திருமதி.ஜோதிகா பேசி விஷயம் ரொம்ப சிம்பிள் இதுக்கு போய் அலட்டிக்கலாமா?

திருமதி.ஜோதிகா பேசி விஷயம் ரொம்ப சிம்பிள் இதுக்கு போய் அலட்டிக்கலாமா?


திருமதி. ஜோதிகா அவர்கள் ஒரு விருது வழங்கும்  விழாவில், ``தஞ்சைப் பெரிய கோயில் மிகவும் புகழ்பெற்றது அழகாக இருக்கும், அனைவரும் கண்டிப்பாகப் பார்க்க வேண்டும். நானும் பார்த்திருக்கிறேன் மிகவும் அழகாக இருந்தது. அதை அருமையாகப் பராமரித்து வருகிறார்கள்.

மறுநாள் என்னுடைய படப்பிடிப்பு மருத்துவமனையில் நடந்தது. அது சரியாகப் பராமரிக்கப்படாமல் இருந்தது, நான் கண்டதை வாயால் கூற முடியாது, அவ்வளவு மோசமாக இருந்தது. எல்லோருக்கும் ஒரு கோரிக்கை, கோயிலுக்காக அதிக காசு கொடுக்கிறீர்கள் வண்ணம் பூசிப் பராமரிக்கிறீர்கள். தயவு செய்து அதே தொகையைப் பள்ளிகளுக்கும் கொடுங்கள். மருத்துவமனைகளுக்கும் கொடுங்கள். இது மிகவும் முக்கியம். மருத்துவமனையில் நான் அந்தக் காட்சியைக் கண்டதும் எனக்கு ஒரு மாதிரி ஆகிவிட்டது. மருத்துவமனைகளும் பள்ளிகளும் மிக முக்கியம் தயவுசெய்து அவற்றுக்கு நிதியுதவி கொடுங்கள்” எனப் பேசியுள்ளார்.

உலகப் புகழ்பெற்ற தஞ்சை கோயிலுக்கு அருகே  அடிப்படை வசதிகள் கூட இல்லாத மருத்துவமனையா என்பதுதான் அவருக்கு வியப்பாகவும் வேதனையாகவும் இருந்தது. கோயிலுக்கு நிகராக மருத்துவமனைகளும் இருக்க வேண்டும் என்று அவர் கோரிக்கை வைக்க இந்தக் காட்சிதான் காரணம். இதில் கோயில்களைக் குறைத்துப் பேசியது போன்ற போர்வை எங்கே உள்ளது?


ஆனால் ஜோதிகா என்ன சொல்லுகிறார் என்று பலருக்கு நன்கு புரிந்தாலும் சங்கிகள்  மட்டும் உடனே கம்பு எடுத்துச் சுழற்ற ஆரம்பித்து விட்டனர்
ஜோதிகாவுக்கு தமிழ் கலாச்சாரம் பற்றி என்ன தெரியும்? அவருக்கு உதாரணம் கூறுவதற்குக் கோயில்தான் கிடைத்ததா வேறு எதுவுமே இல்லையா, தஞ்சைப் பெரிய கோயிலை இழிவுபடுத்திவிட்டார்’ என்று சங்கிகள் கடந்த சில நாள்களாக ஜோதிகாவை விமர்சித்து சமூகவலைதளத்தில் பதிவிட்டு வருகிறார்கள்.


இப்படி நாம் பொதுவாக நல்ல கருத்துகளை நம் மந்தில் பட்டதைச் சொல்லும் போது இந்த சங்கிகள் விஷயத்தைத் திரித்து எழுதி ஒன்றும் அறியா மக்களின் மனதில் விஷத்தை விதைக்கின்றனர்..

உண்மையிலே இந்த சங்கிகள் கோவில்களை நேசிப்பவர்களாக இருந்தால் அல்லது தங்கள் மதத்தை நேசிப்பவர்களாக இருந்தால் இப்படி விஷயங்களைத் திரிப்பதற்குப் பதிலாக உடனே களத்தில் இறங்கி தமிழகத்தில்  உள்ள அனைத்து கோவில்களை அது சிறிதோ அல்லது பெரிதோ சுதம செய்து மூன்று வேளை பூஜை  செய்யலாமே எத்தனை எத்தனை கோவில்கள் ஒரு வேளை பூஜைக் கூடச் செய்யமுடியாமல் தவிக்கின்றன. அங்குள்ள குருக்கள் கஷட்ப்படுகின்றன அவர்களுக்கு எல்லாம் உதவிகள் செய்யலாமே.. அதற்குப் பதில் இப்படி கம்பை சுற்றுவதில் இரு மயிருக்கும் பிரயோஜனம் இல்லை


இறுதியாக இந்த சங்கிகளை ஆதரிப்பவர்கள் தொடர்ந்து கோவிலுக்கும் ஜோதிகாவின் கருத்தை ஆதரிப்பவர்கள் மருத்துவ மனைகளுக்கும் பள்ளிகளுக்கும் உதவி செய்ய ஆரம்பியுங்கள்.. விஷயம் ரொம்ப சிம்பிள் இதுக்கு போய் அலட்டிக்கலாமா?

அன்புடன்
மதுரைத்தமிழன்