நாளைய இந்தியா என்று பெருமை பேச ஏதாவது விஷயம் இருக்கிறதா ?

நாளைய இந்தியா என்று பெருமை பேச ஏதாவது விஷயம் இருக்கிறதா ?

ஹலோ,

 நலமா? எனக்கொரு

 உதவி... " நாளைய

 இந்தியா" என்ற

 தலைப்பில் ஓவிய

 போட்டிக்காக

 இந்தியாவை பெருமித

 படுத்தும் படி எதாவது

 ஓவியம் இருந்தால் என்

 மெயிலுக்கு அனுப்பி

 வைங்க..  இரண்டு

 நாட்களுக்குள்..

 ப்ளீஸ்..!

இப்படி எனக்கொரு வேண்டுகோள் இமெயில் நமது தமிழ்  பதிவரிடமிருந்து வந்தது. அதற்காக நான் தேடலை துவங்கிய போது என் மனதில் பல எண்ணங்கள் வந்து அலை போல மோதின.. அதன் விளைவே இந்த பதிவு

 நமது இந்திய நாட்டின் பெருமைகள் என்று பேசும் போது பல பெருமைகளை எடுத்து சொல்லிக் கொண்டே போகலாம் ஆனால் அது எல்லாம் பழம் பெருமைகளாகவே இருக்கின்றன. ஆனால் இப்போது நாம் எதையாவது செய்தோ அல்லது எதிர்காலத்தில் நாம் இதை செய்து முடிப்போம் என்று சொல்லி பெருமைபட ஏதாவது ஒரு விஷயம் இருக்கிறதா என்று பார்த்தால் இல்லையெனவே சொல்ல எனக்கு தோன்றுகிறது( இப்படி எனக்கு மட்டும்தான் தோன்றுகிறதா? அல்லது உங்களுக்கும் தானா?)

இங்கு நான் சொல்வது தனிப்பட்ட நபர் செய்த சாதனைகளை  பெருமையாக பேசுவதை சொல்லவில்லை. ஒரு சமுதாயம் செய்த சாதனைகளை பெருமையாக பேசுவது என்பது பற்றி சொல்லுகிறேன்

ஒரு காலத்தில் நமது இந்தியவில் கலாச்சாரம் என்பது பல மதங்களை உள்ளடக்கி மொழிகளை உள்ளடக்கி வேற்றுமையில் ஒற்றுமையாக இருந்து உலகமே வியக்கும் வண்ணம் வாழ்ந்து வந்தோம். ஆனால் இப்போதோ அப்படி இல்லை மத ரீதியாகவும் மொழி ரீதியாகவும் மக்கள் மனதில் விஷ விதைகள் விதைக்கப்பட்டு விரோத மனப்பான்மையோடு வாழ்ந்து வருகிறோம்.

தொழில் உற்பத்தி துறையில் புதிய கண்டுபிடிப்புகள் உருவாக்கப்பட்டு அதை தரமாக செய்து உலக சந்தையில் இடத்தை பிடித்து இருக்கிறோமா என்று பார்த்தாலும் அதிலும் ஏமாற்றமே?

அல்லது விவசாய துறையில் தன்னிறவு அடைந்து விலை பொருட்கள் மிக குறைந்த விலையில் எல்லா மக்களையும் சென்று அடைகிறாதா என்று பார்த்தால்  அதிலும் ஏமாற்றமே?

நீர்வளத் துறையிலாவது ஏதாவது சாதித்துவிட்டார்களா என்று பார்த்தால்  அதிலும் ஏமாற்றமே?

சிலபேர் சொல்லலாம் நாம் தொழில்நுட்ப துறையில் சாதனை படைத்து இருக்கிறோம் என்று சொல்லலாம். நாம் தொழில் நுட்ப துறையில்  நாம் ஏதும் புதிதாக ஏதும் கண்டுபிடித்து சாதனை புரியவில்லை ஏற்கனவே மேலை நாட்டினரால் கண்டுபிடிக்கப்பட்டு அறிமுகப்படுத்த பட்டவை வைத்து அந்த மேலை நாட்டினற்கு அவுட் சோர்ஸிங்க் என்ற அடிமை வேலையை குறைந்த ஊதியம் பெற்றுக் கொண்டு செய்து வருகிறோம் என்பதுதான் உண்மை

எதிர்காலத்தில் இந்த துறையில் என்று குறிப்பிட்டு சொல்லும்படியாக ஏதாவது ஒரு துறையிலாவது நாம் மற்ற எல்லா நாடுகளை விட மிக உயர்ந்த அளவில் இருப்போம் என்று குறிப்பிட்டு சொல்ல முடியுமா?

இந்த நாளைய என்ற பிரச்சனையை  நான் இந்தியாவிற்கு மட்டும் என்று குறிப்பிடவில்லை. உலகின் வல்லரசு நாடாக தன்னை நினைத்து கொள்ளும் அண்ணன் அமெரிக்காவிடமும் இந்த கேள்வியை கேட்கிறேன் காரணம் அமெரிக்காவிலும் எதிர்காலம் குறித்த கனவுகள் கூட தேக்க நிலையை அடைந்து விட்டது போலதான் தோன்றுகிறது

இதை படிப்பவர்களிடம் ஒரு கேள்வி இந்தியா வல்லரசு ஆகுமா அல்லது உலகமே வியக்கும் அளவிற்கு சாதனைகள் செய்து இந்தியன் என்று  சொல்லி பெருமை படும்  செயலை செய்யுமா? செய்ய முடியுமா என்று மனம் திறந்து பாசிடிவான கருத்துகளை சொல்லுங்களேன். முடியாது என்று நீங்கள் சொன்னால் ஏன் முடியாது? அல்லது எதை எப்படி செய்தால் முடியும் என்று சொல்லுங்களேன்.

நான் கிழ்கண்டவர்களிடம்  இருந்து இதற்கான நல்ல பதிலை அல்லது கருத்துக்களை இங்கு பின்னோட்டவாயிலாகவும் அல்லது "நாளைய இந்தியா' என்று பதிவாகவோ எழுதி வெளியிட்டு அதற்கான லிங்கை இங்கே இணைக்க வேண்டுகோள் விடுவிக்கிறேன் . உங்களுக்கு நேரம் இருந்தால் எழுதவும்

1. ஜோதிஜி http://deviyar-illam.blogspot.com

2. திண்டுக்கல் தனபாலன் http://dindiguldhanabalan.blogspot.com/

3. ரமணி http://yaathoramani.blogspot.com/

4. பழனி. கந்தசாமி http://swamysmusings.blogspot.com/

5. சீனு http://www.seenuguru.com

6. உஷா அன்பரசு http://tamilmayil.blogspot.com/

7. வருண் http://timeforsomelove.blogspot.com

8. நம்பள்கி http://www.nambalki.com

9. முரளிதரன் http://tnmurali.blogspot.com/

10. மோகன் குமார் http://veeduthirumbal.blogspot.com

இதில் குறிப்பிட்ட பெயர்கள் தவிர மற்றவர்களும் பதிவிடலாம் அல்லது கருத்து சொல்லாம். முடிந்த வரை பாசிடிவ்வாக எழுதுங்கள்

அன்புடன்

மதுரைத்தமிழன்

1. இந்தியா சுதந்திரம் அடைவதற்கு முன் பிறந்தவர் என்கிற நிலையில்  இந்திய நாட்டின் வளர்ச்சியை பார்த்துக்கொண்டு வரும் திரு.பழனி.கந்தசாமி தன் அனுபவ கருத்தை எனது வேண்டுகோளை ஏற்று இங்கு பதிவாக வெளியிட்டு உள்ளார்
http://swamysmusings.blogspot.com/2013/08/blog-post_10.html இந்தியாவின் எதிர்காலம்

மிக சுருக்கமாக சொன்னாலும் நறுக்கென்று சொல்லி இருக்கிறார்

2. நண்பர் ஜோதிஜி அவர்கள் நான் இந்த பதிவின் இறுதியில் கேட்ட வேண்டுகோளின்படி தான் ஏற்கனவே எழுதி வெளியிட்டு இருந்த பதிவை இங்கு பகிர்வது  பொருத்தமாக இருக்கும் என்பதால் அதற்கான   இணைப்பை இங்கு தந்துள்ளேன்.
   
வணக்கம் நண்பா

நீங்க பதிவில் வேண்டுகோள் விடுத்த பதிவை யோசித்து பார்த்த போது ஏற்கனவே எழுதியுள்ளது தெரிந்தது.  நிச்சயம் உங்களால் ஒரு மணி நேரம் ஒதுக்க முடிந்தால் மட்டும் இந்த இணைப்புக்குள் செல்ல வேண்டும்.
ஆனால் சுவராசியம் இந்த விசயங்களை இப்படி கொண்டு போக முடியுமா? என்று ஆச்சரியப்படுவீங்க.
இது உறுதி. http://deviyar-illam.blogspot.in/2011/12/blog-post_11.html