ஒரு மணி நேரத்தில் நம் மனம் எத்தனை எண்ணங்களை நினைக்கிறது?

ஒரு மணி நேரத்தில்  நம் மனம் எத்தனை எண்ணங்களை நினைக்கிறது?

எண்ணங்கள் வித்தியாசமானவைகள் அவைகள் அளவிட முடியாத அளவிற்குதான் இருக்கிறது ஆனாலும் ஒரு நாளின் ஒவ்வொரு மணி நேரத்திலும் உங்கள் மனம் எத்தனை எண்ணங்களை நினைக்கிறது தெரியுமா?

ஒரு நாளைக்கு 60,000 - 80,000 எண்ணங்களை நம் மனம் சிந்திக்கிறது என்று நிபுணர்கள் மதிப்பிடுகின்றனர். அதாவது சராசரியாக ஒரு மணி நேரத்திற்கு 2500 - 3,300 எண்ணங்கள். அது நம்பமுடியாதது என்றாலும் அதுதான் உண்மை வேறு சில  வல்லுநர்களோஅதன் எண்ணிக்கை சற்று குறைவாக இருக்கும் என்று மதிப்பிடுகின்றனர், அதாவதுஒரு நாளைக்கு 50,000 எண்ணங்கள் அதாவது ஒரு மணி நேரத்திற்கு சுமார் 2100 எண்ணங்கள். இதுவும்  ஏராளமான எண்ணங்கள்.

நாம் சிந்திக்கும் ஒவ்வொரு எண்ணத்தையும்  விற்க முடிந்தால், நாம்  எந்த நேரத்திலும் பணக்காரர்களாகத்தான் இருப்போம்  அல்லது நாம் சிந்திக்கும் எண்ணங்களை சமுக வலைத்தளங்களில் பதிந்து அதிக லைக்குக்ளை பெற்றால் சமுக இணையதள பிரபலமாகலாம்..,

ஒவ்வொரு நாளும் எண்ணங்கள் நம் மனதில் அலை போல  தொடர்ந்து மோதிக் கொண்டிருக்கின்றன .அதில் நாம்  எந்த வகையான  எப்படியான எண்ணங்களை நினைக்கிறோம் என்று கவனம் செலுத்தி பார்த்தோமானால்  அவற்றில் பெரும்பாலானவை பயனற்ற முக்கியமில்லாத எண்ணங்கள் நம் மனதில் ஒரு மின்னல் வேகத்தில் கடந்து செல்வதைக் கண்டு நாம்  ஆச்சரியம்தான் அடைவோம். இவை நம்  மனதில் நாம்  திரும்பத் திரும்பச் சொல்லும் சொற்கள்  மனம் செய்யும் கருத்துகள்  நாம் கேட்டு அறிந்ததை மீண்டும் கூறுவது கேள்விகள் பதில்கள் மற்றும் நாம்  கூட உணர்ந்திருக்கிறாத  அறிவார்ந்த எண்ணங்கள்.

இந்த  அளவிற்காக நாம் ஒவ்வொரு நாளும்  எண்ணங்களை  நினைக்கிறோம் என்பதை நாம்மால் நம்ப முடியாதுதான்  , ஆனால் தியானத்தில் ,நமக்கு தியான பண்ணும்  அனுபவம் இருந்தால், நம்  மனதில் ஏராளமான எண்ணங்கள்  அலையாக அலையாக வந்து  செல்கின்றன என்பது புரியும். நம் மன. இது மிகவும் பிஸியான ரயில்,பஸ் மற்றும்  விமான நிலையம் போன்றது, அங்கு ஏராளமான மக்கள் வந்து செல்வது போலத்தான் நம் மனதில் ஏராளமான எண்ணங்களும் வந்து சென்று கொண்டு இருக்கின்றன

நாம்  படிக்கும் போதோ அல்லது பிரச்சனைகளை மற்றும் சிக்கல்களை தீர்க்க முயலும் போதோ  முடிவே இல்லாமல் எண்ணங்கள் நீரோட்டம் போல தொடர்ந்து வருவதை நாம் அறியலாம் . அதுமட்டுமல்ல  நமது தீர்விற்கு  பல பொருத்தமற்ற எண்ணங்களும்  வந்து கொண்டு  இருக்கும் என்பதை நாம் சற்று யோசித்து பார்த்தால்  நாம் அறிவோம் ஆம் நம்  மனம் ஒரு பட்டாம்பூச்சி போன்றது, அது ஒரு பூவிலிருந்து இன்னொரு பூவுக்கு பறக்கிறது, ஒருபோதும் அசையாமல் நிலையாக ஒரு இடத்தில் இருக்காது

நமது  அன்றாட  இயல்பான வாழ்க்கையில்  இப்படி பல  சிந்தனைகள் நம் மனதில் ஆட்டோமெட்டிக்காக ஒடிக் கொண்டிருக்கும் இதை நாம் அதிகமாக உணர்வதில்லை  ஆனால்   நாம்  ஒரு குறிப்பிட்ட விஷயத்தில் கவனம் செலுத்த வேண்டியிருக்கும் போதுதான் நம்  கவனத்தை திசைதிருப்பி, நமது  கவனத்தை ஈர்க்கும் பல எண்ணங்களை நாம் அறிவீவோம் அப்போதுதான் நமக்கு தெரியும் நம் மனம் எப்படியெல்லாம் தாறுமாறாக இயங்குகிறது என்று


நாம்  ஆடை அணியும் போது, சாப்பிடும் போது , நடக்கும் போது, வேலை செய்யும் போது , வாகனம் ஓட்டும் போது, பேசும் போது,  குளிக்கும்போது . தனியாக இருக்கும்போது, ​ நிறுவனத்தில் இருக்கும்போது  இந்த எண்ணங்கள் நீடிக்கும் இது தொடர்கிறது. நாம்  தூங்கும் வரை அது தொடர்கிறது. இது ஒரு நிலையான மன சத்தம் போன்றது.


சில நேரங்களில் குறிப்பாக நாம்  கவலையுற்று இருக்கும் போது  எண்ணற்ற இந்த முடிவற்ற ஓட்டம் சோர்வை  தருகிறது,  இந்த எண்ணங்களிலிருந்து கவனத்தை திசை திருப்பும் பொருட்டு  மக்கள் குடிக்கிறார்கள் போதை மருந்துகளை எடுத்துக்கொள்கிறார்கள், அல்லது பொழுதுபோக்குகளில் அல்லது பல்வேறு செயல்களில் ஈடுபடுகிறார்கள், ஆனால் இது சரியான தீர்வு அல்ல.

நமது      எண்ணங்களின் எண்ணிக்கையை குறைக்க முடிந்தால், நாம்  எவ்வளவு ஆற்றலையும் நேரத்தையும் மிச்சப்படுத்தியிருக்கலாம் என்று யோசித்து பாருங்கள்.    தொடர் எண்ணங்கள் நம்மை தொந்தரவு செய்யாவிட்டால், நாம்  எவ்வளவு சிறந்த கவனம் செலுத்த முடியும் என்று யோசியுங்கள்.  அது போல  நம்  வாழ்க்கையில் இந்த தொடர் எண்ணங்களை மட்டும் நிறுத்த ஒரு வழி தெரிந்திருந்தால், நம் உள்ளம்  எவ்வளவு  அமைதியுடனும்,  மகிழ்ச்சியுடன் இருக்கும்  என்று சற்று யோசித்துப் பாருங்களேன்.

ஒரு சின்ன கேள்வி  நாம்  இலக்கை அடைந்த பிறகு நம்  காரின் இயந்திரத்தை இயக்குகிறோமா இல்லைதானே? நாம் நிச்சயமாக இயந்திரத்தை அணைத்துவிடுகிறோம்தானே அது போல நம் மனதை ஏன் அவ்வாறு செய்யக்கூடாது?

உடனே நாம் சொல்வோம் அப்படியெல்லாம் செய்ய முடியாது காரணம் எண்ணங்கள் ஆட்டோமெடிக்காக நம் மனதில் வருவது அதை நிறுத்துவது எனப்து இயலாது என்று ஆனால் நாம் சற்று முயற்சித்தால்முற்றிலும்  நிறுத்தலாம் அல்லது குறைந்தது குறைக்கலாம்.


ஒரு நாளைக்கு நம்  மனம் நினைக்கும் எண்ணங்களின் எண்ணிக்கையைக் குறைக்க  தியானம்தான் சிறந்த வழி ஆனால் அதற்கு சற்று முயற்சி தேவை .தியானம் நமது  எண்ணங்களின் ஓட்டத்தை குறைக்கிறது என்பதை தவறாமல் தியானிக்கும் மக்கள்  நிச்சய்ம ஒப்புக்கொள்வார்கள்.  எண்ணங்களை கட்டுபடுத்துவதன் மூலம் நம் மனம் அமைதி அடையும்



நாம் இந்த எண்ணங்களின் ஒட்டத்தை  குறையும் போது நம் மனது திசைதிருப்பப்படாமல், நாம் என்ன செய்கிறோம்  என்பதில் நம்  மனதை மையப்படுத்த முடியும், மேலும் நம் மனம் படிப்பதில், சிக்கல்களைத் தீர்ப்பதில், திட்டங்களைத் தயாரிப்பதில், நம்  வேலையைச் செய்வதில் சிறப்பாக செயல்பட முடியும்.

நாம் 80,000 எண்ணங்களிலிருந்து 30,000, 20,000 அல்லது அதற்கும் குறைவான நிலைக்குச் செல்வதன் மூலம் நிறைய சிரமத்தையும், கவலையையும், நேரத்தையும், வீணான ஆற்றலையும் மிச்சப்படுத்த முடியும். உள் மன அமைதியின் இனிமையான சுவையையும் நாம்  அனுபவிக்கத் தொடங்கலாம்

வாழ்க்கையில் வெற்றிகள் பலவற்றையும் குவிக்கலாம்

இதற்கு உதாரணமாக மோடியை நாம் குறிப்பிட்டு சொல்லலாம் அவர் தியானம் பண்ணுவதை பலர் கேலி செய்யலாம் ஆனால் அவர் தியானம் தொடர்ந்து செய்வதால்  எண்ணங்களை குறைக்கிறார் இது உண்மைதான் அவர் எண்ணங்களை குறைப்பதன் மூலம் நாட்டு மக்களை பற்றி நினைப்பதில்லை நாட்டை பற்றி நினைப்பதில்லை அதற்காக எண்ணங்களை அதிக அளவு ஒடவிட்டு மனதை குழப்பி கொள்ளாமல் தன்னை பற்றியும் தன்னை சுற்றியுள்ளவர்களை மட்டும் சிந்தித்து செயல்படுகிறார் அதில் வெற்றியும் கண்டு கொண்டு இருக்கிறார்.


அவரே போலவே நீங்களும் உங்களது எண்ணங்களை குறைத்து மனதை ஒருநிலைபடுத்தி வாழ்க்கையில் வெற்றி பெற இந்த பதிவின் மூலம் சொல்லி செல்லுகிறேன்



முடிந்தால் இந்த பதிவை படித்துவிட்டு உங்கள் எண்ணங்களை  உங்களுக்கு நேரம் கிடைத்தால் இங்கு பதிவு செய்யலாம்


என்றும் அன்புடன்
உங்கள் அபிமானத்திற்குரிய
மதுரைத்தமிழன்