தளபதியும் அவுரங்கசிப்பும் ஒண்ணா ?

தளபதியும் அவுரங்கசிப்பும் ஒண்ணா ?

நான் ஒரு பதிவர் எழுதிய சொல்லுறத்தை சொல்லிப்புடேன் என்ற பதிவைப் படித்தேன். மிக நல்ல பதிவு. அதில் அவர் காத்திருப்பதன் அவசியத்தை மிக அழகாகச் சொல்லி இருந்தார். அதைப் படித்த போது அதில் ஒரு பாராவில்

//ஒன்றை நல்லதாக அடைய வேண்டுமென்றால் காத்திருக்கணும் தப்பில்லை அவசரப்பட்டு ஒரு முடிவெடுப்பதை விடக் காத்திருப்பது மேலானதென்று நான் நினைகிறேன் அவசரத்தில் செய்யும் காரியம் அலங்கோலம் ஆகும் என்று நம்ம பெரியவங்க சொல்லி இருகாங்க

அதுக்கு உதாரணமா நம் அவுரங்கசீப்பை எடுத்துகோங்க அப்பா ஷாஜகானிடமிருந்து நாட்டை பிடுங்கி அப்பாவையும் சிறையில் அடைத்து அண்ணனையும் கொன்றுவிட்டு அவசரமா அரியணை ஏறியதால் இன்றுவரை அவன் பழிக்க படுகிறான் சரித்திரத்தில்// என்று சொல்லி இருந்தார்

அதைப்படித்தவுடன் தளபதி உடனே என் மனதில் தோன்றினார், அவரை அவுரங்கசீப் இடத்தில் சற்று பொருத்தி பார்த்தேன் அவ்வளவுதாங்க...சொல்லுறதை சொல்லிப்புடேன். சரித்திரம் திரும்புகிறமாதிரி என் மனதில் பட்டது எனக்கென்னவோ தளபதி அவசரப்படுகிற மாதிரி தோன்றுகிறது....

  

ஓடுமீன் ஓட உருமீன் வருமளவும்

வாடியிருக்குமாம் கொக்கு”

ஓடுமீன் ஓட என்றால் எத்தனையோ மீன்கள் ஓடிக்கொண்டிருக்க அவற்றைக் கொத்தாமல் ஏன் காத்திருக்கிறது கொக்கு? உறு மீன் வருமளவும் காத்திருக்கும். ஆமாம், அந்தக் கொக்கின் வயிறு நிரம்பும் அளவுக்குக் கொழுத்த மீன் வரும் வரையில் அந்தக் கொக்கு காத்திருக்கும்

.அது போலத்தான் நாமும் நமக்குத் தேவையான, தகுதியான வாய்ப்பு  வரும் வரையில் காத்திருக்கத்தான் வேண்டும்.

காத்திருப்பாரா தளபதி????? காலம்தான் அதற்குப் பதில் சொல்லும்

அன்புடன்

மதுரைத்தமிழன்

யாருடைய மனதைக் காயப்படுத்த இந்த பதிவு எழுதப்படவில்லை மனதில் பட்டதைச் சொல்லி இருக்கிறேன் அவ்வளவுதாங்க