வல்லரசு 'அமெரிக்கா' வீழ்ந்த கதை என்று எள்ளி நகையாடும் கள்ளச் சிரிப்பினர்க்கு அர்ப்பணம்.

வல்லரசு 'அமெரிக்கா' வீழ்ந்த கதை என்று எள்ளி நகையாடும் கள்ளச் சிரிப்பினர்க்கு அர்ப்பணம். Real american heroes..


போற்றுவார் போற்றட்டும்

தூற்றுவார் தூற்றட்டும்.

எல்லாப் புகழும் மகத்தான மனிதத்துக்கே.



வல்லரசு வீழ்ந்த கதை என்று

எள்ளி நகையாடும்

கள்ளச் சிரிப்பினர்க்கு அர்ப்பணம்.



புவி தனில் எங்கு இப்படி

புண்ணியரல்லா பொதுவர்க்கு மரியாதை?



முன்ணனி வரிசையில்

முகம் மறைத்து

தன் இன்னல் மறைத்து

தன்னலம் இல்லாத மானிடரை

தலையில் தூக்கி வைத்து ஆடும்

இந்நாட்டினை எண்ணி

நான் கொள்ளும் பெருமிதம்.





முதலில் உங்கள் பார்வைக்கு வழங்கப்பட்டுள்ளது கனக்டிகட் மாகாணத்தில் தீ நுண்மிக்கு எதிராய் போராடிக் கொண்டு இருக்கும் மருத்துவர் உமா மதுசூதனா என்பவர்க்கு அவர் வசிக்கும் நகர மக்கள் வைத்த மரியாதை தெரிவிக்கும் அறிவிப்பு.

அதை அடுத்து அவர் வசிக்கும் வீதியில் உள்ளூர் மக்கள், தீயணைப்புத் துறை மற்றும் காவல் துறையினர் மரியாதை செலுத்திக் கடக்கும் காட்சி.

https://youtu.be/rik2EAOqe6o




தயவு செய்து இந்திய எழுபது அடி கட் அவுட் இல்லை என கலங்க வேண்டாம். அடுத்து இந்த மருத்துவர் இந்தியாவில் எந்த மாநிலம், என்ன மொழி பேசுபவர், என்ன சாதி என தயவு செய்து தேடிக் கலங்கப்படுத்தி விடாதீர்கள்.



அடுத்து மருத்துவர் சவூட் அன்வர். இவர் செய்தது ஒரு நேரத்தில் ஒரு நோயாளிக்கு மட்டுமே பயன்படுத்த இயலும் என இருக்கும் வெண்டிலேட்டரை ஒரே நேரத்தில் ஏழு நோயாளிகளுக்குப் பயன்படும் வகையில் ஒரு துணைக் கருவி செய்து, அதை காப்புரிமை ஏதும் பெறாமல், சுய லாபம் இன்றி, அனைவருக்கும் கிடைக்கும் வகையில் இலவசமாகத் தந்தவர் இவர். ஆனால் பாவம் இவருக்கும் கட் அவுட் இல்லை. மக்கள் செய்வதெல்லாம் அவர் வீட்டினைக் கடக்கும் போது மரியாதை நிமித்தம் வேகம் குறைத்து மெல்லத் தங்கள் கார்களின் ஹாரனை ஒலிக்க விட்டு கடப்பது.

https://youtu.be/nqzJvx_Lwn0




இருவர் மட்டுமே இங்கு முகம் காணத் தரப்பட்டாலும், எத்தனை எத்தனை மனிதர்கள், அத்தனையும் துறந்து சமூகத்துக்காய், மனிதத்துக்காய் போராடுகிறார்கள்.



இனம், மதம், மொழி, பால் என எதுவும் தடை இல்லை இங்கே. நீங்கள் அளிக்கும் சேவைக்கு எங்களால் இப்போது தர இயன்ற ஒரே காணிக்கை. இந்நாட்டினை நான் கொண்டாட இதுவும் ஒரு காரணம்.



கொடுத்த சம்பளத்தை வாங்கிக் கொண்டு வேலை பார்ப்பவர்களுக்கு என்ன மரியாதை என வாதம் செய்பவர்கள் தயவு செய்து தள்ளிப் போய் நின்று நிந்தியுங்கள். உங்கள் கல்லறைகளில் உங்கள் சாதியையோ, இல்லை மதத்தின் உட்பிரிவினையோ இன்றே பொறித்து வைத்து விட்டுப் போய்ப் படுத்துக் கொள்ளுங்கள்.

இந்த பதிவை  நான் கேட்டுக் கொண்டதற்கு இணங்க எழுதித் தந்தவர் பிரபு சின்னதம்பி... IT துறையில் வேலை பார்க்கும் இவர்  தமிழை மிகவும் நேசிப்பவர், இங்குள்ள தமிழ்ப் பள்ளியில் தமிழை கற்றுக் கொடுப்பவராக மட்டுமல்ல சிறந்த பட்டி மன்ற பேச்சாளரும் கூட.  சில தினங்களுக்கு நீயூசெர்சி தமிழ் பேரவையில்  முனைவர் கு.ஞானசம்பந்தன் அவர்களின் தலைமையில் நடந்த வாழ்க்கை என்பது இனிய பூந்தோட்டமா ? நெடிய போராட்டமா ?  என்ற பட்டிமன்றத்தில் இவர் கலந்து பேசி இருக்கிறார் அதற்கான லிங்க் இங்கே https://youtu.be/Ovh-4whxVXo   எல்லோருடனும் மிக நட்புடன் பழகக் கூடியவர். அதுமட்டுமல்ல பறை என்னும் இசையை கற்றுக் கொண்டு இங்குள்ள தமிழ்ச் சங்க விழாக்களில் வாசிக்கக் கூடியவர். தமிழ்ச் சங்கம் மற்றும் தமிழ் பேரவைகளில் மிகுந்த ஈடுபாடு உடையவர்

அன்புடன்
மதுரைத்தமிழன்

America is now witnessing a new class of heroes who are risking their own lives to save the lives of others, and we should find very visible and public ways of honoring those who are on the frontlines of a new and different kind of war for which America has little experience.