நிர்மலா சீத்தாராமன் பாதுகாப்பு அமைச்சராகியும் தமிழகத்தில் இருந்து ஒருவரும் அவரை வாழ்த்தி பாராட்டதது ஏன்?

நிர்மலா சீத்தாராமன் பாதுகாப்பு அமைச்சராகியும் தமிழகத்தில் இருந்து ஒருவரும் அவரை வாழ்த்தி பாராட்டதது
 ஏன்?

மத்திய அமைச்சரவை மாற்றத்தில், , மிகவும் எதிர்பார்க்கப்பட்ட ராணுவ அமைச்சர் பதவி, தமிழகத்தின் நிர்மலா சீதாராமனுக்கு வழங்கப்பட்டுள்ளது. இதன் மூலம், இந்திராவுக்கு பின், ராணுவ அமைச்சராகும் பெண் என்ற பெருமை அவருக்கு கிடைத்துள்ளது.அப்படிபட்ட பெருமை அவருக்கு கிடைத்த போதிலும் அவருக்கு பாராட்டுக்கள் ஒருவரும் சொல்லவில்லை ஏன் இந்த பதிவு எழுதும் வரை அவர் கட்சியை சார்ந்தவர்கள் கூட வாழ்த்து சொல்லவில்லை..அப்படி ஏன் சொல்லவில்லை என்று பார்த்து கொண்டிருந்த போது ஒரு முகநூல் பதிவு கண்ணில் தென்பட்டது. அந்த் ஒரு பதிவில்தான் நிர்மலா சீதாராமனின் ஊரை சேர்ந்தவர் அவருக்கு வாழ்த்து சொல்லி தமிழர்களை ஜாதி வெறியர்கள் என்று சொல்லி சென்று இருக்கிறார். இங்கு அவர் முகனூலில் பகிர்ந்த பதிவை கிழே தந்து அதற்கு என் மனதில் பட்ட கருத்துக்களை சிவப்பு எழுத்தில் சொல்லி இருக்கிறேன். அவர் சொன்ன கருத்துகள் கருப்பு எழுத்தில் உள்ளவை...

இதை படித்து உங்களுக்கு மனதில் ஏதாவது தோன்றினால் அதை கிழே பதிவு செய்யுங்கள் நன்றி

தமிழ் நாட்டில் ஜாதி வெறியோ துவேஷமோ இல்லை. தமிழர்கள் அந்தச் சாக்கடையை விட்டெல்லாம் வெளியே வந்து விட்டார்கள் என்று நான் மிகவும் பெருமையாக நினைத்துக்கொண்டிருந்தேன் இன்று வரை. ஆனால் தமிழனின் ரத்தத்தில் ஜாதி வெறி எவ்வளவு தூரம் புரையோடிப்போயிருக்கிறதென்று இன்றுதான் அறிந்து கொண்டேன்.

///நிச்சயம் இதை எழுதியவர் கோமாவில் இருந்துதான் மீண்டு வெளி வந்திருக்க வேண்டும்//

தமிழ் நாட்டைச் சேர்ந்த ஒரு பெண், மதுரைக்காரப் பெண் திருச்சி சீதாலட்சுமி ராமசாமி மகளிர் கல்லூரியில் படித்த நம்ம ஊர்ப் பெண் முதல் முறையாக இந்திய அரசின் பாதுகாப்பு அமைச்சராக ஆகியிருக்கிறார். இதற்கு முன்பு எந்த ஒரு தமிழருக்கும் கிடைக்காத கெளரவம் இது. கேபினட் அமைச்சர்களில் நான்காவது இடம் இது உள்துறை, நிதி, வெளியுறவுத் துறை, பாதுகாப்பு என பிரதமருக்கு அடுத்த படியாக நான்காவது இடத்தில் வைத்து மதிக்கப்படும் மத்திய அமைச்சரவைப் பதவி.

ஆனால் முகநூலில் ஒரு வாழ்த்துச் செய்தியில்லை வரவேற்று ஒரு பதிவில்லை.

///மிக மிக உண்மை தமிழர் மாற்றுகட்சியை சேர்ந்தராக இருந்தாலும் தமிழராக இருப்பதால் சில பேராவது வாழ்த்து சொல்லி இருப்பார்கள்  என்று பார்த்தால் ஒருவரும் வாழ்த்து சொல்லவில்லை ஏன் தமிழகத்தில் வாழும் பாஜக தலைவர்கள் மற்றும் தொண்டர்கள் கூட வாழ்த்து சொன்னதாக ஒரு சிறு செய்தி கூட என் கண்ணில் இந்த பதிவு எழுதும் வரை படவே இல்லை.//

ஏன் என்று யோசித்துப் பார்த்தேன்.

அவர் பிராமணப் பெண் என்பதால் ஏற்பட்ட துவேஷமா?

///நிச்சயம் இல்லை.....பிராமணர் ஒருவர்தான் கடந்த ஆண்டு இறுதிவரை அதாவது சாகும் வரை தமிழக முதல்வராக இருந்து ஆட்சி செய்து வந்தார் அதுமட்டுமல்லாமல் அனைவரி பாராட்டுதலை பெற்றும் ஆட்சி புரிந்துதான் வந்து இருக்கிறார் அனிதாவின் மரணத்தின் போது கூட ஜெயலலிதா என்ற தைரியமான பிராமணப் பெண் இருந்திருந்தால் நீட்டுக்கு தமிழகத்தில் இடம் இருந்திருக்காது என்றுதான் நடுநிலையாளர்கள் பேசி கொண்டிருக்கிறார்கள் அதனால் நல்லது செய்தால் பிராமனர் என்ற துவேஷம் இங்கு தமிழகத்தில் இல்லை///

இல்லை பாஜக மீதுள்ள துவேஷத்தால் அவரை வாழ்த்தி யாரும் பதிவு போடவில்லையா?

//பாஜக மீது மக்களுக்கு துவேஷம் நிச்சயம் இல்லை///

என்ன காரணம்?

//நிச்சயம் மோடியும் அமித்ஷாவும்தான் காரணம் இந்த அயோக்கியர்களால் ஒரு பெண் தேர்தெடுக்கப்பட்டு பதவி வகிக்கும் போது அந்த பெண்ணின் குணமும் இங்கே சந்தேகத்திற்குரியதாக ஆவதால் அவருக்கு சிறிதளவு பாராட்டுக் கூட இல்லை.ஒரு வேளை பிரதமர் வாஜ்பாயாக இருந்து அவர் தேர்ந்தெடுத்து இருந்தால் நிச்சயம் பாராட்டு மற்றும் வாழ்த்து மழையில் நனைந்து இருப்பார் என்பது நிச்சயம்

பாஜக கட்சியில் இல்லாமல் தனியாக நின்று இருந்தாலும் பொன்.இராதா அவர் தொகுதியில் எளிதாக ஜெயித்து வரக் கூடியவர் அதுமட்டுமல்ல அந்த தொகுதிக்கு நல்லதும் செய்து இருக்கிறார் அவருக்கு துணை அமைச்சர் பதவிதான் கொடுத்து கெளரவித்திருக்கிரது ஆனால் அதே நேரத்தில் எந்த வித தேர்தலிலும் நிக்காமல் இவர் தமிழாரா என்று கூட தமிழக மக்களுக்கு கொஞ்சம் கூட தெரியாதவர் ஏன் அறிமுகம் கூடாத ஒருவருக்கு நாட்டின் நான்காவது பெரிய அமைச்சர் பதவி கிடைடித்திருக்கிறது என்றால் அது அவருக்கு எப்படி கிடைத்திருக்கிறது  எதற்காக கிடைத்திருக்கிறது என்ற கேள்வியெல்லாம் எழுகிறது அப்படி ஒரு சந்தேகம் எழுவதால்தான் ஒருவரும் அவருக்கு வாழ்த்து தெரிவிக்கவில்லை.//

தமிழன் எப்போது இவ்வளவு கேவலமான ஜாதிய உணர்வுக்கும் துவேஷத்துக்கும் அடிமையாகிப் போனான்?

என்ன கேவலமான மனோபாவம் இது?

////தமிழன் தகுதியான ஒருவருக்கு பதவி கிடைத்திருந்தால் தலை வணங்கி வாழ்த்து தெரிவித்து இருப்பான் ஆனால் அவனை பொருத்தவரை நிர்மலா சீதாராமன் அந்த பதவிக்கு தகுதி இல்லாதவராகவே காட்சி அளிக்கிறார் தமிழர் மீது ஜெயலலிதா விற்கு இருந்த பற்றுக் கூட இவருக்கு துளி அளவும் கிடையாது . தகுதியாவனர்களுக்கு  உரிய  மரியாதையை தமிழர்கள் என்றும் தருவர்கள்.//

எது எப்படியாகினும் பரவாயில்லை. யார் வாழ்த்தினாலும் வாழ்த்தா விட்டாலும் பரவாயில்லை.

எங்க ஊர்ப் பொண்ணு அமைச்சராகியிருக்கிறார்.

///அவர் எங்கள் ஊர் பொண்ணுதான்///

வாழ்த்துக்கள் மேடம்.

//அவருக்கு வாழ்த்துக்கள் இப்போது சொல்ல விரும்பவில்லை... ஆனால் உயர்ந்த பதவியை பெற்ற அவர் நிச்சயம் தமிழகத்திற்கு உண்மையாகவே நல்லது செய்தார் என்ற செய்தி மட்டும்  என் காதில் விழுந்தால் நிச்சயம் அவரை வணங்கி வாழ்த்துவேன்///

மூன்றே ஆண்டுகளுக்குள் கேபினட் அமைச்சராகியிருக்கிறீர்கள். அதுவும் நான்காவது இடத்தில்

//மதுரையில் பிறந்தவர் நிர்மலா சீதாராமன், 58. திருச்சி சீதாலட்சுமி கல்லுாரியில் பி.ஏ., படித் தார், டில்லி ஜவஹர்லால் நேரு பல் கலையில் எம்.ஏ., (பொருளாதாரம்) பயின்றார். பா.ஜ., செய்தித் தொடர்பாளராக இருந்தார். 2014ல் வர்த்தகத் துறை இணை அமைச்சரானார்.

தமிழராக இருந்தாலும் தமிழகத்தில் சிறிதும் செல்வாக்கு இல்லாததால் 2016ல் கர்நாடகாவில் இருந்து ராஜ்யசபா எம்.பி. ஆனார். தற்போது பாதுகாப்புத்துறை அமைச்சராக நியமிக்கப்பட்டுள்ளார். இதன் மூலம் இந்தியாவின் முதல் பெண் பாதுகாப்பு அமைச்சர் என்ற பெருமையை பெற்றார். இந்த துறையை மறைந்த பிரதமர் இந்திரா கூடுதல் பொறுப்பாக மட்டுமே கவனித்தார்.

அன்புடன்

மதுரைத்தமிழன்