அமெரிக்காவில் ஷாரூக்கானிடம் நடத்தப்பட்ட விசாரணை நியாமானதா? ஒரு பார்வை

அமெரிக்காவில் ஷாரூக்கானிடம் நடத்தப்பட்ட விசாரணை நியாமானதா? ஒரு பார்வை

செய்தி :ஷாரூக்கானிடம் நடத்தப்பட்ட விசாரணை குறித்து வெளியுறவு துறை அமைச்சர் எஸ்.எம்.,கிருஷ்ணா கண்டனம் தெரிவித்துள்ளார். இது குறித்து அமெரிக்க தூதர் நிருபமாராவிடம் விசாரிக்க சொல்லி உத்தரவிட்டுள்ளேன் என்றார்.

ஒரு நாட்டின் சட்ட திட்டங்களில் நாம் தலை இட முடியாது. அமெரிக்கர்களை பொறுத்தவரை ஷாருக்கானும் ஒரு சாதாரண மனிதர்தான். ஒரு நாட்டிற்குச் சென்றால் அந்த நாட்டின் சட்ட திட்டங்களுக்கு அது அர்த்தமற்றவையாகவும், அவமானப்படுத்துவதாகவும் இருந்தாலும் அதற்கு உட்பட்டுதான் ஆகவேண்டும். அப்படி இல்லையென்றால் அந்த நாட்டுக்கு போவதை தவிர்க்க வேண்டும் அதைவிட்டு விட்டு  இங்கே வந்து கூப்பாடு போட்டுப் பயனில்லை.

நம்ம நாட்டுலதான் நடிகர்களை தலைக்கு மேல தூக்கி வைச்சி கொண்டாடுறோம்...... அது போல அமெரிக்காவும் அப்படி செய்ய வேண்டுமென்ற  அவசியம் இல்லையே..... இவரு நடிகர் என்பதற்காக நம் நாட்டு விமான நிலைய அதிகாரிகள் வேண்டுமானால் அவர்கள் தூக்கி எறியும் பணத்தை பெற்று பல் இளித்து கொண்டு இவரை சோதனை செய்யாமல் விட்டுவிடுவார்கள். ஆனால் அமெரிக்கர்கள்  அப்படியல்ல அவர்கள் கடமையை சரியாக செய்கிறார்கள்..அதை குற்றம் சொல்வதுதான் தவறானது.

அதுமட்டுமல்லாமல் அந்த இமிகிரேஷன் ஆபிஸருக்கு "இவர்" யாரு என்று தெரியாது.அப்படி தெரிந்தாலும் அவரை விசாரணை செய்யாமல் அனுப்ப அவருக்கு அதிகாரம் கொடுக்கபடவில்லை. அவருடைய மேல் அதிகாரியே வந்து இவரை விசாரனை செய்யவேண்டாம் விட்டு விடு என்று சொன்னாலும் அவர் கேட்க வேண்டிய அவசியம் இல்லை. அந்த ஆபிஸர் தன் கடமையை சுதந்திரமாக செய்ய அவருக்கு முழு அதிகாரம் இங்கே உண்டு.

இன்னொரு விஷயம் இங்கே கவனிக்க பட வேண்டியது மிக முக்கியம். நமக்கு தெரியாத பல விஷயங்கள் சில சமயங்களில் அமெரிக்க புலனாய்வு துறைக்கு நன்றாகவே தெரியும் அவர்களின் மறைமுக ஏற்பாட்டின்படி இந்த விசாரனையும் நடைபெற்று இருக்கலாம்.

ஹிந்தி பட உலகம் "யார்" கையில் இருக்கிறது என்பது அமெரிக்க புலனாய்வு துறைக்குமட்டுமல்ல இந்தியாவில் நன்கு படித்தவர்கள் மற்றும் விபரம் தெரிந்தவர்கள் அனைவருக்கும் மிக நன்றாக தெரிந்திருக்கும். அவர்களை இந்திய அரசாங்கமே பிடிக்க முயற்சிக்கிறது . '"அந்த" நபர்களின் அதிகாரம் இல்லாமல் ஹிந்தியில் எவராலும் படம் எடுக்க முடியாது என்பதும் தெரியாது.. அப்படிபட்ட நபர்களிடம் தொடர்பு கொண்டவர்கள்தான் இந்த செல்வாக்கு மிகுந்த நடிகர்கள். பயங்கரவாதிகளிடமிருந்து திரைப்படம் எடுப்பதற்கு பணம் பெறப்படுகிறதா, யார் யார் அப்படி பணம் கொடுக்கிறார்கள், அவர்கள் எந்த நாடுகளில் ஒளிந்து இருக்கின்றனர் என்பது போன்ற தகவல்களை விசாரிப்பதில் தவறு ஏதும் உண்டா?. இது போன்ற தகவல்களை விசாரிப்பதில் இந்திய காவல் துறையை விட அமெரிக்கர்கள் சிறந்தவர்கள் காரணம் எந்தவிதமான அரசியல் தலையீடோ லஞ்சமோ இல்லாமல் நேர்மையாகவே விசாரிக்கும் அதிகாரம் அவர்களுக்கு உண்டு. அதை யாரும் மறுப்பதற்கு இல்லை.

இதுபோன்ற கடுமையான சோதனைகள் இருப்பதினால்தான் அமெரிக்கர்களால் 11 ஆண்டுகளான பிறகும் அங்கு தாக்குதல்கள் நடை பெறாமல் தடுக்க முடிகிறது. அமெரிக்கன்  அவனுடைய நாட்டை பாதுகாக்க முயல்கிறான். அதில் என்ன தப்பு? இது கொஞ்சம் அதிகம் என்றே தோன்றும். ஆனால் அமெரிக்காவின் இந்த அதீத முன்னெச்சரிக்கை 9/11 க்குப் பின் எந்த தீவிரவாத தாக்குதலும் இல்லாமல் செய்துள்ளது என்பதே உண்மை.அதில் என்ன தப்பு?

The head of the IMF has been arrested in New York for alleged sexual assault. Dominique Strauss-Kahn, who is also a possible French presidential candidate, was taken into custody on board a plane at John F. Kennedy International Airport.New York police officers and charged with the alleged sexual assault of a chambermaid at a New York hotel. இந்த செய்தியை நான் ஏன் இங்கே தருகிறேன் என்றால் அமெரிக்க ஹோட்டலில் ஹவுஸ் கீப்பராக பணி புரியும் ஒரு பெண் கொடுத்த கம்பிளையெண்ட் காரணமாக பிரஞ்சு நாட்டுக்கு அதிபராக வரக் கூடியவரும் IMF ல் தலைமை பதவியில் இருப்பவரையும் அமெரிக்காவில் உள்ள சாதாரண போலிஸ் கைது செய்தது. இந்த மாதிரி ஒரு நடவடிக்கையை இந்திய அரசாங்கத்தால் செய்ய முடியுமா? அது என்ன இந்தியாவா? இங்கேதான் நிரூபிக்க பட்ட குற்றவாளியை தண்டிக்க கூட முதுகெலும்பு இல்லாத கோழைகள் அரசு ஆள்கிறார்கள்.

அப்துல் கலாமே இது மாதிரி சோதனைகளுக்கு உட்பட்ட போதிலும் இதனை பெரிதாக எடுத்து கொள்ளவில்லை, ஷாருக்கான் வேண்டுமானல் இந்தியாவில் புலியாக இருக்கலாம் ஆனால் அமெரிக்கா வந்தால் இங்குள்ளவர்களுக்கு  பூனைதான் அதை அனைவரும் புரிந்து கொள்ள வேண்டும்.

அதைவிட்டு விட்டு இந்தியாவுக்கு வரும் அமெரிக்கர்களை நாங்கள் விசாரிப்பதில்லை அதனால் அமெரிக்கா வரும் இந்தியர்களை அவர்களும் விசாரிக்க கூடாது என்று கதறுவதில் அர்த்தமில்லை. இன்னும் மிக தெளிவாக கூற வேண்டுமானால்  இந்தியாவில் நாங்கள் தெருவில்தான் மூச்சா ஆய் போவோம் அது போல நாங்கள் அமெரிக்கா வந்தாலும் அது போல எங்களை செய்ய அனுமதிக்க வேண்டும் என்று கேட்பது போல இருக்கிறது.

இந்தியாவில் மிகப் பெரியவன் என்று கருதும் ஷாருகான் இதற்கு முன்பு இரண்டு தடவை வந்த போது இது மாதிரி நிகழச்சிகள் நடந்துள்ளது என்ற போதிலும் மீண்டும் அவர் எதற்கு இங்கு வர வேண்டும். மதியார் வாசல் மிதியாதே என்ற சொல்வது இந்த பெரிய மனுஷனுக்கு தெரியாது போனது மிக அதிசயமே....

என்றும் அன்புடன்

மதுரைத்தமிழன்

Download As PDF