காப்பி பேஸ்ட் பண்ணும் பதிவாளர்களுக்கு மிகவும் கடுமையான எச்சரிக்கை

காப்பி பேஸ்ட் பண்ணும் பதிவாளர்களுக்கு மிகவும் கடுமையான  எச்சரிக்கை

பதிவாளர் கூட்டம் தமிழகத்தில் நடந்தது அப்போது மிகவும் கண்ணியமான வயதில் மூத்த பதிவாளர் பேசிக் கொண்டிருந்தார். அவர் பேசும் போது சொன்னார் என் வாழ்க்கையில் மிகவும் சிறந்த நாட்களாக நான் கருதும் நாட்களில் ஒரு பெண்ணின் அரவணைப்பில் இருந்தது வந்தேன் ஆனால் அந்த பெண் என் மனைவி அல்ல என்று சொன்னார். அதை கேட்ட அனைத்து பதிவாளர்களும் ஷாக் அடித்தார் போல ஆகி மிகவும் மெளனாமாகிவிட்டனர். அந்த பதிவாளர் பேச்சை மீண்டும் தொடங்கி சொன்னார் அந்த பெண் வேறுயாருமல்ல என் அம்மாதான் என்று சொன்னதும் அரங்கமே சிரித்து கைதட்டி மகிழ்ந்தனர்.

ஒரு வழியாக பதிவாளர் கூட்டம் முடிந்ததும் வழக்கம் போல சரக்கு அடிக்கும் பதிவாளர்கள் கூட்டம் அப்படியே ஒதுங்கி சரக்கு அடித்து விட்டு அவரவர் வீட்டிற்கு சென்றனர். அதில் ஒரு பதிவாளர் வீட்டிற்கு சென்று மேலே சொன்ன ஜோக்கை மனைவியிடம் சொல்ல விரும்பினார். ஆனால் போதை கொஞ்சம் அதிகமாக இருந்ததினால் கொஞ்சம் சத்தமாக என் வாழ்க்கையில் மிகவும் சிறந்த நாட்களாக நான் கருதும் நாட்களில் ஒரு பெண்ணின் அரவணைப்பில் இருந்தது வந்தேன் ஆனால் அந்த பெண் நீ  அல்ல என்று சொல்லி சிறிது நிறுத்தினான்.

அவன் சொன்னதை கேட்டதும் சமைத்து கொண்டிருந்த அவரின் மனைவி ஆத்திரமும் கோபமும் கொண்டாள்...

20 நொடிகள் அமைதியாக இருந்த அந்த பதிவாளர் ஜோக்கின் இரண்டாம் பகுதியை நினைவுக்கு கொண்டு வரமுயற்சித்தார் ஆனால் வரால் அதை நினைவுக்கு கொண்டுவர முடியவில்லை....அதனால் அவள் யாரு என்று எனக்கு நினைவு இல்லை என்று கூறினார்.

இதுதான் நடந்ததுங்க...அதன் பின் அவர் கண் முழித்து பார்த்த போது அவர் ஹாஸ்பிடல் பெட்டில் இருந்தால் அவர் மூஞ்சியில் கொதிக்கும் வெந்நீர் பட்டு முகம் வெந்து அதற்கான சிகிச்சை நடந்து கொண்டிருந்ததை அறிந்தார்

நீதி (MORAL) : இதிலிருந்து நாம் கற்று கொள்ளும் நீதி என்னவென்றால் உன்னால் எதையும் ஒழுங்காக பேஸ்ட்(Paste) பண்ணமுடியவில்லை என்றால் எதையும் காப்பி(Copy) அடிக்காதே என்பதுதான்.

யாரு அந்த பதிவாளர் என்று உங்களால் ஊகிக்க முடியும் என்றால் பின்னுட்டத்தில் சொல்லுங்கள்