கங்கை அமரன் இப்படி பேசுவது சரியா?

கங்கை அமரன்  இப்படி பேசுவது சரியா?

இளையராஜா தான் இசை அமைத்த பாடல்களுக்கு காப்பிரைட் பெற்று இருக்கிறார் அதனால்தான் SPBக்கு வக்கில் நோட்டிஸை அனுப்பி இருக்கிறார்.இதனால் நாடு முழுவதும் பலவித விவாவதங்கள் நடை பெற்று கொண்டிருக்கின்றன. உண்மையில் இளையராஜா அவர் பாடலுக்கு உரிமைகள் பெற்று இருந்தால் அதை மீறுவது யாராக இருந்தாலும் தவறு. இப்போது அவர் சகோதரன் கங்கை அமரன் நான் இதற்கு எல்லாம் கட்டுப்படமாட்டேன் நான் பாடத்தான் செய்வேன். முடிந்தால் என்னைக் கைது செய்து பார்க்கட்டும் என்று பேட்டியில் கூறி இருக்கிறார். இவர் இளையராஜாவின் சகோதரராக இருந்தால் ஏதோ உளறுகிறார் என்று போய்விடலாம். ஆனால் இப்போது அவர் பாஜக சார்பில் சட்டசபை தேர்தலில் போட்டியிடும் ஒரு வேட்பாளர். அதாவது மக்களுக்காகச் சேவை செய்ய வருபவர்.....காப்பிரைட் சட்டத்தை நான் மதிக்க மாட்டேன் என்று சொல்லுவது எந்தவிதத்தில் நியாயம். மக்களுக்குச் சேவை செய்யவருபவராக இருந்தால் இவர் என்ன சொல்லி இருக்க வேண்டும். பிரச்சனை ஆராயுந்து நியாயம் யார் பக்கத்தில் இருக்கிறதோ அவர்களுக்குச் சாதகமாக நான் போராடுவேன் என்று சொல்லி அல்லவா இருக்க வேண்டும். ஆனால் அப்படிச் சொல்லாமல் நான் சட்டத்தை மீறுவேன் என்று சொல்லுபவரா சட்டமன்ற உறுப்பினராக ஆக ஆசைப்படுவது. இவரைப் போல உள்ள வேட்பாளர்கள்தான் பாஜகவிற்கு கிடைத்திருக்கிறது சட்டத்தை மதித்து நடப்பேன் என்று சொல்லுபவர்கள் யாரும் அவர்களுக்கு கிடைக்கவில்லையா? மக்களே நல்லா யோசிங்களேன்

அன்புடன்

மதுரைத்தமிழன்
#gangai amaran  #ilayaraja