இந்திய மக்களே எதற்கும் முன்னெச்சரிக்கையாக இருப்பது நல்லது

இந்திய மக்களே எதற்கும் முன்னெச்சரிக்கையாக இருப்பது நல்லது


மோடி, மே 18க்கு அப்புறம் லாக்டவுன் இருக்கும். ஆனால் அதில் மாற்றம் இருக்கும் என்று சொல்லி இருக்கிறார். கொரோனா அதிகம் பரவாத போதே லாக்டவுன் எப்படி இருந்தது என்று எல்லோருக்கும் தெரியும் .ஆனால் இப்போது அதிகம் பரவிக் கொண்டிருக்கும் போது அதை மேலும் தளர்த்துவார்களா அல்லது  இதைவிட அதிகம் கட்டுப்படுத்தி மேலும் 2 வாரங்களுக்கு  நீட்டிப்பார்களா என்று யோசித்துப் பாருங்கள். பொருளாதாரம் கீழே விழுந்து கிடக்கிறது .அதனால் நீடிக்கமாட்டார்கள் என்று நினைக்க வேண்டாம் .விழுந்த பொருளாதாரத்தை யாரும் உடனே தூக்கிவிட்டு ரேஸிலில் ஓட வைப்பது போல ஓட வைக்க முடியாது.  அதனால் மேலும் கடினமான ஒரு லாக் டவுன் வரலாம் .

அந்த சமயத்தில் வீட்டிலிருந்து வருபவர்களைச் சுட்டுகூட தள்ளலாம் என்று சட்டம் வரலாம். காஷ்மீரில் உள்ள சட்டம் போல நாடு முழுவதும் வரலாம்.

மோடி கொஞ்சக் கால அவகாசம் கொடுத்திருப்பது அவரைச்சார்ந்த நாடு முழுவதிலும் உள்ள பணக்கார கூட்டங்கள், தங்களுக்கு வேண்டியதை பாதுகாப்பாக வாங்கி வைத்துக் கொள்ளக் கொடுத்திருக்கும் அவகாசமாகக் கூட இருக்கலாம்..... அதனால் மக்களே மோடியின் அடுத்த மாற்றத்துடன் வரும் லாக்டவுன் அறிவிப்பிற்கு முன்னால் உங்களுக்கு  2 வாரங்களுக்குத் தேவையானதை நீங்களும் வாங்கி வைத்து கொள்ளவது உங்களுக்கு பாதுகாப்பானது மட்டுமல்ல நல்லதும் கூட.. எதற்கும் முன்னெச்சரிக்கையாக இருப்பது நல்லது... ஒரு வேளை அப்படி ஏதும் இல்லை என்றால் நாம் இழக்கப் போவது ஏதும் இல்லை. ஆனால் அப்படித்தான் இருக்கும்  என்ற பட்சத்தில் ல் வாங்கி வைக்கவில்லை என்றால் கஷ்டப்படப் போவது நீங்களும் உங்கள் குடும்பம் மட்டுமே


டிஸ்கி: ஒரு வேளை நல்ல உடல் நலத்துடன் இருக்கும் தொழிலாளர்களை மட்டும்  அவர்களின் உடலை பரிசோத்துவிட்டு அவர்கள் வேலை செய்யும் இடங்களுக்கு  வரவழைத்து ,அதன் பின் அவர்களை  வேலை செய்யும் இடங்களுக்குள்ளே இருக்குமாறு லாக்டவுன் செய்து,  அவர்களுக்குத் தேவையான சாப்பாடு வசதிகளைச் செய்து கொடுத்துவிட்டு, ஒரு நாளைக்கு 15 மணி நேரம் வேலை செய்யுமாறு நிர்ப்பந்திக்கப்படலாம். அதற்காகவே இந்த கொரோனா காலத்தில் லேபர் லா விதிகள் தளர்த்தப் பட்டிருக்கலாம் அல்லவா?

இன்று இந்தியா ஜனநாயக போர்வையில் ஒழிந்து கொண்டிருக்கும் சர்வதிகார நாடாக மாறிக் கொண்டு இருக்கிறது. மோடி நினைத்ததைச் சாதிக்கும் நிலைக்கு வந்துவிட்டார், அவரின் செவிக்கு உங்களின் குரல் கேட்பதில்லை


அன்புடன்
மதுரைத்தமிழன்
கொரோனா கால கிறுக்கல்கள்