அமலாபாலின் அழகை ஆராதிக்க தெரியாதவர்கள் அவர் மீது வீண்பழி சுமத்தலாம்மா?

அமலாபாலின் அழகை ஆராதிக்க தெரியாதவர்கள் அவர் மீது வீண்பழி சுமத்தலாம்மா?

#அமலா பால் கார் வாங்க செய்திருக்கிற தப்பை ஆயிரக் கணக்கானவங்க செய்திருக்காங்க. செய்துகிட்டு இருக்காங்க.ஆனால் அமலா பால் மீது மட்டும் வழக்கு

இதில் இருந்து தப்பிக்க லாயரை நம்புவதைவிட மத்திய அரசை பாராட்டிவிட்டு ஹெச்.ராஜாவை சந்தித்தால் எல்லாம் சுமுகமாக முடிந்திடும்.... இந்த அறிவு அந்த புள்ளைக்கு இருக்குமா என்று தெரியவில்லையே.. இதை என் சார்பாக அவரிடம் யாரவது தெரிவித்துவிடுங்களேன்.

இந்தியாவின் வரி விதிப்பின் கொள்கை வித்தியாசமாக இருக்கு. காரை வாங்கும் இடத்தில் என்ன வரியோ அந்த வரியைதானே வசூலிக்க வேண்டும் அது இல்லாமல் காரை எங்கே ரிஜிஸ்டர் பண்ணுகிறமோ அந்த  இடத்தின் வரியை செலுத்த சொல்லுகிறார்கள். நல்ல வேளை பாண்டிச்ச்சேரில் சரக்கு சாப்பிடும் மற்ற மாநிலத்தார்கள் அவரவர் மாநில வரியைத்தான் கட்டணும் என்று சட்டம் போடவில்லை.  

சரி எதிர்காலத்தில் நீங்கள் இப்படி ஒரு காரை வாங்கி வரியை சேமிக்க வேண்டுமானல் பாண்டிச்சேரியில் ஒரு வீட்டை உங்கள் பெயரிலே  வாடகைக்கு ஒரு மாதம் முன்பே எடுத்துவிட்டு அதன் பின் அந்த வீட்டை ஆதாரமாக வைத்து காரை வாங்கிவிடுங்கள் என்ன வீட்டுவாடகை ஒரு 10000 ஆயிரமாக இருக்கும் ஆனால் அதனால் நாம் சேமிப்பது பல லட்சங்கள்..

இந்த மாதிரி வீடு வாங்குபவர்களுக்கு என்றே கார் டீலர்கள் சிறிய வீட்டை கட்டி வாடகைக்கு விடலாம். அதனால் அவர்களுக்கும் வருமானம் கிடைக்கும் ..

சரி அமலாபாலிற்கு இப்படி செய்யலாம் என்று சொன்ன அந்த அறிவாளி யார் அவரைத்தான் முதலில் உள்ளே பிடிச்சு போடனும். அப்படி ஐடியா சொல்லமல் இருந்திருந்தால் ஒழுங்கான வரி செலுத்தி இருப்பாரே. குற்றம் செய்பவரை அதை தூண்டிவிடுபவருக்குதானே தண்டனை தரவேண்டும்

டிஸ்கி : அமலாபால் உன்னை வரிக்கா டார்ச்சர் பண்ணினால் நாட்டைவிட்டு வெளியேறி இந்த மைச்சான் இருக்கிற ஊருக்கு வந்திடும்மா

கொசுறு:

என்னம்மோ ரஷ்யன் தமிழ்நாட்டுல வந்து பிச்சை எடுப்பதை பேசுறீங்களே. இங்கே அமெரிக்காவ்ல் தமிழன் வந்து பிச்சை எடுப்பதை யாரும் படம் எடுத்து போடமாட்டுறீங்க... உங்ளுக்கு தமிழன் என்றாலே இளக்காரமாக ஆகி போச்சு (அமெரிக்காவில் தமிழன் பிச்சை எடுக்கிறானா நம்பமுடியவில்லை என்பவர்களுக்கு அந்த பிச்சைகாரன் நாந்தானப்பா இந்த ஆதாரம் போதுமா?)

அன்புடன்

மதுரைதமிழன்

கடவுளே அதிரா மற்றும் ஏஞ்சல் கண்ணுல இந்த பதிவு படாதவாறு பார்த்து கொள்ளப்பா? இல்லைன்னா அமலாபால் அழகை பார்த்து தேம்ஸ் நதியில் இரண்டு பேரும் குதிச்சுறுவாங்க