அந்த காலத்திலே.....

அந்த காலத்திலே.....


இந்த பொங்கல் பண்டிகை வந்துடுச்சுன்னா உடனே ஒரு குருப் இப்படி பதிவிட ஆரம்பிச்சுடுவாங்க.... அந்த காலத்துல  பொங்கல் பண்டிகை வந்துடுச்சுன்னா ஒவ்வொருத்துவரும் பொங்கல் வாழ்த்து அட்டைகள்  அனுப்புவாங்க அதை எதிர்பார்த்து காத்து இருப்பது  மிக சந்தோஷமாக இருக்கும் அப்படி வந்த வாழ்த்து கார்ட்டை பார்த்து பார்த்து சந்தோஷம் அடைவோம்.. இப்படி எல்லாம் சொல்லி பெருமை பேசி ஆனால் இந்த காலத்துல அப்படி எல்லாம் இல்லை எல்லாம் வாட்ஸ் அப்பிலே மெசேஜ் அனுப்புறாங்க அதுவும் பார்வ்ட் மெசேஜ்சாகவே இருக்கிறது  என்று புலம்புகிறார்கள்

நான் கேட்கிறேன் அந்த காலத்துல அனுப்பியது மாதிரி இந்த காலத்தில் நீங்கள் வாழ்த்து அட்டைகள் அனுப்ப கூடாது என்று சட்டம் ஏதாவது இருக்கா அல்லது அப்படி அனுப்பினால் உங்களை   சமுகத்தில் இருந்து விலக்கி வைத்து விடுவார்களா அல்லது வாழ்த்து அட்டைகளை அனுப்பினால் போஸ்ட் ஆபிஸ் அதை டெலிவரி பண்ணாது என்று யாராவது சொன்னார்களா? இல்லையேதானே அப்படி ஏதும் இல்லாத போது நீங்கள் முன்பு போல வாழ்த்து அட்டைகளை அனுப்பாமல் குறை சொல்லிக் கொண்டிருப்பது எந்த விதத்தில் நியாயமுங்க.

அது போல அந்த காலத்துல நாங்க தெருவிலதான் ஒடியாடி விளையாடுவோம் ஆனால் இந்த காலத்து புள்ளைங்க அப்படி   எல்லாம் இல்லை எல்லாம் கம்பியூட்டர் கேம்ஸ்னு சொல்லி வீட்டுலே அடைந்து கிடக்கிறார்கள் என்று   இன்னொரு புலம்பல்....

ஆமாம் அவங்களுக்கு    இந்த மாதிரி கேம்ஸ்சை பெருமைக்கு வாங்கி கொடுத்தது யாரு நீங்கதானே அப்ப எதற்கு அவர்களை குறை சொல்லனும்

வயசு ஆச்சுன்னா இப்படியே ஏதாவது குறை சொல்லிக்கிட்டு இருக்கனுமா என்ன? போய் வேற சொலிய பாருங்க

கொசுறு : இந்த பதிவிற்கும் இந்த ஜோக்கிற்கும் சம்பந்தம் இல்லை

அன்புடன்
மதுரைத்தமிழன்