மதுரைத்தமிழனின் நகைச்சுவை கேள்வி பதில்கள்!!!

மதுரைத்தமிழனின் நகைச்சுவை கேள்வி பதில்கள்!!!

நான் எழுதும் அரசியல் கேள்வி பதில்களில் & பதிவுகளில் காரம் மிக அதிகமாக இருப்பதாக நட்புகள் சொன்னதால் ஒரு மாறுதலுக்காக இந்த நகைச்சுவை கேள்வி பதில்கள்

பெண்கள் எடை குறைய என்ன செய்ய வேண்டும்?

கணவனை சமைக்க சொல்லுவதை நிறுத்திவிட்டு பெண்கள் தானே சமைத்து அதை உண்ண வேண்டும் அதை செய்வீங்களா

ஆண்கள் எடை குறைய என்ன செய்ய வேண்டும்?

மனைவி சமைப்பதை மட்டும் சாப்பிட்டு வந்தால் தன்னாலேயே எடை குறைந்து விடும்.

திருமணமான பின்னும் கிச்சனுக்குள் பெண்கள் செல்வது சரியா?

தன் காலில் தானே நிற்கும், தன்மை' பெண்களுக்கு எப்போதும் இருக்க வேண்டும்! கல்யாணமான பின்னும், கிச்சனில் சமைத்தால் அவர்களது சுதந்திரத்திற்கு மட்டும் நலமல்ல அவர்களது உடலுக்கும் நல்லது

இது என் மனைவிக்கு எதிராக நான் போட்ட "உள்குத்து பதிவு" என்று சொல்லி பூரிக்கட்டைக்கு வேலைதர வேண்டாம். எங்க வீட்டு பூரிக்கட்டைக்கு வாய் இருந்தாலும் அழுதுவிடும் அதனால் சக பதிவர்களான ராஜி,சசி, உஷா அன்பரசு, அருணா செல்வம்.அபய அருணா அவர்கள் அமைதி காத்து பூரிக்கட்டைக்கு வேலை வைக்க வழி செய்ய வேண்டாம் என்று பணிவன்புடன் கேட்டு கொள்ளப்படுகிறார்கள்

கிழ்கண்ட கேள்விகளை என்னிடம் எந்த பதிவாளர்கள் யார் கேட்டு இருப்பார்கள் என்று உங்களால் கண்டுபிடிக்க முடியுமா? ( ராஜி, சசி, உஷா, அன்பரசு, அருணா செல்வம், அபய அருணா, சீனு,

வீட்டை சுத்தம் செய்யும் உங்கள் மனைவிக்கு உதவுவீர்களா?

அவள் வீட்டை பெருக்கும் போது நான் உட்கார்ந்து இருக்கும் சோபா அருகில் பெருக்கும் போது நான் எனது காலை தூக்கி சோபா மேல் வைத்து அவள் பெருக்கி விட்டு செல்லும் வரை கிழே காலை போடாமல் உதவுவேன்

கல்யாண ரிஷப்ஷன் பங்க்ஷனில் ஆடிக் கொண்டிருக்கும் ஆண்களில் யார் கல்யாணம் ஆன ஆண் யார் ஆகாத ஆண் என்று எப்படி கண்டுபிடிப்பது?

எந்த ஒரு ஆண் ஒரே ஒரு பெண்ணுடன் மட்டும் ஆடிக் கொண்டிருந்தால் அவன் கலியாணம் செய்யாத ஆண் என்றும் எந்தவொரு ஆண் ஒரே பெண்ணைத் ( மனைவியைத் ) தவிர மற்ற பெண்களுடன் ஆடிக் கொண்டிருந்தால் அவன் கலியாணம் செய்த ஆண் என்று அறியலாம்.

சந்தோஷமான தம்பதிகளாக இருக்க உங்கள் அறிவுரை என்ன?

காது கேளாத கணவனும் கண்ணு தெரியாத பெண்ணும்தான் மிக சந்தோஷமான ஆதர்ஷ தம்பதிகளாக இருக்க முடியும்

பெண்கள் வாக்குவாதம் செய்யாமல் இருப்பார்களா?

ஆமாம் அவர்கள் தூங்கும் போது வாக்குவாதம் செய்வதில்லை

ஹலோ மதுரைத்தமிழா உங்க மனைவியிடம் நீங்க பூரிக்கட்டையால் அடி வாங்கியதை எப்படி கெளரமாக மற்றவர்களிடம் சொல்லுவிர்கள்?

என் மனைவியின் கையில் இருந்த பூரிக்கட்டையை பார்த்ததும் எனக்கு மிகவும் கோபம் வந்ததால் என் தலையால் அவள் கையில் இருந்த பூரிக்கட்டை மீது வேகமாக தாக்கினேன் என்று சொல்லுவேன்

உங்கள் மனைவி என்ன வேலை பார்த்தால் உலகப் புகழ் பெற்று இருக்க முடியும் என நினைக்கிறீர்கள்?

அவள் அமெரிக்க விண்வெளிதளமான நாசாவில் வேலை பார்த்தால் உலகப் புகழ் பெற்று இருப்பாள் காரணம் அவள் ஏயும் செயற்கைகோள் (பூரிக்கட்டை) எங்கேயும் வழி தவறாமல் சந்திரனை ( என் தலையில் ) அடைவதால்தான் சொல்லுகிறேன்

உங்க மனைவியை நாங்கதான் கடத்தி வெச்சிருக்கோம். நீங்க பத்து லட்ச ரூபாய் கொடுத்தால்

விட்டு விடுவோம் என்று சொன்னால் உங்கள் பதில் என்னவா இருக்கும்?

கொஞ்ச நேரம் கழிச்சு அவ இம்சை தாங்க முடியாம நீங்களே விடப் போறீங்க.

குரங்குக்கு படிக்க தெரியுமா?

இப்போது இந்த கேள்வி பதிலை படித்து கொண்டிருப்பது அதுதானே

எல்லா கேள்விகளுக்கும் நானே பதில் சொன்ன நல்லா இருக்காது அதுதனால் கிழ்கண்ட கேள்விக்கு வாசகர்கள் பதில் எழுதலாம்.

குரங்குக்கு எழுத தெரியுமா?

இதற்கான பதிலை பின்னுட்டத்தில் சொல்லிச் செல்லவும்

அன்புடன்

மதுரைத்தமிழன்.