையே இந்த நையாண்டி வீடியோ சுட்டிக்காட்டுகிறது.

"விதிமுறைகள் என்பது குழந்தைகளைக் காக்கவே அன்றி, அவர்களைத் திசைதிருப்ப அல்ல. அறிவியலும் சட்டமும் அறத்தோடு கைகோர்க்க வேண்டிய தருணம் இது!"

 

ஆண்களின் வலி தெரியுமா? வெளிநாட்டுப் பெண் ( White Lady )கேட்ட ஆவேச கேள்வி! https://avargal-unmaigal.blogspot.com/2025/12/white-lady.html

 

🛑 ஐரோப்பா... இனி 'கனவு தேசம்' அல்ல; 'கானல் நீர்'! - 2026 முதல் இறுகும் பிடி... https://avargal-unmaigal.blogspot.com/2025/12/2026.html

 

இந்தியாவை 'காலி' செய்கிறார்களா இந்தியர்கள்?  - ஓர் அதிர்ச்சி ரிப்போர்ட்! https://avargal-unmaigal.blogspot.com/2025/12/blog-post_20.html

அன்புடன்
மதுரைத்தமிழன் 

#பிஞ்சுமனங்களும்நஞ்சுவிதிகளும் #சமூகமாற்றம் #மதுரைத்தமிழன் #விழிப்புணர்வு #குழந்தைநலன் #முரண்பாடு #பிளாக் #TamilBlog #SocialAwareness #ProtectOurChildren #GenderDysphoria #MedicalEthics #ParentalRights #FamilyValues #TeenSafety #AwarenessPost #SocioPolitical #CurrentAffairsTamil #FutureGeneration #ChildProtection