விகடனின் 'ஆட் குறைப்பு 'விருதுகள் நியாயமானதா?

விகடனின் ஆட் குறைப்பு விருதுகள் நியாயமானதா?

பல வருடப் பாரம்பரியம் கொண்ட பத்திரிகை விகடன்... ஒரு காலத்தில் மக்களை இதைப் பொக்கிஷமாகவே கருதினார்கள் ஏன் இன்று வாழும் 40 அல்லது அதற்கு மேற்பட்ட வயதுள்ள பலரும் பழைய கால விகடனைப் பொக்கிஷமாகவே பாதுகாத்து வந்தனர். அந்நாளைய விகடன் சமூகத்துக்குச் செய்தது எந்த எதிர்பார்ப்புமில்லாத பெரும் கடன். அப்படி பெரும் பாரம்பரியத்தைக் கொண்ட விகடன் கடந்த 30 ஆண்டுகளாகத் தடுமாறி தடம் மாறிக் கொண்டே வந்து கொண்டு இருக்கிறது. தொலைக்காட்சி சேனல்கல் தோன்ற ஆரம்பித்ததிலிருந்து பல வார இதழ்கள் நாளிதழ்கள் ஆட்டம் கண்டன அதில் விகடனும் விலக்கு அல்ல இழந்த சர்குலேசனை அதிகரிக்கத் தரத்தைக் கூட்ட வேண்டிய விகடன் தரத்தை இழந்து சர்குலேஷனை மீட்கும் முயற்சியில் இறங்கியது எனச் சொல்லாம் .இந்தத் தொலைக்காட்சி சேனல்கள் மட்டுமல்ல அரசியல் தலைவர்களால் மத விஷங்கள் ஆரம்பத்தில் மேல்மட்டத்தில் விதைக்கப்பட்ட போது அதற்கு ஆதரவாகச் செயல்பட வேண்டிய சூழ்நிலை விகடனுக்கும் வந்ததது. காரணம் விகடனின் நிர்வாகம் மேல்மட்ட ஜாதியைச் சார்ந்தவர்களின் கையிலிருந்தது. அதனால் அவர்கள் தங்கள் கடந்து வந்த பாதையைச் சற்று மாற்றிப் புதிய பாதையைத் தேர்ந்தெடுத்து இழந்து போன தங்களின் வருமானத்தைப் பெருக்க முயன்றனர்... அதனால் பாரம்பரிய விகடன் தன் சுயத்தை இழந்து மக்களிடம் செல்வாக்கை இழக்க ஆரம்பித்தது. இதுதான் விகடனின் கதை

இப்போது நாம் விகடனின் ஆட்குறைப்பு விஷயத்திற்கு வருவோம். ஆட்குறைப்புச் செய்வது சரியா இல்லையா என்று பார்க்கும் போது பாதிக்கப்பட்டவர்களின் பக்கத்திலிருந்து பார்க்கும் போது சரி என்றும் நிர்வாகத்தினர் பக்கம் இருந்து பார்க்கும் போது அது தவறு இல்லை என்றுதான் தோன்றும்

விகடன் சேவை நோக்கில் செயல்படும் ஒரு நிறுவனம் அல்ல லாபத்தைக் குறிக்கோளாகக் கொண்டு செயல்படும் ஒரு நிறுவனம்.. அதன் வருமானம் பாதித்து இருக்கும் நிலையில் எந்த ஒரு நிறுவனம் செய்யக் கூடியதை அது இன்று செய்து இருக்கிறது..மற்ற சமயங்களில் இப்படி ஒரு ஆட்குறைப்புச் செய்து இருந்தால் இப்போது இருப்பதை விட மிகக் கடுமையான விமர்சனத்திற்கு உள்ளாகி இருக்கும்..இப்போது கொரோனா அவர்களுக்குக் கொடுத்த ஒரு நல்ல கொடை என்றும் சொல்லாம். அதனால் கொரோனாகாலத்தில் ஆட் குறைப்புச் செய்து இருக்கிறது. இந்தச் சமயத்தில் வேலையிழப்பு உலகம் முழுக்க நிகழ்கிறது. இதில் விகடன் மட்டும் விதிவிலக்கல்ல. இதைத் தவறு என்று சொல்லுபவர்களுக்கு அவர்களின் நிதி நிலைமை பற்றித் தெரிந்துதான் தவறு என்று சொல்கிறார்களா என்ன? உழைக்கும் மக்களைச் சுரண்டி கொழுத்த திருப்பூர் நிறுவனங்கள் தொழிலாளிகளைக் கைவிட்ட போது அமைதி காத்த மக்கள் இன்று விகடனுக்கு எதிராகக் குரல் கொடுக்கிறார்கள். இந்தத் திருப்பூர் நிறுவனத்திற்கும் விகடன் குழுமத்திற்கும் ஒரு சிறிய அளவு கூட வித்தியாம் இல்லை என்பதுதான் உண்மை

 சாரு நிவேதிதாவும்  மற்றும் மாற்றம் என்பது மட்டும்தான் மாறாதது போல

ஆட்குறைப்பைச் செய்வதற்கு முன் விகடன் என்ன செய்து இருக்கலாம்? நிர்வாகத்தினர் தமிழக முதல்வரையோ அல்லது மத்திய நிதி அமைச்சரையோ தொடர்பு கொண்டு செய்தி நிறுவனங்கள் அதுவும் இந்தக் கொரோனாகாலத்தில் படும் கஷ்டங்களை எடுத்துரைத்து ஒரு குறுகிய காலத்திற்குச் செய்தியாளர்களுக்கு உதவித் தொகை மாதிரி ஒரு நிவாரணம் பெற்றுதர முயன்று இருக்கலாம்.. அப்படி முயற்சி செய்து இயலாத சமயத்தில் ஆட்குறைப்பை படிபடியாக் செய்து இருக்கலாம் ஒருவேளை இப்படிச் செய்யும்போது அரசு சார்பாகச் செயல்பட வேண்டிய சூழ்நிலை ஏற்பட வாய்ப்புண்டு... ஆனால் அதைத்தானே இப்போது நாம்மறைமுகமாகச் செய்து வருகிறோம் அதனால் என்ன?

சமீபத்தில் சில செய்தி நிறுவனங்கள் ஸ்டாலினைச் சந்தித்து அரசிடம் தங்கள் கோரிக்கைகளை எடுத்து வைக்கச் சொன்னபோது அதைக் கேலி செய்த மக்கள்தான் இப்போது ஆட்குறைப்பைப் பற்றிக் கடுமையாக விமர்சனம் செய்கிறார்கள்

இப்படி எதிர்ப்பவர்களோடு விகடனிடம் இருந்து விருது வாங்கியவர்களும் தாங்கள் வாங்கிய விருதைத் திருப்பிக் கொடுக்க ஆரம்பிக்கிறார்களாம் என்னமோ இவர்கள் விருது வாங்கிய காலங்களில் விகடன் அறத்தோடு செயல்பட்டது போலவும் இப்போதுதான் அவர்கள் முதல் முறையாக அறமிழந்து விட்டது போல ஒரு போலியான ஒரு தோற்றத்தை உருவாக்கிக் கொண்டு தங்களுக்கு ஒரு விளம்பரத்தைத் தேடிக் கொள்கின்றார்கள் இப்படிச் செய்வதற்குப் பதிலாக வேலை இழந்தவர்களில் ஒருவருக்காவது நீங்கள் உதவினால் அது அறம் 

இறுதியாக ஒரு வியாபார நிறுவனம் இப்படித்தான் இயங்கும். விகடனும் அப்படிதான். என்ன மற்றைய நிறுவனங்கள் வியாபார நோக்கில் செயல்பட்டது அது போல விகடனும் வியாபார நோக்கில் செயல்பட்டது மட்டுமல்ல அறம் சமூகநீதி மக்கள் நலன் என்று சொல்லிச் செயல்பட்டதால் மக்கள் அவர்களை நோக்கி கேள்விக்கணைகளால் தாக்கிக் கொண்டு இருக்கிறார்கள்

முடிந்தால் மக்கள் சும்மா பேசிக் கொண்டிருக்காமல் இப்படி வேலை இழந்தவர்களுக்குத் தங்களால் முடிந்த உதவிகளைச் செய்வதுதான் அறம். சும்மா கேள்விக்கணைகளை எழுதிக் கொண்டிருப்பது அறமல்ல

பழக்கத் தோஷமும் "அந்த" ஒரு லைக்ஸ் கொடுக்கும் சந்தோஷமமும் : கொரோனா காலக் கிறுக்கல்கள்

அன்புடன்
மதுரைத்தமிழன்


Directors Divya Bharati, Lenin Bharati and Kaala writer Magizhnan returns their Vikatan Award
They condemns Vikatan for laying off 176 employees