கருத்து கணிப்பும் இணையத்தில் கேலிக்குரியாகும் திமுக கட்சியும்

கலைஞர் வந்தால் வரவேற்பேன்! ஸ்டாலின் பரபரப்புப் பேட்டி: 
     

தன்னை முதல்வர் வேட்பாளராக ஏற்றுக் கொண்டால் மட்டுமே கலைஞருடன் கூட்டணி என்று ஸ்டாலின் அறிவிப்பு. 

லயோலா கல்லூரியின் கருத்துக்கணிப்பு முடிவுகளுக்கு அப்புறம் திமுக, கலைஞர் திமுக, ஸ்டாலின் திமுக என்று இரண்டாகப் பிளவுபட்டு இருக்கிறது. அதில் ஸ்டாலின் திமுக முன்னணியில் இருப்பதால், ஸ்டாலின் தன்னை முதல்வர் வேட்பாளராக ஏற்றுக் கொண்டால் மட்டுமே கலைஞருடன் கூட்டணி என்று ஸ்டாலின் அறிவித்திருக்கிறார். இதனால் கலைஞர் திமுக அதிருப்தி அடைந்து அவசர அவசரமாகக் கூட்டம் கூட்டிப் பேசியிருக்கிறது. பேச்சின் முடிவில் கலைஞர் திமுக, கனிமொழி திமுகவுடனும் அழகிரி திமுகவுடனும் பேசிவிட்டு அதன் பின் முடிவுகளை அறிவிப்பதாகத் தகவல்கள் வெளிவந்திருக்கின்றன. 


லயோலா கல்லூரியின் கருத்துக்கணிப்பு முடிவுகள் மூலம் திமுக, கலைஞர் திமுக, ஸ்டாலின் திமுக என்று இரண்டாகப் பிளவுபட்டு இருக்கிறது என்றும், அதில் ஸ்டாலின் திமுகதான் முன்னணியில் இருக்கிறது என்றும் அறியப்படுகிறது...


கருத்துக்கணிப்பிலே ஸ்டாலினுடன் தோற்றுப் போன கலைஞர் இனிமேல் ஜெயலலிதாவை எதிர்த்து ஜெயிக்க முடியாதுதானே? 


ஸ்டாலின் முதல்வர் வேட்பாளராக அறிவிக்கப்பட்டால் கலைஞர் ஆதரவாளர்கள் கூடவே இருந்து குழி பறிப்பார்கள். ஏனென்றால் ஸ்டாலின் ஜெயித்து வந்தால் கலைஞர் ஆதரவாளர்கள் ஓரங்கட்டப்படுவார்கள் என்பதால்தான். #மீ பாவம் ஸ்டாலின்


 ஸ்டாலின் தேர்தலுக்கு முன்பு கட்சியின் தலைமைப் பதவியை வெல்லட்டும். அதன்பின் முதல்வர் பதவிக்குப் போட்டியிடலாம். பத்தாவதே பாஸாகப் பல முறை முயற்சியாம். ஆனால் ப்ளஸ் டூவில் தமிழகத்தில் முதலிடம் பெற்றுவிடுவேன் என்று சவால் விடுவது மாதிரிதான் இருக்கிறது. 


நடந்து சென்று வீல் சேரில் செல்லும் தலைவரை வெற்றி பெற்று சாதனை செய்த தளபதிக்கு நாம் வாழ்த்து சொல்வோம். 


தனித்துப் போட்டியிட தி.மு.க. தயார்.... - செய்தி 
தனித்துவிடப்பட்டால் தனித்துத்தானே போட்டியிட வேண்டும்? 

தனித்துப் போட்டியிட தி.மு.க. தயார்.... - செய்தி 

என்னது...... காங்கிரஸும் தி.மு.க.வை விட்டு கழன்றுகொண்டு போயிடுச்சா? 

அன்புடன் 
மதுரைத்தமிழன்