தமிழ்மண வோட்டுகளும் இல்லை கருத்துகளும் அதிகம் இல்லை ஆனாலும் அதிகபார்வையாளர்கள் வருகின்றார்கள் அது எப்படி?

 தமிழ்மண வோட்டுகளும் இல்லை கருத்துகளும் அதிகம் இல்லை ஆனாலும் அதிகபார்வையாளர்கள் வருகின்றார்கள் அது எப்படி?

நான் நேற்று இட்ட பதிவிற்கு பின் என் தளத்திற்கு  வந்த பார்வையாளர்களின் எண்ணிக்கை 9272 அதில் 6499 நிர்மலா சீதாராமன் பற்றிய பதிவிற்கும் என் குழந்தை எனக்கு கற்று கொடுத்த பாடப் பதிவிற்கு  1772 பார்வையாளர்களும்  மற்றைய பதிவுகளுக்கு 1001 பார்வையாளர்களும் வந்து இருக்கின்றனர்.. அதுமட்டுமல்லாமல் கடந்த  சில மாதங்களாக பதிவுகள் அதிகம் இட நேரமில்லை ஆனாலும் அந்த மாதத்தில் வந்த பார்வையாளர்களின் எண்ணிக்கை  48585 என்று கூகுல் ப்ளாக் ஸ்டேடஸ் சொல்லுகிறது. இவ்வளவிற்கும் நான் ஒன்றும் பிரபலமான பதிவர் இல்லை.

இப்படிபட்ட எனக்கே இவ்வளவு பேர்கள் வருகிறார்கள் என்றால் பிரபல பதிவர்களுக்கு லட்சத்திற்கு மேலும்  வருவார்கள் அல்லவா?

இப்ப சொல்லுங்க பேஸ்புக் வந்த பின் வலைத்தளம் காத்தாடுகிறதா என்ன? சில பேர் காத்தாடுகிறது என்று சொல்லுவார்கள்அப்படி யாரும் சொன்னா நம்பாதீங்க. இங்கே வருபவர்களின் எண்ணிக்கை அதிகமாகவே இருக்கிறது ஆனால் என்ன பேஸ்புக் மாதிரி இங்கே லைக்பட்டன் இல்லாததால் லைக்குகளை பார்க்கமுடிவதில்லை ஆனால் இங்கே வருபவர்களின் எண்ணிக்கைதான் நமக்கு லைக் பட்டன் என்பதை புரிந்து கொண்டு தொடர்ந்து எழுதுங்கள்

நேற்று நான் இட்ட பதிவிற்கு  702 லைக்குகளும்  79 பேர் ஷேரும்  247 கருத்துக்களும் இட்டுள்ளர். ஆனால் இவர்களில் யாரும் என் பேஸ்புக் கணக்கை தொடராதவர்கள் ...ஆனால் இவர்கள் எல்லாம் ஒரு குழுவில் இணைந்து இருப்பவர்கள்... எனது பேஸ்புக்கில் 1700 க்கும் மேற்பட்டவர்களே நண்பர்களாக இருக்கிறார்கள் அவர்களிடம் இருந்து வரும் லைக்குகள் மிக சொற்பமே ஆனால் என்ன அவர்களில் அதிகம் மாணவர் என் பதிவை வந்து படித்து செல்கிறார்கள்.... சுமராக எழுது எனக்கே இவ்வளவு பேர் வருகிறார்கள் என்றால்  நன்றாக எழுதும் உங்களுக்கு நிச்சயம் அதிகம் பேர் வருவார்கள் .

வலைத்தளம்தான் உங்கள் எண்ணங்களை எழுத்துகளை மெருகூட்டி உங்களை நாலுபேற் அறியச்  செய்கிறது..

அதனால் சொல்லுகிறேன் பதிவர்களே சோர்ந்துவிட வேண்டாம் தொடர்ந்து எழுதுங்கள்

அன்புடன்

மதுரைத்தமிழன்