எதுக்கு வம்பு?

 எதுக்கு வம்பு?

இன்று வேலைக்குப் போகும் போது வழக்கமாக வீட்டிலிருந்து எடுத்துச் செல்லும் காபியை எடுத்துச் செல்ல  மறந்துவிட்டேன்.  அதனால் காலை  10 மணியளவில் வேலை செய்யும் இடத்திற்கு அருகில் உள்ள ட்ங்கின் டோனட் கடைக்குச் சென்று காபி வாங்க நுழைந்தேன். எனக்குப் பின்னால் நுழைந்த பெண் வெகு வேகமாகக் காபி ஆர்டர் செய்யும் இடத்திற்கு  வந்தாள். அவள் வந்த வேகத்தைப் பார்த்த நான், நீங்க முன்னால் போங்க என்று சொன்னேன்.

உடனே அவள் எனக்கு நன்றி சொன்னாள்.  பதிலுக்கு  நான் அது எல்லாம் தேவை இல்லை. எனக்கும் சேர்த்து  ஒரு காபியும் ஒரு டோனட்டும்  ஆர்டர் பண்ணி அதற்குப் பணம் கொடுத்துவிடுங்கள் என்று சொன்னேன்.
 
அதைக் கேட்ட அவள் களுக்கென்று சிரித்தாள்.. அதைப் பார்த்த நான் உடனே டோனட் வேண்டாம் காபி மட்டும் போதும் என்றேன்.. உடனே அவள் ஏன் இப்ப டோனட் வேண்டாம் என்கிறீர்கள் என்றாள்.. நான் உடனே உங்களின்  சிரிப்பே மிகவும் ஸ்வீட்டாக இருக்கிறது அதனால் டோனட் வேண்டாம் என்றேன்

அதற்கு அவள் களுக் களுக் என்று மேலும் சிரித்தாள் உடனே காபியும் வேண்டாம் என்றேன்

அதற்கு ஏன் காபி வேண்டாம் எங்கீறீர்கள் என்றாள்.

நான் அதற்கு இவ்வளவு ஸ்வீட்டாக சிரிக்கும் உங்களைப் பார்த்தவுடன் காபியும் வேண்டாம் என்று தோன்றியது

உடனே அவள் மேலும் சிரித்தவாறு அப்படினால் ஒகே என்றாள்.

நாம் அதோடு விட்டுவிடுவோமா என்ன... நான் காபிதான் வேண்டாம் என்றேன் ஆனால் அதற்குப் பதிலாக இரவு டின்னருக்கு கூப்பிட்டு போங்கள் என்றேன்


அவள் வாய்விட்டுச் சிரித்துக் கொண்டு  யூ ஆர் வெரி ஸ்மார்ட் என்று சொல்லியவாறு,  உங்களுக்கு கேர்ள் பிரென்ட் உண்டா என்றாள். நான் எனக்கு கேர்ள் பிரென்ட் இல்லை என்றதும்.

வாவ் என்று சொல்லி  உங்கள் போன் நம்பர் என்ன என்று கேட்டாள். அதற்கு நான் எனக்குக் கல்யாணம் ஆகிவிட்டது என்று சிரித்துக் கொண்டே சொன்னேன்.

ஹேய் பொய் சொல்லாதே உனக்குக் கல்யாணம் ஆகவில்லை என்பதை நான் கண்டுபிடித்துவிட்டேன் உன் கையில் மோதிரம் இல்லை என்றாள்.

நான் உடனே எங்க ஊர் வழக்கப்படி நாங்கள் மோதிரம் எல்லாம் அணியமாட்டோம் என்று சொல்லி ஹேவ் எ நைஸ் டே என்று சொல்லி ஆளைவிட்டாள் போதும் என்று ஒடி வந்துட்டேன்.

இதை மாமியிடம் சொல்லிச் சிரிக்கலாம் என்றால் அது வம்பில் போய் முடிந்துவிடும் என்பதால் எதற்கு வம்பு என்று அமைதியாக இங்கு பதிவு எழுதிப் பகிர்ந்து கொள்கிறேன்.

மக்களே இதை மாமியிடம் சொல்லி பூரிக்கட்டைடை பறக்கவிட்டுவிடாதீர்கள்

டிஸ்கி : இப்ப இங்கு இரவு நேரம் அந்த பெண்ணிடம் போன் நம்பர் கொடுத்திருக்கலாமோ என்ற நப்பாசை மனதில் எழுகிறது.. ஹும்ம்ம்ம்



அன்புடன்
மதுரைத்தமிழன்