இப்படித்தான் குடும்பங்களில் சண்டை ஆரம்பிக்கிறது....

இப்படித்தான் குடும்பங்களில் சண்டை ஆரம்பிக்கிறது....

ஒருத்தன் தன் வீட்டிற்கு மிகவும் லேட்டாக வந்தான். அவனுக்கு நிச்சயம் தெரியும்  என்னதான் அவன் கதவை தட்டினாலும் அவன் மனைவி திறக்க மாட்டாள் என்று அதனால் ஒரு தந்திரம் செய்தான். அவளுக்காக அவன் ஒரு லேப்டாப் வாங்கி வந்திருப்பதாக நடிக்க முடிவு செய்தான். அதன்பின் கதவை தட்டினான்.

அப்போது அவன் மனைவி யார் அது என்று கேட்டாள்.

அதற்கு அவன் அழகான ஸ்மார்ட்டான பெண்ணுக்கு லேப்டாப்  கொண்டு வந்திருப்பதாக சொன்னான்.

மனைவி கதவை திறந்து விட்டு அவன் கையை பார்த்து எங்கே அந்த லேப்டாப் என்று கேட்டாள்.

அதற்கு அவன் கேட்டான் எங்கே அந்த அழகான ஸ்மார்ட்டான பெண் என்று கேட்டான்.

அவ்வளவுதாங்க அவன் சொன்னான்...

அதன் பின் என்ன நடந்திருக்கும் என்று என்னிடம் கேட்கிறீர்களா?

புரியாதவர்கள் பதிவின் தலைப்பை மீண்டும் படிக்கவும்.

மேலே சொன்ன விஷயம் நடந்து  ஒரு மாதம் ஆனா பின் அவர்கள் வாழ்க்கை மீண்டும் சந்தோஷமாக இருந்து வந்தது. அப்படி இருக்கையில் ஒரு நாள் அந்த பெண்ணின் கணவன் ஒரு நாள் மிக சீக்கிரமாக வந்து கதவை தட்டினான்.

கதவை திறந்த அவன் மனைவி  அவனிடம்  என்னங்க ரொம்ப ஆச்சிரியமாக இருக்கிறது நீங்க சீக்கிரமாக வந்திருக்கிறீர்கள் என்று கேட்டாள்

அதற்கு அவன் நான் ஆபிஸ் வேலையில் ஒரு சின்ன தப்பு பண்ணிவிட்டேன் அதனால் என் மேனேஜர் நன்றாக திட்டி நரகத்துக்கு (Go to Hell ) போடா என்று திட்டிவிட்டாள்.

அதன் பின்னும்  அவள் சொல்லை நான் கேட்கவில்லையென்றால் பிரச்சனை என்று கருதி வீட்டுக்கு வந்துவிட்டேன் என்றான்.

அவன் சொன்னதுல என்ன தப்புங்க.......

யாரப்பா சவுண்டா கேட்கறது...அந்த கணவன் நீங்கள்தானா என்று........உங்க கேள்விக்கு எல்லாம் ஆமாம் என்று சொல்லி சண்டையை ஆரம்பிக்க இப்ப விரும்பவில்லை அடுத்த மாசம் வந்து கேளுங்க... ஒகே வா...

எங்க வீட்டு கிச்சன்ல யாரோ பூரிக்கட்டையை தேடுறமாதிரி இருக்குது... நான் என் தலையை காப்பாற்றனும். அதனால இப்ப நான் ஜுட் விட்டுகிறேனுங்க...

அன்புடன்

மதுரைத்தமிழன்