ஒரு பொண்னைத் தேடி......

 

ஒரு பொண்னைத் தேடி......

ஒருத்தர் தன் கணவனை “வாங்க, போங்க” என்று மனைவி அழைக்கும் பழக்கம் இன்னும் எங்கள் ஊரில் இருக்கிறது என்று பதிவு இட்டு இருந்தார். ஆனால் எந்த ஊருன்னு சொல்லாமல் விட்டார்..சொல்லி இருந்தால் அந்த ஊரில் ஒரு பெண்ணைத் தேட ஆரம்பிக்கலாம்.  #சரிதானே

 
நமக்கு புடிச்ச  ஆண் மகனைக் கல்யாணம் பண்ணிக் கொள்வதை விட நமக்குப் பொருத்தமான ஆண்களைத் திருமணம் செய்து கொள்ளும் பெண்தான்  ஸ்மார்ட்

இந்த கொரோனா காலத்தில் அநேக பெண்கள் உண்டாகி இருக்கிறார்கள் ஆண்கள் குண்டாகி இருக்கிறார்கள்

ஒரு பெண்களின் கஷ்டம் ஆண்களுக்குத்  தெரியுமா என்று கேட்பவர்கள் ஆண்களின் கஷ்டத்தை அறியாதவர்களா இருப்பார்கள்.

யாரிடம் இருந்து என்பது அல்ல . ஆனால் என்னக் கற்றுக் கொள்கிறோம் என்பதுதான் முக்கியம்.. இன்றைய டாஸ்மாக் குடிகாரர்களிடம் இருந்து நாம் கற்றுக் கொள்ள வேண்டியது பொறுமைதான் அதுமட்டுமல்ல வரிசையில் நிற்கும் பழக்கம் அவர்களிடம் மட்டுமே இருக்கிறது

     

வட நாட்டுத் தொழிலாளிகள் கால் கடுக்க நடந்து செல்லும் போது தமிழ் நாட்டுக் குடிகாரர்கள் கால் கடுக்க டாஸ்மாக் வாசலில் நிற்கிறார்கள்... அய்யகோ தமிழனுக்கு இப்படி  ஒரு சோதனையா ஏய் தமிழினமே ஏன் இன்னும் பொறுத்திருக்கிறாய் கடலென எழுந்து வா நம் குடிகாரர்களின் கஷ்டம் நீக்கப் போராடவா? வாழ்வது ஒரு முறை  அதனால் நாம் குடிகாரகளுக்காக போராடிச் சாவோம் வரலாறு நம்மைப் பற்றி பெருமை கொள்ளும்
    

டாஸ்மாக்கில் சரக்கு வாங்கி குடிப்பதினால் யாரும் மயக்கம் அடைந்து சாலையில் படுக்கவில்லை சரக்கு வாங்க க்யூவில் நின்றதால் களைப்பு ஏற்பட்டு மயக்கம் அடைகிறார்கள் என்பதுதான் உண்மை#fact Verified

#அமெரிக்கர்கள் ஆங்கிலத்தில் எழுதும் கட்டுரைகளை எளிதாகப் படித்துப் #புரிந்து_கொள்ள_முடியும் எனக்கு...   நன்கு படித்த #தமிழர்கள் ஆங்கிலத்தில் எழுதும் கட்டுரைகளை என்னால் படித்துப் #புரிந்து_கொள்ள_முடியவில்லை... எங்கிருந்துதான் புழக்கத்தில் இல்லாத வார்த்தைகளைத் தேர்ந்தெடுத்து எழுதுகிறார்களோ?அவர்கள் எழுதுவதைப் படிக்கப் பக்கத்தில் டிக்சனரியை கூடவே வைத்துக் கொள்ள வேண்டி இருக்கிறது.. முடிவில் கட்டுரையைப் படிக்கிறோமா இல்லை ஆங்கில அறிவை வளர்த்துக் கொள்ள டிக்சன்ரியை படிக்கிறோமா என்று குழப்பம் வந்துவிடுகிறது. தெரியாமல்தான் கேட்கிறேன் இவர்கள் கட்டுரை எழுதுவது யாருக்கும் புரிந்துவிடக் கூடாது என்று நினைத்துத்தான் எழுதுகிறார்களோ . பள்ளிக்குச் சென்ற வயதில் கூட இப்படிப் படித்தது இல்லை. என்னவோ சாமி ஆளை விடுங்கடா

இப்படி எனக்கு மட்டும்தான் தோன்றுகிறதா இல்லை உங்களுக்கும் இப்படித்தான் இருக்கிறதா?


அன்புடன்
மதுரைத்தமிழன்