உங்களுக்கு பிளட் பிரஷர் எப்படி அதிகரிக்கிறது? (டாக்டருக்கு கூட தெரியாத தகவல்)

உங்களுக்கு பிளட் பிரஷர் எப்படி அதிகரிக்கிறது? (டாக்டருக்கு கூட தெரியாத தகவல்)


நேற்று ரெகுலர் செக்கப்புக்காக டாக்டர் ஆபிஸ் சென்றேன். முதலில் நர்ஸ் வந்து எல்லா செக்கப் செய்து சாரட்டில் எல்லாவற்றையும் எழுதி டாக்டரின் பார்வைக்காக வைத்து விட்டு கொஞ்சம் வெயிட் பண்ணுங்கள் டாக்டர் வந்துவிடுவார் என்று சொல்லி அந்த நர்ஸ் மறைந்து விட்டார்.

சிறிது நேரத்தில் டாக்டர் வந்து  அந்த சார்ட்டை பார்த்துவிட்டு எல்லாம் நன்றாக இருக்கிறது ஆனால் உங்கள் பிரஷர்தான் மிக அதிகமாக உள்ளது...என்ன ஆச்சு ஊறுகாய் மிக அதிகம் சாப்பிடுகிறீர்களோ? அப்படி இருந்தால் குறைத்துக் கொள்ளுங்கள்...டென்ஷன் ஆகாதீர்கள், ஒரு மாதம் கழித்து வாருங்கள் அப்போதும் இந்தளவு பிரஷர் இருந்தால் உங்களுக்கு மாத்திரை தான் எழுதித் தரவேண்டும் என்று அட்வைஸ் பண்ண ஆரம்பித்து விட்டார்...


எனக்கு வந்ததே பாருங்கள் கோபம் அந்த டாக்டரின் மேலே இவனுக்கெல்லாம் எவன்டா டாக்டர்  பட்டம் கொடுத்தது என்று..

எனக்கு எதற்கு அந்த டாக்டர் மேலே கோபம் வந்துச்சின்னு கேட்கிறிங்களா?

அது வந்துங்க....

நான் வந்தவுடன் என்னைப் பரிசோதித்த நர்ஸ் மிக மிக அழகானவர். அவர் மிக மென்மையானவர் சிரித்த முகத்துடன் நலம் விசாரிப்பவர். அப்படிப்பட்ட அழகு தேவதையான அந்த நர்ஸ் எனது கையை மென்மையாகப் பிடித்துச் சிரித்தபடி என் முகத்தைப் பார்த்தவாறே இருந்தால் யாருக்குத்தான் பிளட் பிரஷர் ஏறாதுங்க....

இப்படி செக்கப் பண்ணுணா பிளட் பிரசர் ஏறாம வேற என்ன பண்ணும் மக்கா

இது கூட தெரியாத அந்த டாக்டர் உப்பைக் குறை டென்ஷன் ஆகாதே என்று அட்வைஸ் சொன்னால் யாருக்குத்தான் கோபம் வராதுங்க.

நீங்களே ஒரு நியாயம் சொல்லுங்க...நான் டாக்டர் மேல் கோபப்பட்டது தப்பா?????/


அன்புடன்
உங்கள் அபிமானத்திற்குரிய
மதுரைத்தமிழன்