அறிவாலயத்தை அலறவிடும் 'டெல்லி' வியூகம்... 2026-ல் விஜய்யை வைத்து 'செக்' வைக்கும் ராகுல்!" Delhi's strategy will make the arivalayam scream... Rahul will put Vijay in check in 2026!"

அறிவாலயத்தை அலறவிடும் 'டெல்லி' வியூகம்... 2026-ல் விஜய்யை வைத்து 'செக்' வைக்கும் ராகுல்!

ஆட்சியில் பங்கு... ராகுலின் 'சீக்ரெட்' அசைன்மென்ட்!"

     
சமீபகாலமாக சத்தியமூர்த்தி பவனில் வீசும் காற்று வழக்கத்திற்கு மாறாக இருக்கிறது. 'ஆட்சியில் பங்கு' என்ற கோஷத்தை ஏதோ உள்ளூர் காங்கிரஸ் நிர்வாகிகள், சீட் பேரத்திற்காக எழுப்பும் குரல் என்றுதான் அறிவாலயம் முதலில் நினைத்தது. ஆனால், விவகாரம் சீரியஸானது என்று இப்போதுதான் திமுக தலைமைக்குப் புரிந்திருக்கிறது. ராகுல் காந்தியே, 'கூட்டணி தர்மம் என்பது ஆட்சியில் அதிகாரத்தைப் பகிர்வதிலும்தான் இருக்கிறது' என்று டெல்லியில் தனக்கு நெருக்கமானவர்களிடம் சொல்லியிருக்கிறாராம்.

2024 நாடாளுமன்றத் தேர்தலில் பெற்ற வெற்றிக்குப் பிறகு, ராகுல் பழைய ராகுலாக இல்லை. 'வெறும் எம்பி சீட்டுகளை வைத்துக்கொண்டு கட்சியை வளர்க்க முடியாது; மாநில அதிகாரத்தில் பங்கு இருந்தால்தான் தொண்டர்கள் உற்சாகமடைவார்கள்' என்பது ராகுலின் புதுக் கணக்கு. அதனால், காங்கிரஸ் மேலிடத்தின் ஆசிர்வாதத்துடன்தான் இங்கே காரியங்கள் காய் நகர்த்தப்படுகின்றன.



விஜய் கட்சி ஆரம்பித்ததால் அதிக நன்மையை அடையப் போகும் கட்சி காங்கிரஸ் மட்டுமே. அதனால்தான் "காங்கிரஸ் இவ்வளவு துணிச்சலாகப் பேசுகிறது விஜய்யின் 'தமிழக வெற்றிக் கழகம்'தான் அவர்களுக்குக் கிடைத்திருக்கும் புது உற்சாக பானம்! 'எங்களை கழற்றிவிட்டால், விஜய்யுடன் சேருவோம்' என்று காங்கிரஸ் வெளிப்படையாகச் சொல்லவில்லை. ஆனால், 'பூச்சாண்டி' காட்டுவதைப்போல விஜய்யின் பெயரை அவ்வப்போது உதிர்க்கிறார்கள்.

உண்மையில், காங்கிரஸ் தனித்துப் போட்டியிட்டால் டெபாசிட் வாங்குவது கஷ்டம் என்பது காங்கிரஸுக்கே தெரியும். ஆனால், திமுக கூட்டணியிலிருந்து காங்கிரஸ் விலகினால், திமுகவின் வெற்றி வாய்ப்பு ஊசலாடும் என்பதும் உண்மை.  'வெல்லும் சக்தி இல்லாவிட்டாலும், தோற்கடிக்கும் சக்தி' காங்கிரஸிடம் இருக்கிறது. இந்த பாயின்டைத்தான் காங்கிரஸ் கெட்டியாகப் பிடித்துக் கொண்டிருக்கிறது."

திமுக தரப்பை பார்த்தால், ஸ்டாலின் இந்த விஷயத்தில் கறாராக இருக்கக் காரணம் 'ஈகோ' மட்டுமல்ல... கடந்த கால கசப்பான அனுபவங்கள்! 2006-ல் மைனாரிட்டி திமுக அரசு அமைந்தபோது, ஒவ்வொரு சட்ட மசோதாவுக்கும் கூட்டணிக் கட்சிகளின் தயவை எதிர்பார்க்க வேண்டியிருந்தது. 'மறுபடியும் அந்த நிலைக்குப் போய்விடக் கூடாது; தனி மெஜாரிட்டி வேண்டும்' என்பதில் ஸ்டாலின் உறுதியாக இருக்கிறார்.

இன்னொரு பக்கம், 'இன்று காங்கிரஸுக்கு அமைச்சரவையில் இடம் கொடுத்தால், நாளை விசிக, கம்யூனிஸ்ட்டுகளும் வரிசையில் நிற்பார்கள். இது நிர்வாகச் சிக்கலை உண்டாக்கும்' ன்று ஸ்டாலின் மட்டுமல்ல மற்ற தலைவர்களும் கருதுகிறார்கள் 

விஜய்யின் வருகை, தேசியக் கட்சிகளுக்கு ஒரு தலைவலிதான். ஆனால், 2026 தேர்தல் களம் விஜய்க்கு 'செக்' வைக்கும் இடமாகவே இருக்கும். காங்கிரஸ், விஜய்யுடன் கூட்டணி வைத்தால்... விஜய் தன்னை 'முதல்வர் வேட்பாளர்' என்று முன்னிறுத்துவதை காங்கிரஸ் ஏற்குமா? ஏற்காது! ராகுலை பிரதமர் வேட்பாளராக விஜய் ஏற்பாரா? அதுவும் சந்தேகம்!

அதனால், காங்கிரஸ் - விஜய் கூட்டணி என்பது காகிதத்தில் வேண்டுமானால் நன்றாக இருக்கலாம். களத்தில் அது 'ஆயிரம் ஓட்டைப் பானை' கதைதான்!"

ஆக மொத்தம், 2026 தேர்தல் களம் 2006-ஐப் போல மாற வாய்ப்புகள் அதிகம். திமுகவோ, அதிமுகவோ தனி மெஜாரிட்டி பெறுவது குதிரைக்கொம்பாகலாம். அந்தச் சூழலில், 'தொங்கு சட்டசபை' அமைந்தால்... அப்போதுதான் காங்கிரஸின் 'ராஜதந்திரம்' பலிக்கும்!

தேர்தலுக்கு முன் கறார்... தேர்தலுக்குப் பின் அதிகாரம்!' - இதுதான் காங்கிரஸின் தற்போதைய மாஸ்டர் பிளான். திமுகவும் இதை உணர்ந்துதான், இப்போதே காய்களை மிக ஜாக்கிரதையாக நகர்த்துகிறது. வார்த்தைப் போர் இன்னும் சூடுபிடிக்கும். காத்திருப்போம்!"

என்னைப் பொறுத்தவரை .....

தமிழக அரசியலில் திமுக தனது தார்மீக பலத்தைச் சோதித்துப் பார்க்க வேண்டிய தருணம் இது. 'காங்கிரஸ் போனாலும் பரவாயில்லை' என்ற துணிச்சலான முடிவை திமுக தலைமை எடுக்க வேண்டும். ஏனென்றால், கடந்த ஐந்து ஆண்டுகளாக திமுக அரசின் திட்டங்களையோ, செயல்பாடுகளையோ ஒருமுறை கூட விமர்சிக்காத காங்கிரஸ், வெறும் 'சீட்' பங்கீட்டிற்காகவோ அல்லது 'ஆட்சியில் பங்கு' என்ற கோரிக்கைக்காகவோ கூட்டணியை விட்டு விலகினால், அது அந்தக் கட்சிக்கே தர்மசங்கடத்தை உருவாக்கும்.

இதுவரை ஆளுங்கட்சியோடு ஒட்டிக்கொண்டு பலன்களை அனுபவித்துவிட்டு, தேர்தல் நேரத்தில் மட்டும் எதிர்த்து நின்றால், மக்கள் காங்கிரஸை எப்படி நம்புவார்கள்? எந்த முகத்தை வைத்துக்கொண்டு திமுகவுக்கு எதிராக அவர்கள் வாக்கு சேகரிக்க முடியும்?

அதுமட்டுமன்றி, கடந்த ஐந்து ஆண்டுகளில் தமிழகத்தில் மக்களுக்காகவோ அல்லது மத்திய அரசுக்கு எதிராகவோ காங்கிரஸ் நடத்திய போராட்டங்கள் என்று பார்த்தால், சொல்லிக்கொள்ளும்படி எதுவுமே இல்லை என்பதே கசப்பான உண்மை. திமுகவின் நிழலில் தஞ்சம் புகுந்து தங்களை வளர்த்துக்கொண்ட ஒரு கட்சி, இன்று அதே நிழலுக்கு எதிராகப் போர் தொடுப்பது என்பது தற்கொலைக்குச் சமம். எனவே, திமுக அச்சமின்றித் தனது தனித்துவத்தை நிரூபிக்க வேண்டிய நேரமிது!"

தமிழிசையின் அரசியல் அரிதாரம்  https://avargal-unmaigal.blogspot.com/2026/02/blog-post.html


அன்புடன்
மதுரைத்தமிழன்

#TNPolitics2026 #DMKvsCongress #ThalapathyVijay #TVK #RahulGandhi #MKStalin #PoliticsAnalysis #TamilnaduElections  #SeatSharing #PowerPolitics #MaduraiThamizhan #AvargalUnmaigal