கொரோனா காலத்தில் உலகெங்கும் பேசப்படும் தமிழ் பதிவர்

உலகெங்கும் பேசப்படும்  தமிழ் பதிவர்

அண்ணே அது யாருண்ணே?

அடேய் அது நாந்தாணடா...

என்னண்னே உங்களைப் பற்றி உலகமே பேசுதா?

ஆமாம்டா...

அப்படியென்றால் எனக்கு எப்படித் தெரியாமல் போச்சு

அடேய் டாஸ்மா க்யூவில் இருந்தால் உனக்கு எப்படிடா தெரியும்..

அதுவும் சரிதான் சரி விஷயத்தைச் சட்டுபுட்டுன்னு சொல்லுங்க

அடேய் நான் கேட்கிற கேள்விக்குப் பதில் சொல் அதன்பின் உனக்குத் தன்னால தெரியும்
   
சரி கேள்வியை நீங்க கேளுங்கள்

இப்ப உலகம் முழுவதும் எதைப் பற்றிப் பேசுறாங்க..

மோடி அரசு பொதுத்துறை நிறுவனங்களைத் தனியார்த் துறைக்கு விற்று கொரோனாவில் இருந்து மக்களைக் காப்பாற்றப் போகிறார் என்று பேசுறாங்க அண்ணே..

அடே உலகத்தில் என்ன பேசுறாங்க என்றால் இந்தியாவில பேசுகிறதைப் பற்றிச் சொல்லுறீயே அடேய் மோடி என்ன செய்கிறார் என்று மற்ற நாடுகள் கவலைப்படுவதில்லைடா.. சரி சரியா யோசித்து சொல்லு

அண்ணே கொரோனாவை பற்றித்தான் பேசுறாங்க

வேற என்ன பேசுறாங்க

சைனாக்காரன் அதைப் பரப்பினார்கள் என்று பேசுறாங்கண்ணே

வேற

அமெரிக்க இனிமே வல்லரசு இல்லை இந்தியாதான் இப்ப வல்லரசு என்று பேசுறாங்க

அடே உங்கிட்ட சங்கிகள் என்ன பேசுறாங்கள் என்றா கேட்டேன் கேட்டதற்குச் சரியா பதில் சொல்லு

அமெரிக்காவில் கொரோனாவால் பாதிக்கப்பட்டவர்கள் அதிகமாமாண்ணே

இப்பதான் கொஞ்சம் நெருங்கி வருகிற?

வேற

அதும் நீயூயார்க் நீயூஜெர்ஸியில் பாதிப்பும் அதிகம் செத்ததும் அதிகமாண்ணே


இதைப் பற்றிப் பேசும் போது என்னைப் பற்றியும்தானே உலகெங்கும் பேசி இருக்கிறது.


என்னெண்ணே சொல்லுறீங்க..... நீங்க இப்படிப் பாதிக்கப்பட்டவர்களுக்குச் சேவை ஏதும் செய்து பல உயிர்களைக் காப்பாற்றிணீங்களாண்ணே?

அடேய் நான் அடுத்தவ்ங்களைக் காப்பாற்றும் நிலையிலாடா இருக்கேன்

பாதிப்பே எனக்குதானடா....... ( முதலில் என் மனைவிக்கும் அதன் பின் எனக்கும் கோவிட் -19 பாசிட்டிவ்)அதனாலதான் சொன்னேன் உலகெங்கும் நீயூயார்க் நீயூஜெர்ஸியைப்பற்றிப் பேசிய போது என்னைப்பற்றியும் பேசியதாகவே நான் கருதியால்தான் உலகெங்கும் என்னைப் பற்றிப் பேசினாங்க என்று சொன்னேன்.


அண்ணே உங்களுக்குக் கொழுப்பு இன்னும் அடங்கலை போலிருக்கிறது அவனவன் பயந்து சாகிறான் ஆனால் நீங்க என்னடா என்றால் மோடியை திட்டிக்கொண்டு இருக்கிங்க அதுமட்டுமல்லாமல் இப்படி ஒரு மொக்கைப் பதிவையும் எழுதிக்கொண்டு இருக்கிங்க

அண்ணே இப்ப எப்படி இருக்கிங்க...

இப்ப நான் புதிய இந்தியா மாதிரி இல்லாமல் மிக நன்றாகவே இருக்கிறேன்..

இப்ப சொல்லு உலகெங்கும் என்னைப்பற்றி பேசிக் கொண்டுதானே இருக்கிறார்கள் .

அண்ணே உலகம் பேசிகிறதோ இல்லையோ இந்த சங்கிகள் மட்டும் உங்களை நன்றாக திட்டிக் கொண்டிருக்கிறார்கள் என்பது மட்டும் தமிழகத்தில் இருக்கும் எனக்கு நன்றாக தெரியுமண்ணே

சரி தம்பி யார் எப்படியும் பேசட்டும் ஆனால் தலைப்பை நம்பி இந்த பக்கம் வந்துட்டே அதனால உண்மையிலே  தமிழக இளைஞர் ஒருவர் சத்தம் இல்லாமல் பல சாதனைகளை செய்து வருகிறார். அவரைப் பற்றி நாம்  நாளை இங்கு காண்போம் & மனதார பாராட்டுவோம்


அன்புடன்
மதுரைத்தமிழன்