கடவுளே எனக்கொரு புது பொண்டாட்டி வேணும் அதுவும் அமெரிக்க பெண்ணாக வேண்டும் ப்ளிஸ்

கடவுளே எனக்கொரு புதுப் பொண்டாட்டி வேண்டும் அதுவும் அமெரிக்கப் பெண்ணாக வேண்டும் ப்ளிஸ்

Jan 1: மதுரைத்தமிழன் :அலுவலகத்தில் இருந்து வீட்டிற்குள் நுழைந்தவுடன் மனைவியைப் பார்த்ததும் ஹாய் டார்லிங்க் ஹவ் ஆர் யூ?

ம.த மனைவி :காலையில் அலுவலகத்திற்குப் போகும் போது நல்லாதானே இருந்தீங்க இப்ப என்னாச்சு உங்களுக்கு?

மதுரைத்தமிழன் ஒன்றும் ஆகலை ஹனி ஐம் பைன்....


ம.த மனைவி சரி சரி இந்த டார்லிங்க் ஹனி  அப்படி இப்படின்னு உளறுவதை நிறுத்திவிட்டு காபியைக் குடித்துவிட்டுப் பெண்ணை டியுசன் சென்டரில் இருந்து கூப்பிட்டு வர்ர வழியைப் பாருங்க

ஹும்
 


Jan 2 :மதுரைத்தமிழன் அலுவலகத்தில் இருந்து வீட்டிற்குள் நுழைந்தவுடன் மனைவியைப் பார்த்ததும் ஹாய் இந்த உனக்காகப் பூங்கொத்து வாங்கி வந்திருக்கிறேன்

ம.த மனைவி :ஆமாம் இப்ப இது எதற்கு?

மதுரைத்தமிழன் உன்னைச் சந்தோசப்படுத்ததான் வாங்கி வந்தேன்.

ம.த மனைவி :ஆமாம் காசை கரியாக்கிட்டு வந்து இருக்கிறீங்க இந்தப் பூவு என்ன மல்லிகைப் பூவா தலையில் வைத்து சந்தோஷப்பட. போய் அந்த ப்லவர் வாஷில் போய் வையுங்க இனிமே இது போலக் காசை வேஷ்டாக்காதீங்க

ஹும்ம்..

Jan 3 :மதுரைத்தமிழன் :அலுவலகத்தில் இருந்து வீட்டிற்குள் நுழைந்தவுடன் மனைவியைப் பார்த்ததும் ஹாய் பொண்டாட்டி இன்று நீ சமைக்க வேண்டாம் நாம் டின்னருக்கு வெளியே போய்ச் சாப்பிடுவோம்

ம.த மனைவி :ஏன் என் சமையலுக்கு என்ன குறைச்சல்....காசை வேஷ்டாக்காமல் வீட்டில் நான் வடித்து வைத்ததை ஒழுங்கா சாப்பிட்டு காலி பண்ண வழியைப் பாருங்க

Jan 4: மதுரைத்தமிழன் :ஹாய் என் செல்லப் பொண்டாட்டி எழுந்துக்கோ உனக்கா நான் சீக்கிரம் எழுந்து மார்னிங்க் பிரேக் பாஸ்ட் சூடாகப் பண்ணி இருக்கிறேன்.. சாப்பிடு

ம.த மனைவி :அது எல்லாம் முடியாது நான் இன்று நான் வெறும் வயித்தோட இரத்த பரிசோதனை பண்ணப் போகனும் . அதனால இதை வேஸ்ட் பண்ணாமல் சாப்பிட்டு முடியுங்க

மதுரைத்தமிழன் ஹும்ம்


Jan 5 : மதுரைத்தமிழன் :அலுவலகத்தில் இருந்து வீட்டிற்குள் நுழைந்தவுடன் மனைவியைப் பார்த்ததும் ஹாய் பொண்டாட்டி இங்க பாரு உனக்குப் பிடித்த கேக் வாங்கி வந்திருக்கிறேன்.

ம.த மனைவி :என்னங்க் நான் புத்தாண்டிலிருந்து கேக் சாப்பிடறது இல்லை என்று தீர்மானித்து இருக்கிறேன். இப்ப போய்க் காசை கரியாக்கிட்டு வந்து இருக்கிறீங்க முடிந்தால் அதை ரிட்டன் பண்ண பாருங்க

மதுரைத்தமிழன் :ஹும்

Jan 6 : மதுரைத்தமிழன் :அலுவலகத்தில் இருந்து வீட்டிற்குள் நுழைந்தவுடன் மனைவியைப் பார்த்ததும் அப்படியே அணைத்து ஒரு முத்தம் கொடுத்து நீ ரொம்ப அழகாக இருக்கிறாய் என்று சொன்னவுடன்


ம.த மனைவி :ஏங்க உங்களுக்கு அறிவு இருக்கா இல்லையா பிள்ளை தலைக்கு மேல் வளர்ந்து இருக்கு அவ முன்னாடி இப்படியா இருப்பிங்க என்று சொல்லி நங்கு என்று ஒரு குட்டு வைக்கிறாள்

மதுரைத்தமிழன் :ஹும்

Jan 7 : மதுரைத்தமிழன் :அலுவலகத்தில் இருந்து தாமதமாக வீட்டிற்குள் வரும் மனையிடம் செல்லம் இன்று நீ சமைக்க வேண்டாம்.. நான் சர்பரைஸாக உனக்காகச் சமைத்து வைத்து இருக்கிறேன்.

ம.த மனைவி :அட என்னங்க நீங்க இன்று அலுவலகத்தில் பார்ட்டி அதனால அங்கேயே சாப்பிட்டுவிட்டு வந்துட்டேன் அதனால்தான் லேட்டு உங்களுக்கு எதை எப்ப பண்ணனும் என்று தெரியக் கூடவில்லை

மதுரைத்தமிழன் :ஹும்ம்


Jan 8 : மதுரைத்தமிழன் :என்னம்மா இன்று கோயிலுக்குப் போகலாமா? இன்று திங்கள் கிழமை சிவனுக்குச் சிறப்புப் பூஜை அபிஷேகம் பண்ணுவாங்க பார்க்க ரொம்ப நல்லா இருக்கும்

ம.த மனைவி :அட எங்க இப்படி அலையிறீங்க நீங்கக் கோயிலுக்கு வருவதே அங்க வரும் பெண்கள் சேலை கட்டி வருவதைப் பார்ப்பதற்க்குதானே.. சும்மா கம்முனு வீட்டில் இருங்க நான் போய்விட்டு வந்துடுறேன்

மதுரைத்தமிழன் :ஹும்ம்

Jan 9. ம.த மனைவி :அலுவலகத்தில் இருந்து தாமதமாக வரும் மனைவி வீட்டிற்குள் நுழைந்ததும் என்னங்க ஏன் எல்லாம் இடத்திலும் மெழுகுவர்த்தி ஏற்றி வைச்சிருக்கீங்க.. பவர் கட்டா என்ன?

மதுரைத்தமிழன் :இல்லைம்மா வீடு பார்க்க ரொமாண்டிக் இடம் மாதிரி இருக்கட்டும் என்றுதான் இப்படிச் செய்தேன்

ம.த மனைவி :அடச்சீ காசை கரியாக்குவதிலே இருக்குறீங்க லைட்டை போட்டு முதலில் எல்லாம் மெழுகு வர்த்தியையும் அணையுங்கள் அது எல்லாம் எம்ர்ஜன்சி சமயத்தில் உபயோகப்படுத்துவதற்காக வாங்கி வைத்தது...

மதுரைத்தமிழன் :ஹும்ம்

Jan 10 ; மதுரைத்தமிழன் :அலுவலகத்தில் இருந்து வீட்டிற்குள் நுழைந்தவுடன் மனைவியைப் பார்த்ததும் ஏய் செல்லப் பொண்டாட்டி இங்க பாரு நான் உனக்கு என்ன வாங்கி வந்திருக்கேன் என்று?

ம.த மனைவி :என்ன வாங்கி வந்திருக்கீங்க?

மதுரைத்தமிழன் :விக்டோரியா சீக்ரெட்டில் இருந்து உனக்கு இன்னர்வேர் வாங்கி வந்து இருக்கிறேன்.

ம.த மனைவி :என்னங்க உங்களுக்கு அறிவு கொஞ்சம் கூட இல்லையா அதெல்லாம் விலை ஜாஸ்தி.. உள்ள போடுவதற்கு அவ்வளவு விலை கொடுத்து யாரும் வாங்குவாங்களா என்ன காசை கரியாக்குவதிலே இருக்கிறீங்க முதலில் நாளைக்கு அதையெல்லாம் ரிட்டன் பண்ணுங்க... நான் நாயூடுஹாலில் வாங்கிய இன்னர்வேரே நிறைய அதுவும் புதுசாவே இருக்கிறது

மதுரைத்தமிழன் :ஹும்ம்ம்ம்

Jan 11 மதுரைத்தமிழன் :என்னம்ம்மா நீங்க வாக்கிங்க் போன சமயத்தில் உன் வேனை பார்த்தேன் அதில் பெட்ரோல் ரொம்பக் குறைவாக இருந்துச்சு அதனலா பெட் ரோல் புல்லாக நிரப்பி வேனும் கொஞ்சம் டர்ட்டீயாக இருந்ததால் அதை நல்லா வாஷ் பண்ணி கொண்டு வந்து நிறுத்திட்டேன்

ம.த மனைவி : என்னங்க எனக்குனே உங்க அம்மா நேர்ந்துவிட்ட மாதிரி வந்து சேர்ந்து இருக்கிங்க வேனில் பெட்ரோல் குறைவாக இருப்பது எனக்குத் தெரியாதா என்ன? என் தோழி குடும்பத்தோடு நீண்ட் தூரம் பயணம் செய்யவிருப்பதால் வேனை இரவலாகக் கேட்டாள் அவ எப்போதுமே நம் வேனில் பெட்ரோல் நிரப்பிக் கொடுத்தாலும் வேனை திருப்பித் தரும் போது காலியாகத்தான் வைத்துத் திருப்பிக் கொடுப்பாள் அதனால்தான் இன்று அவளிடம் கொடுக்கும் போது எம்டியாகத் தரலாம் என்று நினைத்து வைத்திருந்தேன்  இப்படிச் செய்துவிட்டு வந்திருக்கீங்களே

ஹும்ம்

Jan 12 மதுரைத்தமிழன் :என்னம்மா இன்று வெள்ளிக்கிழமை அதனால இன்று நம்ம இரண்டு பேரும் கண்டிப்பா வெளியே போய்ச் சாப்பிட்டுவிட்டு அப்படியே மூவி பார்த்துவிட்டு வருமோம்

ம.த மனைவி :சரி சரி காரை எடுங்க அப்படியே சரவண பவனுக்குப் போய்ச் சாப்பிட்டுவிட்டு ஜாலியாக வருவோம்

மதுரைத்தமிழன் :என்னது சரவணபவனா அதற்கு நம்ம ப்ரிஜ்ஜில் மிச்சம் இருக்கிறதைச் சாப்பிட்டுவிட்டு வீட்டிலே நல்ல மூவியாகப் பார்க்கலாமே

உங்களைக் கட்டிகிட்டதற்குப் பதில் ஒரு அம்பியைக் கட்டி இருந்தால் என் வாழ்க்கை சந்தோஷமாக இருந்திருக்கும்

ஹும்ம்


Jan 13 சனிக்கிழமை என் மனைவியின் தோழி வீட்டிற்கு விருந்திற்குச் சென்றோம். தோழியின் கணவர் என்ன குடிக்கிறீங்க காப்பி டீ ஜூஸ் என்றார் நான் பதிலுக்கு ஒன்றும் வேண்டாம் வேண்டாம் என்று சொல்லச் சொல்ல அவர் 'தண்ணி'யை வற்புறுத்திக் குடிக்க வைத்தார்.. தண்ணீர் என்றது சரக்கு என்று நினைத்துவிட வேண்டாம் அவர் கொடுத்தது வெறும் தண்ணீர்தான். பாவி மனுஷன் அவர் ஒரு குடிகாரர் அவர் வீட்டிலும் சரக்குப் பாட்டில்கள் இருந்தாலும் காப்பி டீ வேண்டாம் என்றதும் சரக்கைத் தருவார் என்று பார்த்தால் வெறும் பச்ச தண்ணியைத் தருகிறார். ஒரு வேளை அவங்க வீட்டம்மா சரக்கு எதுவும் என் தோழியின் கணவருக்குக் கொடுத்து மானத்தை வாங்கிவிடாதீர்கள் என்று ஒரு வேளை சொல்லி இருக்கலாம். எங்கவீட்டும்மாவும் என் தோழியின் கணவர் சரக்குக் குடிக்கக் கொடுத்தாலும் நீங்கள் அதை வாங்கிக் குடித்து மானத்தை வாங்கிவிடாதீர்கள் என்று சொல்லித்தான் கூட்டிப் போனார்கள். ஹும்ம்


சரி பச்ச தண்ணியைக் குடித்தவாறே என் மனைவியும் அவர் தோழியும் ரகசியமாக என்ன பேசுகிறார்கள் என்று பார்த்தால் என் செல்லப் பொண்டாட்டி என் கணவர் சுத்த மோசம் அன்பா ஆதரவா பேசமாட்டேங்கிறார் அப்ப அப்ப அணைத்து நாலு நல்ல வார்த்தை சொல்ல மாட்டேங்கிறார்.அலுவலகத்தில் இருந்து லேட்டாக வரும் நாட்களிலும் ஏதாவது சமைத்து வைத்துச் சந்தோஷப்படுத்த மாட்டேங்கிறார் ரொமாண்டிக்கா இருக்கமாட்டேன்கிறார் என்று பலவித கம்பெளையண்ட் பண்ணிக் கொண்டிருக்கிறார் பதிலுக்கு அவரின் தோழியும் அவரின் கணவரைக் குற்றம் சொல்லிக் கொண்டிருக்கிறார்.

ஹும்ம் ஆண்கள் நாங்கள் இருவரும் பச்சை தண்ணியைக் குடித்துக் கொண்டு வார இறுதியைச் சந்தோஷமாகக் கொண்டாடிக் கொண்டு இருக்கிறோம்

இப்ப சொல்லுங்க மனைவி அமைவதெல்லாம் வரம் என்று சரக்கு அடித்துக் கொண்டே எழுதியவன் எங்களைப் போல அடிவாங்கிய கவிஞனாகவே இருப்பான்

என்ன நான் சொல்லுறது சரிதானே


Jan 13 மதுரைத்தமிழன் :சர்ச்சிற்குப் போய் ஏசப்பா எனக்கொரு புதுப் பொண்டாட்டி வேணும் அதுவும் அமெரிக்கப் பெண்ணாக வேண்டும் என்றுதான் வேண்ட வேண்டும் அப்படி இல்லையென்றால் இந்தியாவிற்குப் போய் நித்தியானந்தா சுவாமிக்குப் போட்டியாக ஆன்மீகத்தில் ஈடுபட வேண்டும்.. ஹும்ம்ம் வேற வழியில்லை இந்த மதுரைத்தமிழனுக்கு

அன்புடன்
மதுரைத்தமிழன்