ஹெல்த்தியான மாலை நேர (பார்ட்டி) ஸ்நாக்- உருளைக்கிழங்கு லாலி பாப்

ஹெல்த்தியான மாலை நேர (பார்ட்டி) ஸ்நாக்- உருளைக்கிழங்கு லாலி பாப்

தேவையான பொருட்கள்:

4- உருளைக்கிழங்கு

2 - கேரட்

2-வெங்காயம்

6- பச்சைமிளகாய்

1-கட்டு கொத்தமல்லி இலை

1 பாக்கெட் ப்ரெட் தூள்

2- ஸ்பூன் மைதா

1- ஸ்பூன் எலுமிச்சை பழ ஜூஸ்

1-ஸ்பூன் இஞ்சி பேஸ்ட்

2-ஸ்பூன் வெள்ளை நிற எள்ளு

1-ஸ்பூன் மிளகாய் தூள்

உப்பு தேவையான் அளவு

எண்ணெய் தேவையான அலவு

உருளைக் கிழங்கை நன்கு வேக வைத்து அது ஆறிய பிறகு அதை தோல் நீக்கி நன்றாக மசித்து கொள்ளவும்

கேரட், வெங்காயம்,பச்சை மிளகாய், கொத்தமல்லி இலையை படத்தில் காட்டிய படி பொடிப் பொடியாக நறுக்கி வைத்து கொள்ளவும்.

இப்படி பொடிப் பொடியாக நறுக்கி வைத்த காய்களுடன் மசித்து வைத்த உருளைக்கிழங்கு, எள்ளு, எலுமிச்சம் பழ ஜூஸ், இஞ்சி, மிளகாய் தூள், உப்பு போன்ற அனைத்தையும் போட்டு தண்ணி விடாமல் கெட்டியாக பிசைந்து வைத்து கொள்ளவும்.

அதன் பின் ஒரு கப்பில்  மைதாவை சிறிது தண்ணீர் ஊற்றி கரைத்து வைத்து கொள்ளவும். அதன் அருகில் ப்ரெட் தூளை ஒரு தட்டில் நன்கு பரப்பி வைக்கவும்.

இப்போது பிசைந்து வைத்த வெஜிடபிள் கலவையை சிறிது சிறிது துண்டாக உருட்டி வைத்து கொள்ளவும் ( டயட்டில் உள்ளவர்கள் அதிக லாலிபாப் சாப்பிட வேண்டாம் ஒன்றே ஒன்று போதும் என்று நினைத்தால் மிக பெரிய உருண்டையாக உருட்டி கொள்ளவும்.. முக்கியமாக இது டயட்டில் இருக்கும் ஏஞ்சல் மற்றும் அதிராவிற்காக இந்த சிறு குறிப்பு )

இப்படி உருட்டி வைத்ததை கரைத்து வைத்த மைதாவில் முக்கி எடுத்து, அதை அருகில் இருக்கும் பிரெட் தூளில் புரட்டி எடுத்து அதை வடை சட்டியில் காயந்து கொண்டிருக்கும் எண்ணெய்யில் போட்டு பொறித்து எடுக்கவும்.

இப்படி பொறித்து எடுத்ததை சிறு குச்சியில் குத்தி எடுத்து வைத்தால் அதுதான் உருளைக்கிழங்கு லாலி பாப்

இதை மழைகாலங்களில் செய்து சாப்பிடலாம்.... இதற்கு தொட்டு கொள்ள கொத்தமல்லி சட்னி அல்லது மிண்ட் சட்னி, தக்காளி சாஸ் நன்றாக இருக்கும்.

சாப்பிட்ட பின் மழை தொடர்ந்தால் அந்த நேரத்தில் உங்கள் மனைவியை சற்று புகழ்ந்து அவள் செய்து தந்த இந்த ஸ்நாக்கை பாராட்டி தட்டி அணைத்து அதன் பின் .........(ச்சீ ச்சீ கண்டபடி கற்பனை செய்ய வேண்டாம் )

வேற என்ன விளக்கை அணைத்து தூங்கிவிடவும் அது இல்லாமல் சில்மிஷம் பண்ணினால் ஏற்படும் பின் விளைவுகளுக்கு  நான் பொறுப்பு அல்ல

அன்புடன்

மதுரைத்தமிழன்

டிஸ்கி : மைசூர் பாக் செய்வது எப்படி என்ற பதிவிற்கு 1800 க்கும் மேல் பார்வையாளர்கள் வந்து பார்த்து இருப்பதாலும் அரசியல் பதிவில் இருந்து சில நாட்கள் ஒதுங்கி இருக்க எண்ணியதால்  இந்த பதிவை வெளியிட்டு இருக்கிறேன்.. இது பார்த்து ரசிக்கமட்டுமல்ல சமைத்து ருசிக்கவும் செய்யுங்கள்

கொசுறு :

இந்த படத்தில் உள்ள பெண் யார் என்று சரியாக கண்டுபிடித்து அவர்   பெயரை சொல்லும் ஒருவருக்கு( பல பேர் சரியாக சொல்லி இருந்தால் குலுக்கல் முறையில் தேர்ந்தெடுக்கப்பட்டு ) அமெரிக்க வர அழைப்பு விடுவிக்கப்படும்