லூசு பசங்களா இந்த தமிழ் திரைப்பட துறையினர்? தமிழ்நாட்டை பார்த்து இந்தியவே சிரிக்கிறது

லூசு பசங்களா இந்த தமிழ் திரைப்பட துறையினர்? தமிழ்நாட்டை பார்த்து இந்தியவே சிரிக்கிறது

தமிழக முன்னாள் முதல்வர் ஜெயலலிதாவுக்கு வழங்கப்பட்ட தீர்ப்பு குறித்து எங்களது தமிழ்த் திரையுலகின் வருத்தத்தையும், உணர்வுகளையும் தெரிவிக்கும் வகையில், அறவழியில் ஒரு மாபெரும் மவுன உண்ணாவிரதப் போராட்டத்தை அனைத்து தமிழ்த் திரையுலகின் சார்பாக, சென்னை சேப்பாக்கம் அரசு விருந்தினர் மாளிகையின் முன்பு நாளை (செவ்வாய்க்கிழமை) காலை 9 மணி முதல் மாலை 5 மணி வரை நடத்தவுள்ளோம்.

இந்த செய்தியை படித்ததும் இந்த லூசு பசங்களை நினைத்து சிரிப்பதா அழுவதா என்று தெரியவில்லை. நீதிமன்றத் தீர்ப்பைக் கண்டித்து மவுன உண்ணாவிரதம் இருப்பது எவ்வளவு மடமை. தீர்ப்பு தவறு என்று கருதினால், சட்டப்படி மேல்முறையீடு செய்வதைத் தவிர வேறு நியாயமான வழியே இல்லை. இது கூட அறியாத லூசுங்களா இந்த திரைப்பட துறையினர்.

நான் ஜெயலலிதாவின் தீவிர தொண்டனும் அல்ல அதிமுக மற்றும் எந்த கட்சிகளின் தொண்டனும் அல்ல. ஆனாலும் சில காரணங்களால் எனக்கு ஜெயலலிதாவின் மீது ஒரு மதிப்பு உண்டு. இப்படி நான் இருந்த போதிலும் ஜெயலலிதா மற்றும் பல தலைவர்களை பாராட்ட வேண்டிய சமயத்தில் பாராட்டியும் தவறு செய்யும் போது அதை கிண்டலடித்தும் கலாயத்தும் நகைச்சுவையாக சுட்டிக் காட்டி பதிவு எழுதுவது உண்டு ஆனால் எந்த ஒரு தருணத்திலும் யாருக்கும் ஜால்ரா போடுவது கிடையாது.

அப்படி இருக்கும் எனக்குமே ஜெயலலிதாவின் சிறை வாசம் என் மனதை பாதித்தது. அதன் விளைவாகவே  தண்டனை தலைவர்களுக்கு அல்ல அவர்களை தலைவானக நினைக்கும் தொண்டர்களுக்கே என்று பதிவை வெளியிட்டு எனது கருத்தை சொன்னேன். அதுதான் முறை

ஆனால் இந்த திரைப்பட துறையினரோ இந்திய சட்டத்தை, நீதியை அவமதிப்பு செய்வதாகவே எனக்கு தோண்றுகிறது. ஒரு வேளை தவறான நீதி கொடுக்கப்பட்டு இருந்தால் எல்லோரும் ஒன்று திரண்டு ஜனாதிபதியிடம் முறையிட்டு சட்ட பூர்வமாக மறுபரிசிலனை செய்ய சொல்லாம். ஆனால் அதை விட்டுவிட்டு நீதியை எதிர்ப்பது மிக தவறான செயலாகும். மிக பெரிய தவறை செய்கிறார்கள் சினிமாகாரர்கள் இவர்கள் செய்வதை பார்த்தால் இனி இந்தியாவிற்கு சட்டம் தேவை இல்லை போலும் .

இந்த கொடுமை வேற எந்த நாட்லேயும் நடக்காது அவங்க என்ன தியாகம் செஞ்சிட்டா சிறை சென்று இருக்காங்க? இல்ல பொய் வழக்குல கைது செஞ்சிருக்காங்களா? அடப் பாவிகளா!தப்பு செய்தால் தண்டனை கிடைக்கும் ஆனா சினிமாவுல மட்டும் நல்லவங்களா நடிக்கிறீங்க உங்கள நம்பி ஓட்டு போட்ட மக்கள் பணத்தை கொள்ளை அடிக்கிரீங்க அப்படி கொள்ளை அடிச்சு மாட்டினால் நீங்க உண்ணாவிரதம் இருக்கேறீங்க எந்த ஊரு நியாயமய்யா இது

தனி தனியாக கருத்து சொல்லாத பேடிகளான இந்த திரை உலக பிரபலங்கள் ஒன்று கூடி கோஷ்டி கானம்பாடுகிறார்கள். வழக்கமாக அவர்களை பாதிக்கும் விஷயங்களுக்கு மட்டும் உண்ணாவிரத போராட்டம் இருந்து தங்களது கருத்துக்களை சொல்லும் ஹீரோக்கள் இந்த முறை நாம் சட்டப் பிடியில் ஒரு வேளை சிக்கி கொள்வோம் என்று பயந்து மவுன உண்ணாவிரதப் போராட்டத்தை மேற் கொள்கின்றனர்

இந்த திரைபட துறையினர் பசி கொடுமையால் ஏதையாவது திருடி தின்றுவிட்டு அதனால் காவல்துறையில் சிக்கி நீதிமன்றத்தால் தண்டிக்கப்படும் போது ஒரு ஏழைக்கு ஆதரவாக யாராவது குரல் கொடுத்ததுண்டா என்ன?

அந்த ஏழையினால் திரைப்பட துறையினருக்கு ஆதாயம் ஏதுமில்லை அதனால் அவனை அவர்கள் கண்டு கொள்ளவே மாட்டார்கள்.திரைப்பட துறையினரின் நீதீ இப்படிதான் நம்மை சிரிக்க வைக்கிறது

அரசியல்வாதிகள் போராடுகிறார்கள்.... திரைப்பட துறையினர் ஜால்ரா நாடகம் போடுகிறார்கள் ஆனால்

மக்கள் அமைதியாக வேடிக்கை பார்க்கிறார்கள்... ஆனா; முடிவோ காலத்தின் கையில்............

அன்புடன்

மதுரைத்தமிழன்

லூசு பசங்களா இந்த தமிழ் திரைப்பட துறையினர்? தமிழ்நாட்டை பார்த்து இந்தியவே சிரிக்கிறது