ரீல்ஸ் அரசியல் vs ரியல் அரசியல்: திமுக தோல்வியிலிருந்து மீளும் வழி என்ன?
தோல்வி வந்ததும் சத்தம் அதிகம் ஆவது அரசியல் அல்ல. தோல்வி வந்ததும் சுயபரிசோதனை நடக்க வேண்டியது அரசியல்.
திமுக இப்போது முதலில் கற்றுக்கொள்ள வேண்டியது ஒன்றுதான் எதிரியை தினம் தினம் தாக்குவது வெற்றி அல்ல. கட்சியை உள்ளே இருந்து சரி செய்வதுதான் வெற்றி.மக்கள் மௌனமாக இருக்கலாம். ஆனால் அவர்கள் கவனிக்காமல் இல்லை. யார் வேலை செய்கிறார்கள், யார் வெறும் பேச்சு பேசுகிறார்கள், யார் பிரச்சினை வந்த இடத்தில் நிற்கிறார்கள், யார் படம் எடுத்துக்கொண்டு மறைகிறார்கள் எல்லாம் மக்களுக்கு தெரியும். அதனால்தான், ஆட்சியில் இருக்கும் தவெகவை மட்டும் தினம் தினம் குத்திக்கொண்டிருந்தால், அதனால் பெரிய பலன் கிடைக்கப்போவதில்லை. மாறாக, “இவர்கள் தோல்வியை ஜீரணிக்க முடியாமல் பேசுகிறார்கள்” என்ற இம்பிரஷன் உருவாகும் அபாயம் இருக்கிறது.
இப்போது திமுகவிற்க்கு தேவை அமைதி. ஆனால் சோம்பலான அமைதி அல்ல. உள்ளே சீரமைக்கிற, தவறுகளை ஒழுங்குபடுத்துகிற, புதியவர்களுக்கு இடம் தருகிற அமைதி. கட்சிக்குள் பழைய முகங்கள் மட்டும் இருந்தால், புதிய தலைமுறை எங்கே இருந்து வரும்? பதவியில் இருப்பது வேறு; மக்களோடு நிற்பது வேறு. மக்கள் பிரச்சினை வந்தால் அங்கே நின்று பேசும் ஆள்கள்தான் கட்சியின் உண்மையான மூச்சு.
இளம் தலைமுறை வர வேண்டும். ஆனால் அவர்கள் ரீல்ஸ்ல மட்டும் இருக்கக் கூடாது. கிராமத்தில், நகரத்தில், வார்டில், உள்ளுர் பிரச்சனையில், மக்கள் இருக்கும் இடத்தில் அவர்களை நிறுத்த வேண்டும். அதுதான் அரசியல் பயிற்சி. அதுதான் கட்சிக்கு புதுச்செல்வம். அதுதான் நாளைய நம்பிக்கை.
தோல்விக்குப் பிறகு ஒரு கட்சி எப்படி மீண்டும் எழ வேண்டும் என்பதற்கு இந்திய அரசியல் வரலாற்றில் பல பாடங்கள் இருக்கின்றன. ஜெயலலிதா தோல்விக்குப் பிறகு வெளி சத்தத்தை விட, உள்ளே structure-ஐ கட்டினார். அந்த பாடம் கடுமையானது, ஆனால் முக்கியமானது. முதலில் அமைப்பு. பிறகு தாக்குதல். முதலில் நம்பிக்கை. பிறகு எதிர்ப்பு.
ராகுல் காந்தி பற்றிய விமர்சனமும் இதையே சொல்கிறது. எதிரியை மட்டும் தொடர்ந்து தாக்குவது ஒரு கட்டத்தில் தலைப்பு செய்தியை தரலாம். ஆனால் கட்சியை அடிமட்டத்திலிருந்து வளர்க்காமல் விட்டால், வெற்றி வராது. அரசியலில் விமர்சனம் முக்கியம். ஆனால் கட்சியின் கட்டமைப்பு அதைவிட முக்கியம்.
ஆட்சியில் இருப்பவர்கள் நிச்சயம் தவறு செய்வார்கள். அது உறுதி. ஆனால் அந்தத் தவறை ஆதாரத்தோடு, அமைதியோடு, தொடர்ச்சியோடு எடுத்துச் சொன்னால்தான் மக்கள் கேட்பார்கள். ஒருநாள் கத்தினால் யாரும் மனதில் வைக்க மாட்டார்கள். ஆனால் தொடர்ந்து உண்மை சொன்னால், அது அவர்களின் நினைவில் நிற்கும். அரசியலில் சத்தம் ஒரு நாள் கேட்கும். நம்பிக்கை தான் நாள் முழுக்க நிற்கும்
திமுக இப்போது ரீல்ஸ் பாலிடிக்ஸிலிருந்து இருந்து வெளியே வர வேண்டும். ரியல் பாலிடிக்ஸுக்கு திரும்ப வேண்டும். Hashtag பாலிடிக்ஸ் அல்ல; ground politics வேண்டும். வெறும் விமர்சனம் அல்ல; நம்பகமான மாற்று வழி வேண்டும். அதை காட்டும் நேரம் இப்போதுதான்.
அரசியல் என்பது கூச்சலின் விளையாட்டு அல்ல. அது நம்பிக்கையின் விளையாட்டு. நம்பிக்கை ஒரே நாளில் வராது. ஆனால் ஒரே நாளில் சிதைந்துவிடும். அதனால் இப்போது செய்ய வேண்டியது எதிரணியைப் பார்த்து சத்தம் போடுவது இல்லை. கண்ணாடியைப் பார்த்து தங்களைத் தாங்களே திருத்திக் கொள்வது.
அதைச் செய்தால் மீண்டும் எழலாம். செய்யாமல் தினம் தினம் எதிரியைத் திட்டினால், மக்கள் ஒரு கட்டத்தில் சலிப்பார்கள். அந்த சலிப்புதான் பெரிய எதிரி.
பெரிய கத்தல் ஜெயிக்காது. பெரிய நம்பிக்கை தான் ஜெயிக்கும்.
அன்புடன்
மதுரைத்தமிழன்
#ReelsVsReal, #PoliticalStrategy, #DMKDefeat, #GroundPolitics, #Leadership, #TamilNaduPolitics #DMK #Stalin #TNPolitics #TamilPolitics #PoliticalAnalysis #திமுக #தமிழகஅரசியல் #ஸ்டாலின் #அரசியல் #தேர்தல்முடிவுகள் #ரீல்ஸ்அரசியல் #திறந்தமடல் #AvargalUnmaigal #மதுரைத்தமிழன்
டிஸ்கி : அடுத்த பதிவு மேலும் அதிக விபரங்களுடன் வரும் . விருப்பம் உள்ளவர்கள் தொடர்ந்து வரலாம்
Posts
0 comments:
Post a Comment
நான் அறிவு ஜீவி அல்ல ஒரு சாதாரணமான் மனிதன் தான்.இங்கு நான் பதியும் பதிவுகளில் உள்ள கருத்துகள் "மிகவும் சரி"யென்று சொல்லமாட்டேன் அது அன்றைய மனநிலையில் என் மனதில் எழும் கருத்துகளே...அதனால் உங்களது மனசுலபட்ட மாற்று கருத்துகளை தாராளமாக பகிரலாம். ஆனால் தேவையற்ற, வரம்புமீரிய, அநாகரிகமான வார்த்தைகளாலும் பதிவிற்கு சம்பந்தமில்லாமல் கருத்துக்கள் சொல்லப்பட்டால் எந்த வித பதில் விளக்கமின்றி அந்த கருத்து டெலீட் செய்யப்படும்.