1 மில்லியன் பரிசை வென்ற தமிழ் வலைப்பதிவாளர்

1 மில்லியன் பரிசை வென்ற தமிழ் வலைப்பதிவாளர்  

 இந்த பரிசை வென்றவர் பிரபலமானவர் அல்ல மிகச் சாதாரண வலைப்பதிவாளர். இவர் வென்றது 1 மில்லியன்..  இந்த பரிசை இவர் பெற மூன்று வருடங்களுக்கு மேல் காத்து இருந்தார். இவர் எறும்பை போல சிறியவர். அதனால்தான் இவர்  எறும்பை போல சிறுக சிறுக சேமித்து இறுதியில் இந்த பரிசை வென்றுள்ளார்.

 

அவர் வேறு யாருமல்ல உங்களை கலாய்த்து கொண்டே உங்கள் இதயம் கவர்ந்த  மதுரைத்தமிழந்தான். இந்த தமிழனின் வலைத்தளம்தான் மில்லியன் ஹிட்ஸை ( 1 மில்லியன் = 10 லட்சம். )தாண்டிச் சென்றது. இந்த பரிசை தந்ததது யாருமல்ல நீங்கள்தான். அதற்கு எனது மனமார்ந்த நன்றியை தெரிவித்து கொள்கிறேன்

ஒரு பொழுது போக்குக்காக  வேடிக்கையாக  நான் படித்த ரசித்த பார்த்த அனுபவித்த விஷங்களை கிறுக்கி பதிவிட ஆரம்பித்த நான்  832 பதிவு இட்டு 1 மில்லியன் ஹிட்ஸை பெற்று இருக்கிறேன்.  குழந்தையாக தவழ்ந்து கொண்டிருந்த நான் இப்போதுதான் நடக்க ஆரம்பித்து இருக்கிறேன் உங்களால் முடிந்தால் என்னுடன்  சேர்ந்து கைபிடித்து  அழைத்து செல்லுமாறு அன்புடன் கேட்டு கொள்கிறேன்

எனது கிறுக்கல்கள் நீங்கள் படித்து ரசிக்க மட்டும்தான் . நான் சமுதாயத்தை திருத்தவோ  அல்லது புரட்சியை உண்டாக்கவோ  அல்லது சங்கம் அமைத்து தமிழை வளர்க்கவோ அல்ல என்பதை புரிந்து கொள்ளுங்கள்.

இந்த தளத்தின் வளர்ச்சி என்பது என்னால் ஏற்பட்டது அல்ல இங்கு வருகை தந்தவர்களால் ஏற்பட்டது. அதிலும் முக்கியமாக "சைலண்ட் ரீடர்களை" இங்கு குறிப்பிட்டு சொல்லாம். அதுமட்டுமல்லாமல் மேலும் "சிலர்" எந்தவித எதிர்பார்ப்பும் இல்லாமல் இங்கே தொடர்ந்து வந்து படித்து தங்களது  உள்ளத்து உணர்வுகளை  பின்னூட்டம் மூலம் உணர்த்தி  தொடர்ந்து ஆதரவை தந்து கொண்டிருக்கிறார்கள். இவர்கள் அனைவரின் பெயரை தனித்தனியாக குறிப்பட்டு எழுதவேண்டுமென்று ஆசை இருந்தாலும் நேரமின்மையால்  எழுத இயலவில்லை..இருந்தாலும்..எனக்கு தொடர்ந்து ஆதரவளிக்கும் அனைத்து நல்உள்ளங்களுக்கும் எனது இதயம்கனிந்த  நன்றியை  சொல்லிக் கொள்கிறேன்.

இவர்கள் தவிர தமிழ்மணத்திற்கும் இண்டலிக்கும் எனது தனிப்பட்ட நன்றிகள் .அதுமட்டுமல்லாமல் தமிழக முதல்வர் ஜெயலலிதா, கலைஞர், விஜயகாந்த்,ராமதாஸ், மோடி,மன்மோகன் சிங் அனைவருக்கும் இதயங்கனிந்த் நன்றிகள். இவர்கள் மட்டும் இல்லையென்றால் நான் இவ்வளவு ஹிட்ஸ் பெற்று இருக்க முடியாது.

வலையுலகில் எனக்கென்று எந்த குழுவையும் அமைத்துக் கொள்ளாமல், வலையுலக அரசியலில் சிக்கிக் கொள்ளாமல், மதத்தை விட மனித இதயங்களை நேசித்தும் பல  விசயங்களுக்கு முக்கியத்துவம் கொடுத்து பலருக்கும் விருப்பமான தளமாக  இன்று வரையிலும் இணையத்தில் வலம் வந்துகொண்டிருகிறது எனது தளம்

எனது பதிவின்  தலைப்புக்கள் சில சமயங்களில்  ஒரு மார்க்கமாகவே இருந்தாலும் என்றாலும்  அதில் உள் இருக்கும் விஷயம்  மிக நல்லவையாகதான் இருக்கும் என்பதற்கு எப்போதும் உத்திரவாதம் அளிக்கிறேன்

யாரு அங்கே....என்ன எனக்கு விழா எடுக்கப் போறீங்களா? பாராட்டு விழாவா? என் எடைக்கு எடை வெங்காயம் தரப் போறீங்களா? என்ன சரக்கும் சேர்த்து தரப் போறீங்களா? தமிழ்நாட்டின் தலை நகரத்தில் சிலையும் வைக்கப் போறீங்களா? தமிழக பெண்கள் சார்பாக தங்கத்தில் பூரிக் கட்டை நினைவுப் பரிசாக தரப் போறீங்களா?

அட உங்க அன்புக்கு நன்றீங்க... ஆனா அந்த பாராட்டு விழாவில் என்னால் கலந்துக்க இயலாது. நான் ரொம்ப் பிஸிங்க..... அப்ப நான் வரட்டா......மக்களே மறக்காதீங்க தொடர்ந்து உங்க ஆதரவை எனக்கு தாருங்க. நானும் நல்ல மொக்கை பதிவா உங்களுக்கு தாரேன்

 

அன்புடன்

உங்கள் அபிமானதிற்குரிய

மதுரைத்தமிழன்