ஜெயலலிதா மனசு வைச்சா?

ஜெயலலிதா மனசு வைச்சா?

ஜெயலலிதா அவர்கள் மனசு வைச்சால் தமிழக குடிமக்களுக்கு இந்த வசதியை  பண்ணிதரமுடியும். இதை பண்ணுவதால் அரசாங்கத்திற்கு செலவு ஏதும் இல்லை. ஆனால் அதற்கு பதிலாக அரசாங்கத்திற்கு இன்னும் அதிக வருமானம்தான்.அப்படி ஒரு திட்டம் நம்ம ஜோதிஜியின்  பதிவை படித்ததும் அதில் அவர் வெளியிட்ட புகைப்படத்தை பார்த்ததும் என் மனதில் உதித்தது அதை சொல்லவிட்டால் எனது மண்டை வெடித்துவிடும் போல இருந்ததால் இந்த அவசரப் பதிவு..

இந்த மாதிரி நல்ல ஐடியா மதுரைத்தமிழனுக்கு மட்டுமே வரும் என்று நீங்கள் பாரட்டுவது எனக்கு தெரியும்...

அது யாருப்பா அது என்ன ஐடியா சொல்லி தொலைடா மதுரைத்தமிழா என்று சத்தம் போடுவது காதில் விழுகிறது..

அவரசப்படாதீங்க சொல்லுறேன்.. சொல்லுறேன்..  ஆனா சொல்லுறதுக்கு முன்னால் ஒரு கேள்வி?

உங்களில் எத்தனை பேர் கோவிலுக்கு சென்று இருக்கிறீர்கள்? அப்படி நீங்கள் சென்று இருந்தால் கடவுளை காண கூட்டத்தில் மாட்டாமல் இருக்க ஸ்பெஷல் தரிசன வழியில் சென்று இருப்பிர்கள் அதற்கு நீங்கள் சற்று அதிக கட்டணம் செலுத்தி இருப்பீர்கள் அல்லவா? அது போல பஸ், ரயில்,விமானத்தில் பயணம் செல்வதாக இருந்தால் கூட்டத்தில் மாட்டாமல் சொகுசா பயணம் செய்ய சற்று அதிக பணம் கொடுத்து ஸ்பெஷல் வரிசையிலும் செல்வீர்கள்தானே. இந்த வசதியை எத்தனை பேர் பெற்று மகிழ்ந்திருக்கிறீர்கள்

இப்படி கூட்டம் அதிக வரும் இடங்களில் எல்லாம் நம் அரசாங்கம் மக்களுக்கு இந்த வசதியை செய்து கொடுத்திருக்கிறதே. அப்படியானால் மக்கள் அதிகம் கூட்டம் வரும் இந்த இடத்திற்கும் ஸ்பெஷல் கட்டண வசதியை செய்து கொடுக்கலாமே நம் தமிழக அரசு. இப்படி செய்து கொடுப்பதால் நாம் மற்ற மாநிலங்களுக்கு முன் மாதிரியாக திகழலாமே

என் பதிவுகளை படித்து வருபவர்களுக்கு இப்ப அது எந்த இடம் என்று புரிந்து இருக்குமே...

அப்படி புரியாதவர்களுக்கு அது எந்த இடம் என்று சொல்லிவிடுகிறேன்.

அது வேறு எந்த இடமும் காலையில் எழுந்ததும் நம் தமிழக 'குடி' மக்கள் போகும் டாஸ்மாக் ஒயின் ஷாப்தானுங்க

என்னங்க அங்க இந்த வசதியை தமிழக அரசாங்கம் பண்ணி தரலாமே. "தங்களை அழித்து தமிழகத்தையே காப்பாற்றும்" இந்த குடிமக்களுக்காக இந்த அரசாங்கம் கண்டிப்பாக செய்து தர வேண்டும்

அன்புடன்

மதுரைத்தமிழன்