மனைவிகிட்ட இப்படியெல்லாம்வா பேசுவாங்க

மனைவிகிட்ட இப்படியெல்லாம்வா பேசுவாங்க

கடந்த வாரம் வெள்ளிக்கிழமை இரவு 7 மணியளவில் நான் என் குழந்தையின்  பெட் ருமிற்கு சென்று  அவள் பெட்டில் படுத்து அரட்டை அடித்து கொண்டிருந்தோம் அந்த சமயத்தில் ஆபீஸில் இருந்து லேட்டாக வந்த என் மனைவியும் அங்கே வந்தாள்  எங்கள் வீட்டு நாய்குட்டியும் அந்த பெட்டிற்கு ஜம்பு பண்ணி வந்தது. வெள்ளிகிழமை இரவு என்பதால் நீண்ட நேரம் பேசி அரட்டை அடித்து கொண்டிருந்தோம்.

அப்போது என் மனைவி திடீரென்று ஒரு வெடியை தூக்கி போட்டாள்.. இப்படி மூன்று பேரும் தினமு இப்படி பேசி படுத்து தூங்கினால் எவ்வளவு நன்றாக இருக்கும் என்றாள். அதை கேட்ட எனக்கு கரண்ட் ஷாக் அடித்து தூக்கி போட்டது போல இருந்தது. என் பெண் டாடி இது என்ன கொடுமை என்று அலறினாள்

இதை பார்த்த என் மனைவி நீங்கள் எல்லாம் மனுஷ பிறவியே இல்லை. மனுஷங்கனா எல்லாம் ஒன்றாக சேர்ந்து தூங்கணும் நீங்கள் எல்லாம் என்ன பிறவியோ என்றாள்.

அதை கேட்ட என் வாய் சும்மா இருக்குமா என்ன?

உடனே என்ன உனக்கு எல்லாம் கூட ஒன்று சேர்ந்து தூங்கனும்தானே அதுதானே உனக்கு வேண்டும் என்றேன்

அவளும் ஆமாம் என்று மிக ஆச்சிரியத்தோட நான் நல்ல ஐடியா தரப்போகிறேன் என்று வாயைப் பிளந்து உடகார்ந்து கொண்டிருந்தாள்.

நான் அவளிடம் சிரிக்காமல் அப்படியென்றால் நீ பேசமா ஹாஸ்பிடலில் போய் படுத்துக்கோ அங்கதான் எல்லோரும் எப்போதும் படுத்து இருப்பாங்க என்றேன்

அதை கேட்ட அவள் உள்பட என் குழந்தையும் சிரித்து மகிழ்ந்தனர்... ஆனால் அதன் பின் தாந்தான் என் மனைவிக்கு உறைத்தது நான் அவளை கிண்டல் பண்ணுகிறேன் என்பது....

அது புரிந்து அவள் பூரிக்கட்டையை தூக்குவதற்குள் நான் அந்த இடத்தை விட்டு ஜூட்டாக பறந்துவிட்டேன் . நல்ல வேளை வெள்ளிகிழமை இரவு என்பதால் பாருக்குள் நுழைந்து ஒழிந்து கொண்டேன் அங்குதான் என் மனைவி உள்ளே நுழைய மாட்டாள்.

டிஸ்கி:: எங்கள் வீட்டில் நான் என் மனைவி மற்றும் குழந்தை ஒவ்வொருவரும் தனி தனி பெட் ரூமில்தான் தூங்குவோம் யாரவது நண்பர்கள் வீட்டிற்கு வந்து தங்க நேர்ந்தால் மட்டுமே அவர்களுக்கு ரூமை ஒன்று ஒதுக்கி கொடுப்பதால் அன்றுமட்டும் சேர்ந்து தூங்குவோம் அல்லது என் மனைவி அல்லது குழந்தைக்கு உடல் நிலை சரியில்லை என்றால் மட்டும் என் பெட்டிற்கு வருவார்கள்.  மற்ற சமயங்களில் என் பெட்டில் வலது புறம் என் நாய்குட்டியும் இடது புறம் என் லேப்டாப் மட்டும் தினமும் என்னுடன் சேர்ந்து தூங்கும் அனுமதி பெற்று இருக்கிறது .: இப்படி தனியாக படுப்பதால்தான்  தினமும் இப்படி பதிவுகள் எழுதி உங்களை சாக அடிக்க முடிகிறது....ஹீஹீ

கொசுறு :

அன்புடன்

மதுரைத்தமிழன்