மோடி அல்ல மோடியின் ஆதரவாளர்கள் இந்தியாவை எங்கே இழுத்து செல்லுகிறார்கள்?

மோடி அல்ல மோடியின் ஆதரவாளர்கள் இந்தியாவை எங்கே இழுத்து செல்லுகிறார்கள்?

கொரோனாவிற்கு முன் மோடி உலகின் பல நாடுகளுக்குச் சென்று பல தலைவர்களைச் சந்தித்து நாடுகளுக்கிடையே உறவை மேம்படுத்தி அதன் மூலம் நிதி மற்றும் பல விதமான உதவிகளைப் பெற்று நாட்டின் வளர்ச்சிக்குச் செயல்பட்டுக் கொண்டிருந்தார் என்று அவர் மீது பலர் நம்பிக் கொண்டிருக்கும் நேரத்தில் இப்போது எல்லாம் தலைகீழாகச் சென்று கொண்டிருக்கிறது..

மோடியின் செயல்பாடுகளால் இந்தியப் பொருளாதாரம் மிகச் சிறப்பாகப் போய்க் கொண்டிருக்கையில்( இது மோடி மற்றும் அவர்களின் ஆதரவாளர்கள் பார்வை என்னுடைய பார்வையில் அல்ல) கொரோனா வருகைக்குப் பின் எல்லாம் தலைகீழாகிக் கொண்டிருக்கிறது நாடே ஊரடங்கு நிலையில் இருப்பதால் பொருளாதாரம் சரிவை நோக்கி ஓடுகிறது இது இங்கு மட்டுமல்ல உலக நாடுகளின் கதையும் இதுதான்.

ஆனால் கொரோனாவால் பல நாடுகள் பாதிக்கப்படும் நேரத்தில் நமக்கு அதிர்ஷ்டம் நம் வாசலைத் தட்டிக் கொண்டிருக்கிறது ஆனால் அதௌ தெரியாமல் நாம் இருந்து கொண்டிருக்கிறோமோ என்றே நினைக்கத் தோன்றுகிறது..

ஆம் கொரோனா பிரச்சனைகளால் உலகில் உள்ள பல நாடுகளின் மிகப் பெரிய நிறுவனங்கள் சீனாவில் இருந்து வெளியேறிக் கொண்டு இருப்பதோடு மட்டுமல்லாமல் அதன் பார்வை இந்தியா போன்ற நாடுகளின் மீது விழுகிறது.... ஆனால் நாம் இதைப் பயன்படுத்தி அந்த நிறுவனங்களை நம் நாட்டில் வர ஏற்பாடு செய்து அதன்மூலம் பாதிப்படைந்த பொருளாதாரத்தில் இருந்து மீண்டு வர முயற்சிக்க வேண்டும்..


ஆனால் இப்போதைய நிலைமையை உற்றுப் பார்க்கும் போது நிலமை மோசமாகிப் போய்க் கொண்டு இருக்கிறது... இதற்கு மோடி காரணம் அல்ல அவரின் ஆதரவாளர்களே காரணம் என்று சொல்லலாம்...


இவரின் ஆதரவாளர்கள்  செய்யும் முட்டாள்தனங்களால் மோடியின் தலைமைக்கு அவப்பெயர் மட்டுமல்ல இந்தியாவிற்கும் பெரும் பாதிப்பை உண்டாக்கும்..


இந்தியாவில் பிழைக்க வழியில்லாமல் சரியான வேலைவாய்ப்புக்கள் இல்லாமல் இப்போது அரபு நாடுகளில் வேலை பார்த்து பணத்தை ஈட்டிக்கொண்டிருக்கும்  மோடியின் ஆதரவாளர்களான இந்துத்துவா வாதிகள் பிழைக்கப் போன இடத்தில் மத துவேஷ கருத்துகளைச் சமுக இணைய தளங்கள் மூலம் பரப்பி வருகின்றனர்...இதைக் கண்டித்து அரபு நாடுகளில் உள்ள அரச குடும்பத்தினர் தங்கள் எதிர்ப்பை தெரிவிப்பதோடு அதற்கான நடவடிக்கைகளையும் எடுத்து வருகின்றனர்.. இதனால் அரபு நாடுகளுக்கும் இந்தியாவிற்குமான உறவு நிலை மோசமடையாலாம். இதனால் பாதிக்கப்படுவது அரபுநாடுகள் அல்ல இந்தியாதான்.
ஒவ்வொரு ஆண்டும், 55 பில்லியனுக்கும் அதிகமானவை வளைகுடா நாடுகளிலிருந்து இந்தியாவுக்கு மாற்றப்படுகின்றன, மேலும் அனைத்து முஸ்லிம் நாடுகளிலிருந்தும் ஆண்டுக்கு 120 பில்லியினுக்கும் அதிகமானவை மாற்றப்படுகின்றன. இந்த நாடுகளில் இந்தியர்கள் (பெரும்பாலும் இந்துக்கள்) நன்றாக நடத்தப்படுகிறார்கள்.பதிலுக்கு, இந்தியாவில் முஸ்லிம்கள் எவ்வாறு நடத்தப்படுகிறார்கள்? என்றும் கேள்விகள் எழுப்புகின்றனர்...

சரி ஒரு பேச்சுக்கு நாம் அரபுநாடுகளின் உதவிகள் தேவையில்லை என்று எளிதில் சொல்லிவிட முடியுமா என்ன?

ஒரு வேளை அரபு நாடுகளுடனா  உறவுகள் பாதிக்கப்படும்  நிலையில் சீனாவில் இருந்து வெளியேறும் உலகின் மிகப் பெரிய நிறுவனங்கள் நாம் நாட்டிற்கு வர யோசிப்பார்கள் அல்லவா? மதப் பிரச்சனைகள் உருவாகும் நாட்டில் யார் வந்து முதலீடு பண்ணுவார்கள் சற்று யோசித்துப் பாருங்கள்

இனியும் மோடி கண்ணை மூடிக் கொண்டு பேசிக் கொண்டிருக்காமல் தமது ஆதரவாளர்களால் நாட்டிற்கு மட்டுமல்ல தனக்கும் அதனால் ஏற்படும் பின்விளைவுகளை எண்ணி உடனடி நடவடிக்கையில் இறங்க வேண்டும்

இதுவரை மோடிக்கு எதிரான கருத்துகளை எழுதிக் கொண்டிருந்த நான் இந்தியாவின் எதிர்காலத்தை மனதில் கொண்டு மோடி நினைத்தால் இந்தியாவை மாற்ற இயலும் என்று நினைத்து அவருக்குக் கோரிக்கை வைக்கிறேன் இந்தியாவில் வாழும் மற்ற மதத்தினருக்காக அல்ல பெரும்பான்மையாக உள்ள இந்து மதத்தினரின் நல்வாழ்விற்காக மோடி நடவடிக்கைகள் எடுப்பாரா அல்லது இந்து மதத்தினருக்கும் மதத்திற்காகவும் நான் உயிர் மூச்சு உள்ளவரைப் பாடுபடுவேன் என்று சொல்லி அவர்களை பாடாகப் படுத்துவாரா? எனற கேள்விக் குறியோடு இந்த பதிவை முடிக்கிறேன்..

சிந்திப்பவர் சிந்தியுங்கள் மற்றவர்கள் வழக்கமான பதிவுகளைச் சமுக வலைத்தளங்களில் பதிவிட்டு மகிழ்வுறுங்கள் . டாட்

--------------------------------------------------------------------------------------------------------------------------------------------------------------------
படிக்க சிந்திக்க வேண்டிய சில பதிவுகள்

 வரும் அடுத்த 5 ஆண்டுகளில் இந்தியர்கள் தங்கள் குடும்பங்களில் இருந்து ஒரு சிலரையாவது உயிர்ப் பலி கொடுக்க நேரிடும் அவலம் ஏற்படுமா?
Will Indians have to sacrifice at least a few lives from their families over the next 5 years?

யோசித்துப் பார்க்கையில் ...... என் மனதில் தோன்றிய  எண்ணங்கள்
--------------------------------------------------------------------------------------------------------------------------------------------------------------------

அன்புடன்
மதுரைத்தமிழன்