மதுரைத்தமிழன் பாணியில் புடலங்காய் கூட்டு

புடலங்காய் கூட்டு /புடலங்காய் கட் செய்வது எப்படி snake-gourd-curry-

தேவையானவை:

புடலங்காய் - ஒன்று

வேக வைத்த பயத்தம் பருப்பு - அரை கப் (கடலை பருப்பையும் பயன்படுத்தலாம் )

மஞ்சள் தூள் சிறிதளவு

கருமிளகு சிறிதளவு

தேங்காய் துருவல் - கால் கப்

பச்சை மிளகாய் 6

சீரகம் 2 ஸ்பூன்

கடுகு - ஒரு ஸ்பூன்

உளுத்தம் பருப்பு - ஸ்பூன்

சீரகம் ஸ்பூன்

உப்பு - ஒரு தேக்கரண்டி

செய்முறை:

புடலங்காயை சிறு சிறுத் துண்டுகளாக நறுக்கி வேக வைத்து எடுத்துக் கொள்ளவும்

பருப்பை நன்றாக வேவைத்து தனியாக எடுத்து வைக்கவும்

வாணலியில் ஒரு மேசைக்கரண்டி தேங்காய் எண்ணெய் ஊற்றி காய்ந்ததும் கடுகு, போட்டு வெடித்ததும் உளுத்தம் அதன் பின் சீரகமும் போட்டு அதன் மீது சிறிது பெருங்காய பவுடரையும் போட்டு இறுதியாக கருவேப்பிலை போட்டு தாளிக்கவும்

தாளித்தவுடன் அதில் வேக வைத்த புடலங்காயை சேர்த்து கிளறி விடவும்

அதன் பின் தேங்காய் சீரகம் பச்சைமிளகாயை மிக்ஸியில் ஒரு சுற்று சுற்றி அதை இந்த புடல்ங்காய் மேல் போட்டு ஒரு கிளரு கிளறவும்.

அதன் பின் சில சில நிமிடங்கள் கழித்து பருப்பை அதில் சேர்த்து கிளறி தேவையான அளவு உப்பு சேர்க்கவும் அதன்பின் சிறிதளவு பொடித்து வைத்த கருமிளகை தூவி ஒரு கிளறு கிளறி இறக்கி வைது ரசம் அல்லது வத்தல் குழம்புடன் சாப்பிட்ட்டால் மிக அருமையாக இருக்கும்..

இங்கே புடலங்காயை எப்படி கட் செய்வது என்பதை காட்டி இருக்கிறேன் கூட்டு எங்கே என்று கேட்காதீர்கள் செய்து முடித்தவுடன் பசி என்பதால் சாப்பிட்டு முடித்துவிட்டோம் ஹீஹீ

அன்புடன்

மதுரைத்தமிழன்

டிஸ்கி : இந்த பதிவு மதுரைத்தமிழன் புடலங்காயை எப்படி கட் செய்வது என்பதை காட்டுவதற்காக போடப்பட்ட பதிவு ஹீஹீ தமிழன்