உங்களிடம் சில வார்த்தைகள்... கேட்டால் கேளுங்கள்

உங்களிடம் சில வார்த்தைகள்... கேட்டால் கேளுங்கள்

அட்வைஸ்/ஆலோசனை என்பது ஒரு சுவாரஸ்யமான விஷயம். சில நேரங்களில் நாம் அதை விரும்புகிறோம்; சில நேரங்களில் நாம் அதைவிரும்புவதில்லை. சில நேரங்களில் அது நல்லதாகவும் இருக்கிறது மற்ற நேரங்களில் அது  கொடூரமானதாகவும் தெரிகிறது.எது எப்படியோ சில நேரங்களில் சில அறிவுரைகள்  நம்மோடு ஒட்டிக் கொள்கிறது இருக்கிறது. அப்படி பட்ட அறிவுரைகள் நம் பாட்டியிடம் இருந்தோ , அம்மா அப்பாக்களிடம் இருந்தோ, நண்பர்களிடம் இருந்தோ, ஆசிரியர்களிடம் இருந்தோ , உடன் வேலைப்பார்ப்பவர்களிடம் இருந்தோ,  படிக்கும் புத்தகங்களில் இருந்தோ அல்லது பாடல் வரிகளில் இருந்தோ நமக்கு கிடைத்திருக்கும் . அப்படிப்பட்ட அறிவுரைகள் நம் வாழ்வை மாற்றி இருக்கும் அல்லது நமக்கு ஏற்பட்ட பிரச்சனைகளை தீர்த்து இருக்கும் அல்லது நாம் முன்னேற ஒரு வழியை காண்பித்து இருக்கும். எப்படியோ அறிவுரைகள் இன்று நமக்கு பயன்படுக்கிறதோ இல்லையோ அல்லது வேறு யாருக்காவது உடனேயாவதோ அல்லது எப்பதாவது அவர்களுக்கு தேவைப்பட்டால் பயன்படலாம்.. அதனால் எனக்கு பயன்பட்ட என் வாழ்வை மாற்றிய அட்வைஸை இங்கே பதிந்து செல்லுகிறேன்

நான் மதுரையில் வசித்த போது  மதுரைக்கலூரியில்  முதலாமாண்டு எம்.ஏ. பொருளாதரம் எடுத்து படித்த போது பிரச்சனையின் காரணமாக தற்கொலை பண்ணிக் கொள்வது என்று முடிவு செய்து மூட்டை பூச்சி மருந்து வாங்கி வைத்து கொண்டு மனதை குழப்பி கொண்டு இருந்த சமயம் .நான் படித்த புத்தகத்தில் வந்த ஒரு வரிதான் என்னை அந்த தற்கொலை முயற்சியில் இருந்து காப்பாற்றியது (அந்த புத்தக்தை படித்து உயிர் வாழ்ந்து கொண்டிருப்பதால்தான் உங்களை இப்படி பதிவுகள் எழுதி கொல்கிறேன் என்பது வேறு விஷயம்)

என்னிடம் உள்ள மோசமான பழக்கம் மற்றவர்களின் பிரச்சனைகளை காது கொடுத்து கேட்டு அவர்களுக்கு என்னால் முடிந்த உதவிகள் செய்து சந்தோஷப்படுத்தும் நான், எனக்கு எந்தவித பிரச்சனைகள் வந்தாலும் கஷ்டங்கள் வந்தாலும் அடுத்தவர்களிடம் சொல்லாமல் என்னால் முடிந்தவரை அதை சாமாளிப்பேன் இல்லையென்றால் கஷ்டப்பட்டுக் கொண்டே இருப்பேன்... யாரிடமும் எப்போதும் உதவிகள் கேட்டு செல்லமாட்டேன்.

இப்படிபட்ட குணமுடைய நான் என் கல்லுரிப் பருவத்தின் போதும் அப்படி இருந்ததால் பிரச்சனைகளை சமாளிக்க தெரியாமல், அப்போது என்னை சுற்றி நல்ல நண்பர்கள் இருந்த போதிலும் தற்கொலை செய்து கொள்வது என்று முடிவு செய்து இருந்தேன் ..அந்த சமயத்தில் நான் படித்த புத்தகத்தில் "தற்கொலை செய்து கொண்டால் பிரச்சனைகள் தீர்ந்துவிடும் என்று நினைத்து தற்கொலை செய்யுமுன் கொஞ்சம் நில்லுங்கள். இந்த நிமிஷத்தில் இருந்து நீங்கள் தற்கொலை செய்து கொண்டாதாகவே நினைத்து மீண்டும் புதிதாக பிறந்தமாதிரி நினைத்து வாழ்க்கையை தொடருங்கள் உங்கள் பிரச்சனைகளை எளிதில் தீர்க்க முடியும் அப்படியும் முடியவில்லை என்றால் அதன்பின் தற்கொலை செய்து கொள்ளுங்கள்" என்ற வரி அந்த புத்தகத்தில் இருந்தது.

என் பிரச்சனைகளை நான் யாரிடமும் சொல்லாமல், அதே நேரத்தில் யாரவது ஏதாவது சொல்லி எனக்கு கைகொடுக்க மாட்டார்களா .அடவைஸ் சொல்லாமாட்டார்களா என்று நினைத்து, அப்படி சொல்லதா நிலையில் தற்கொலைக்கு முடிவு செய்து மனம் குழம்பிகிடந்த நேரத்தில் இந்த வரிகள்தான் என் வாழ்க்கையை மாற்றி போட்டு இன்று நல்ல மனைவி மற்றும் குழந்தை அழகான நாய்குட்டி மற்றும் நண்பர்கள் மதிக்கும் அளவில் வாழ்ந்து கொண்டிருக்கிறேன்

இதை இங்கே இன்று சொல்லக் காரணம் புத்தாண்டு தினத்தில் அரசியல் பேசுவதை கொஞ்சம் நிறுத்திவிட்டு படிப்பவர்களுக்கு ஒரு நல்ல விஷயம் சொல்லுவோம் என்று நினைத்தாலும், அதுமட்டுமல்லாமல் பேஸ்புக்கில் நண்பர் ஜோதிஜி சில நபர்கள் அவரின் சிந்தனைகளை செயல்களை மாற்ற உதவியதாக எழுதியதை படித்ததாலும் , மேலும் தமிழக செய்திகளை பார்க்கும் போது இப்போது தற்கொலைகள் அதிகமாவது போல தெரிவதாலும் இதை பதிந்து செல்லுகிறேன்

தற்கொலை செய்து கொள்ள முடிவு செய்தவர்களா நீங்கள் அப்படியெனில் நான் புத்தக்த்தில் படித்த வரிகளின் படி நீங்கள் இறந்துவிட்டதாக நினைத்து கொண்டு அதே நேரத்தில் இன்றுதான் புதிதாக பிறந்தோம் என்று நினைத்து வாழ்க்கையை ஆரம்பியுங்கள் அல்லது உங்கள் உறவுகளையும் நட்புக்களையும் விட்டுவிட்டு விண்ணுலகம் செல்ல முடிவு எடுத்த நீங்கள் .அதற்கு பதிலாக பிரச்சனைகளுக்குரிய இடத்தை ஊரை அல்லது மாநிலத்தைவிட்டு வேறு ஒரு பகுதிகளுக்கு தனியே சென்று புதிய வாழ்க்கையை அடிமட்டத்தில் இருந்து தொடங்குங்கள் . கசந்த வாழ்க்கை இனிக்க தொடங்கும்..

எனது வலைத்தள சக பதிவர்களுக்கும் ரீடர்கள் மற்றும் சைலண்ட் ரீடர்களுக்கும் எனது மனம் மார்ந்த இனிய புத்தாண்டு தின நல்வாழ்த்துக்கள். நட்புகளே தனிதனியாக சொல்லி உங்கள் இன்பாக்ஸ்களை மெயில் பாக்ஸ்களை குப்பையாக்காமல் இங்கேயே வாழ்த்தி செல்லுகிறேன்

அன்புடன்

மதுரைத்தமிழன்

டிஸ்கி : இந்த பதிவை தொடர் பதிவாக்க விரும்பி சில நட்புக்களுக்கு அழைப்பு விடுவிக்கிறேன்....உங்களுக்கு பயன்பட்ட அறிவுரைகளை /ஆலோசனைகளை பதிவாக பதியுங்கள்அது அம்மா அப்பா  பாட்டி சொன்ன அறிவரைகளாக இருக்கலாம் படிப்பை/வேலையை சார்ந்தும் இருக்கலாம் அல்லது உங்கள் வாழ்க்கையை மாற்றி போட்ட அறிவுரை அல்லது ஆலோசனையாக இருக்கலாம் அதை எழுதி  உங்கள் தளங்களில் " உங்களிடம் சில வார்த்தைகள்... கேட்டால் கேளுங்கள்  " என்ற தலைப்பில் பதிவிடவும்... அப்படி பதிவிட்ட பின் உங்களுக்கு தெரிந்த மேலும் ஐந்து பேர்களுக்கு அழைப்புவிடுவித்து எழுத சொல்லுங்கள் அவர்களுக்கு வலைத்தளம் இல்லையெனில் பேஸ்புக்கிலாவது எழுத சொல்லுங்கள்... முடிந்தால் அதற்கான லிங்கை எனக்கு அனுப்புங்கள்  நன்றி

1. ஏஞ்சல்- காகிதபூக்கள்
2.அதிரா - என் பக்கம்
3.ராஜி -காணாமல் போனகனவுகள்
4.ஜோதிஜி -தேவியர் இல்லம்
5.நிஷா -  ஆல்பஸ் தென்றல்

நிறைபேருக்கு அழைப்புவிட்டால் மற்றவர்கள் அழைப்புவிட ஆட்கள் இருக்க மாட்டார்கள் என்பதால்தான் இவர்களோட நிறுத்தி கொள்கிறேன் அது போல அழைப்பு விடுவிப்பவர்களும் 5 பேர்களுக்கு மேல் அழைப்பு விடுவிக்க வேண்டாம்...


அன்புடன்
மதுரைத்தமிழன்