கடன் தந்தவன் கண் விழிக்கையில்... செத்துச் செத்துப் பிழைக்கும் சாமானியனின் கதை! #DebtStruggles, #LifeReality, #MentalStress, #கடன், #வாழ்வியல், #MaduraiThamizhan,

 கடன் தந்தவன் கண் விழிக்கையில்... செத்துச் செத்துப் பிழைக்கும் சாமானியனின் கதை!
     

கடன் வாங்கும் போது நாம் சொல்லும் பொய்கள் பெரும்பாலும் சூழ்நிலையால் அல்லது அந்தத் தற்காலிகச் நெருக்கடியைச் சமாளிக்கச் சொல்லப்படுபவை. அடுத்த வாரம் கொடுத்துறேன் சார்  , நாளைக்குக் கண்டிப்பா அக்கவுண்டுக்கு வந்துரும் என்று அப்போது லேசான தயக்கத்தோடு அந்தப் பொய்யைச் சொல்லிவிட்டு நகர்ந்துவிடுவோம்.

ஆனால், வாங்கிய கடனைத் திருப்பிக் கொடுக்க முடியாத அந்த நரக வேளையில், அதே மனிதர்களைத் தவிர்க்கும்போது அல்லது அவர்களை நேருக்கு நேர் பார்க்க நேரிடும்போது சொல்லும் பொய்கள்தான் இந்த உலகத்திலேயே மிகக் கொடூரமானவை ஆன்மாவை உலுக்கும் அதிக வலியைத் தருபவை.

ஏனென்றால், அந்தப் பொய்களுக்குப் பின்னால் வெறும் ஏமாற்று வேலை மட்டும் இருப்பதில்லை.

போன் ரிங் அடிக்கும் போதெல்லாம் அடிவயிற்றில் எழும் பயம். தெரிந்தவர்கள் யாராவது எதிரே வந்துவிட்டால், அவர்களைச் சந்திக்காமல் வேறு பாதை மாறிச் செல்லும் கோழைத்தனம். தெருவில் நடக்கும்போது யாராவது கேட்டுவிடுவார்களோ என்று தலைகுனிந்து கொண்டே செல்லும் அவமானம். பகலில் ஆயிரம் முகமூடிகளை மாட்டிக்கொண்டுவிட்டு, நள்ளிரவில் தூங்க முடியாமல் தலையணையை நனைக்கும் அமைதியான கண்ணீர். தன் குடும்பத்தின் முன் தன் பலவீனத்தை மறைக்கத் துடிக்கும் ஒருவனின் ஊமைத் தவிப்பு.

இவை அத்தனையும் அந்த ஒற்றைப் பொய்க்குள் அடங்கியிருக்கும். யாரிடமாவது கையேந்தும் நிலை வரும்போது நாம் பணத்தை மட்டும் இழப்பதில்லை; நம்முடைய சுயமரியாதையை, நம் மீதான நமக்கே உள்ள நம்பிக்கையைச் சேர்த்து அடகு வைக்கிறோம். நாளைக்கு தந்துடுறேன் என்று ஒவ்வொரு முறையும் ஒரு பொய்யை மீண்டும் சொல்ல நேரிடும் போது, நாமே நம்மைச் சிறிது சிறிதாக வெட்டிக் கொன்று கொண்டிருக்கிறோம் என்ற கோரமான உண்மை புரியும்.

பணத்தை எப்படியாவது புரட்டிட்டுக் கொடுத்துவிடலாம்; இழந்துவிட்ட அசலையும் வட்டியையும் சேர்த்து அடைத்துவிடலாம். ஆனால், அந்தத் தவிப்பு காலத்தில் பட்ட அவமானங்களையும், அந்தப் பொய்களைச் சொல்லும்போது நெஞ்சம் அடைத்துத் துடித்த அந்த வலியையும் எந்த நாணயத்தாலும் ஒருபோதும் மீட்டெடுக்கவே முடியாது!


இந்தப்  பதிவை  படித்த உங்களில் பலருக்கு இந்த வலி நிச்சயம் பரிச்சயமானதாக இருக்கும். ஆனால், யாருமே இதை வெளிப்படையாகப் பேசுவதில்லை.  அமைதியாக யோசித்துச் சொல்லுங்கள்... இந்த வலியில் இருந்து வெளியே வர உங்களுக்கு எது பலமாக இருந்தது? அப்படிப்பட்ட அனுபவங்கள் இருந்தால் தயங்காமல் கீழே பகிருங்கள் அல்லது வலைதளத்தில் பகிருங்கள்


அன்புடன்
மதுரைத்தமிழன்

நீங்கள் இந்த தளத்திற்கு புதியவராக இருக்கலாம்.. அதனால் இந்த மாதம் வெளிவந்த பதிவுகளுக்கான் லிங்க்ஸ் உங்கள் வசதிக்காக

ஐஐடி மேடையில் ஒலித்தால் வேதமா? கையில் ஜெபமாலை இருந்தால் பாசிசமா?  தேர்ந்தெடுக்கப்பட்ட மதச்சார்பின்மையின் முகம்!  https://avargal-unmaigal.blogspot.com/2026/08/selectivesecularism-iitconvocation.html


விஜய் Vs உதயநிதி சண்டையை விட்டுவிட்டு யோசியுங்கள்... சாமானியனின் உண்மையான வலி இதுதான்!  https://avargal-unmaigal.blogspot.com/2026/08/vs-tamilnadupolitics.html

தேவை முடிந்ததும் மாறும் முகங்கள்  https://avargal-unmaigal.blogspot.com/2026/08/thoughts-humannature-todayworld.html

ஜெபமாலை குற்றமெனில், அரசு அலுவலக பூஜை என்ன தத்துவம்?   https://avargal-unmaigal.blogspot.com/2026/08/secularism-jabamala-politicalhypocrisy.html 

எழுத்தாளர் சாரு நிவேதிதா தமிழக முதல்வர் விஜய்க்கு அனுப்பிய கடிதம்
https://avargal-unmaigal.blogspot.com/2026/08/charunivedita-thalapathyvijay-tvk.html

இன்றைய தலைவர்கள் மறந்து போன ஒன்று அரசியல் வெற்றியைவிட மனிதக் கண்ணியம் பெரிது
https://avargal-unmaigal.blogspot.com/2026/08/udhayanidhistalin-trisha.html

முப்பதுகளைத் கடந்த என் பிரியமானவளே/பிரியமானவர்களே
https://avargal-unmaigal.blogspot.com/2026/08/thirtyplus-liferealities.html


திமுக/அதிமுகவை மிஞ்சிய ஆன்மீக அரசியல் முதல்வரின் கண்ணிரும் ஆண்வனின் இரக்கமும்
https://avargal-unmaigal.blogspot.com/2026/08/politicalsatiretamil-tvk-vijaypolitics.html

#DebtStruggles #LifeReality #MentalStress #FinancialStress #MiddleClassStruggles #EmotionalPain #MentalAnxiety #HarshTruths #LifeQuotes #DailyStruggles #கடன் #வாழ்வியல் #கடன்சுமை #நடுத்தரவர்க்கம் #வாழ்க்கைதத்துவம் #சாமானியன் #மனஅழுத்தம் #உண்மைவரிகள் #மனுஷங்க #சமூகச்சிந்தனை #MaduraiThamizhan #அவர்கள்உண்மைகள் #AvargalUnmaigal