சில கேள்விகள் & சிந்தனைகள் இங்கு கிறுக்கல்களாக

 

சில கேள்விகள் & சிந்தனைகள் இங்கு கிறுக்கல்களாக

சாக்கடையில் இறங்கி வேலை பார்ப்பவர்களை காணும் போது இழிவாக முகம் சுழித்து செல்லும் சென்னை மேல் மட்ட வர்க்கத்தினர் சென்னையில் விடாது மழை பெய்யும் போது ரோட்டில் நடக்காமல் பறந்துதான் செல்வார்களா என்ன?

கமல்ஹாசன் , ரஜினிகாந்த் போன்றவர்கள் நாட்டுக்கு நல்ல விஷயங்களை கற்று தரும் தலைவர்கள் அதனால்தான் அவர்களுக்கு ரசிகர்கள் அதிகமோ?

காங்கிரஸ் ஆட்சியில் இந்தியாவில் சட்டம் ஒழுங்கு சரி இல்லையாம் அதனால்தான் இந்திய மக்கள் சட்டத்தை மதித்து நடப்பது முட்டாள் தனமான காரியம் என்று அதை மதிக்காமல் செல்லுகிறார்களோ?

இந்தியாவின்  சுந்திரத்திற்கு முன்   வெள்ளையர்கள் நம் நாட்டை கொள்ளை அடித்து அவனது நாட்டில் செல்வத்தை சேர்த்து வைத்தார்கள் சுந்திரத்திற்கு பின் அரசியல் தலைவர்கள் நம் நாட்டை கொள்ளை அடித்து அந்நிய நாட்டில் செல்வத்தை சேர்த்து வைக்கிறார்கள்

இந்திய நாட்டை அயல்நாட்டவர்களுக்கு அடகு வைக்க இந்திய அரசியல் தலைவர்கள் தரும் கைக்கூலிதான் ஒட்டுக்கு தரும் இலவசம்

பலவகை உணவுகளை பசியோடு பரிமாறுபவள் வேலைக்காரி அந்த  பலவகை உணவுகளை பசியில்லாமல் சாபிடுபவள் வீட்டுக்காரி

மற்றவர்கள் படும் கஷ்டத்தை பார்த்து எழுதுபவன் கவிஞனாகும் போது அந்த கஷ்டங்களை பார்த்து உதவும் மனிதன் மகாத்மா ஆவதும் இயல்புதானே

அடுத்தவன் கதைகளை திருடி படம் எடுக்கும் தமிழ் இயக்குனர்களுக்கு உள்ள கவலை தன் படம் திருட்டு விசிடியாக போகுமோ என்றுதான்

எப்போதும் உயரத்திலேயே இருப்பதற்கான ஒரு சிறந்த வழி &  மிகவும் எளிதான வழி மிக உயர்ந்த பில்டிங்கில் டாப் மாடியில் குடியிருப்பதும் & வேலை செய்வதால் மட்டுமே முடியும்

அன்புடன்

மதுரைதமிழன்