இளம் வயது பெற்றோர்கள் ஏன் " இந்த கெட்ட பழக்கங்களைக் " கைவிட வேண்டும்

 

இளம் வயது பெற்றோர்கள்  ஏன் இந்த கெட்ட பழக்கங்களைக் கைவிட வேண்டும்

இளம் வயது பெற்றோர்களுக்கான பதிவு ஆனால் எவ்வளவு இளம் பெற்றோர்கள் இதனைப் புரிந்து கொண்டு உள்வாங்கிக் கொண்டு செயல்படுவார்கள் என்பது சந்தேகமே. காரணம் அவர்கள் உலகில் இதைப்பற்றி எல்லாம் கவலைப்படுவதில்லை. தன்னை இவ்வுலகம் எவ்வளவு கவனிக்கிறது  அதுவும் சோசியல் நெட்வொர்க்கில் என்பதுமட்டும்தான், இருந்தாலும் மனதில் பட்டதை எழுதி வைப்பதுதானே என் வயதை ஒத்தவர்களின் பழக்கம்..

தொடர்ந்து படியுங்கள்


, நமக்கும் நம் குடும்பத்துக்கும் பெரிதும் பயனளிக்கும் சில தீய பழக்கங்களை விட்டுவிடுவது நம் அனைவருக்கும் பயன் அளிக்கும் என்பதை யாரும் மறுக்க முடியாது . குறிப்பாகப் பெற்றோர்களாகிய நாம்தான் நம் குழந்தைகளுக்கு முதல் முன்மாதிரி. குழந்தைகள் தங்கள் பெற்றோரின் பெரும்பாலான செயல்களைக் கவனித்து, அவர்களிடமிருந்து நடத்தைகளைத் தேர்ந்தெடுக்கிறார்கள். எனவே பெற்றோர்கள் தங்கள் குழந்தைகளிடம் நல்ல விழுமியங்களைப் புகுத்துவதும், தங்களை முன்மாதிரியாகக் கொண்டு ஆரோக்கியமான வளர்ப்பை உறுதி செய்வதும் அவசியம்.  உண்மையில் அக்கறையுள்ள பெற்றோர்கள் கைவிடக் கருத்தில் கொள்ள வேண்டிய பழக்கங்களை இங்கே தருகிறேன் இது பயன் உள்ளதாக இருக்கும் என்று நினைத்தால் செயல்படுத்திப் பாருங்கள்.

குடும்ப சண்டை

குழந்தையின் நல்வாழ்வுக்கு நல்ல மன ஆரோக்கியம் அவசியம். ஒவ்வொரு குழந்தையும் மகிழ்ச்சியான, நேர்மறை மற்றும் ஆரோக்கியமான வீடு மற்றும் பள்ளி சூழலில் வளர தகுதியுடையது. பெற்றோர்களுக்கிடையேயான வீட்டுச் சச்சரவுகள் பொதுவாக வீடுகளில் அமைதியைச் சீர்குலைத்து, குழந்தைகளை ஆழமாகப் பாதிக்கலாம், இதனால் அவர்கள் பாதிக்கப்படக்கூடியவர்களாகவும் பாதுகாப்பற்றவர்களாகவும் உணரலாம். இது மன உளைச்சலை ஏற்படுத்தலாம் மற்றும் பதட்டம் மற்றும் மனச்சோர்வு போன்ற பல உளவியல் பிரச்சனைகளைத் தூண்டலாம். கருத்து வேறுபாடுகள் அனைவருக்கும் இருக்கும் ஆனால் அதை ஆக்ரோஷமாக வெளிப்படுத்தாமல் அமைதியாகப் பேசி தீர்க்க முயலுங்கள் இது குழந்தைகளுக்கு மட்டுமல்ல  கணவன் மனைவிக்கிடையேயான குடும்ப வாழ்க்கை சந்தோஷமாக இருக்க உதவும் இதன் முக்கியத்துவம் உங்களுக்கு உடனடியாக புரியாது ஆனால் குழந்தைகள் வளர்ந்து பெரியவர்களான பின்னர் நீங்கள் தனித்து வாழ் ஆரம்பிக்கையில் புரிய ஆரம்பிக்கும் அப்போது காலம் கடந்து இருக்கும்.

கத்துதல் / திட்டுதல்

பல பெற்றோர்கள் தங்கள் குழந்தைகளுக்கு சொல்லும் வேலைகள் அல்லது குழந்தைகள் தங்களின் பள்ளிப்பாடங்களை அவர்களின் அன்றாட  தேவைகளைக் , கெட்ட பழக்கங்களைக் கட்டுப்படுத்தும்படி அடிக்கடி கத்துகிறார்கள். குழந்தை உளவியலாளர்களின் கூற்றுப்படி, இது பயனுள்ளதாக இருப்பதை விடத் தீங்கு விளைவிக்கும். குழந்தைகள் உணர்திறன் உடையவர்கள், கத்துவதற்கும் கத்துவதற்கும் சரியாகப் பதிலளிக்க மாட்டார்கள். மாறாக, கத்துவது தொடர்ந்து இருந்தால் அவர்கள் பெற்றோரிடம் ஆக்கிரமிப்பு காட்டலாம். மேலும், டீன் ஏஜ் பருவத்தில், பிள்ளைகள் பெற்றோர் சொல்வதைக்  காது  கொடுத்துக் கேட்க மாட்டாதவர்களாக கேளாதவர்களாக இருக்கலாம் அல்லது பெற்றோர் சொல்வதை வெகு சீரியஸாக  எடுத்துக் கொள்ளாமல் இருக்கலாம். குழந்தைகளிடம் ஒரு யோசனையைத் தெரிவிப்பதற்கான சிறந்த வழி, அவர்களிடம் அமைதியாகப் பேசுவதுதான் முடிந்த  யோசனையை ஒரு சேல்ஸ்மேன் போலப்  பேசி  பொருளை விற்பது போலச்  சொல்லும் யோசனைகளை அவர்கள் விரும்பச் செய்ய வேண்டும்


கூடப் பிறந்தவர்களுடன் ஒப்பிடுதல்

இது பழங்காலத்திலிருந்தே நடந்து வருகிறது. பெரும்பாலான பெற்றோர்கள் தங்கள் மற்ற குழந்தைகளுக்கு நல்ல நடத்தை கொண்ட குழந்தையின் உதாரணங்களை மேற்கோள் காட்டுகிறார்கள். ஒவ்வொரு குழந்தைக்கும் அவரவர் பலம் மற்றும் பலவீனங்கள் இருப்பதால் இது பயனுள்ளதாக இருக்காது. குழந்தைகளை ஒப்பிடுவது ஒரு கடினமான விஷயம், இது குழந்தைகளிடையே தாழ்வு மனப்பான்மையை வளர்க்கும். இப்படி ஒப்பிடு வழங்கும் நீங்கள் சற்று யோசித்துப் பாருங்கள். உங்களை உங்கள் கூடப் பிறந்தவர்களுடன் ஒப்பிட்டுப் பார்த்தால் உங்களின் ம்னநிலை என்னவாக இருக்கும். உங்கள் அம்மா கூட பிறந்தவர்கள் நாலு ஐந்து பேர் என்று வைத்துக் கொள்ளுங்கள் அவர்கள் அனைவரும் ஒரே மாதிரியான ஆண்களைத் திருமணம் செய்து கொண்டு ஒரே மாதிரியான வாழ்க்கையை வா வாழ்வார்கள் நிச்சயம் இருக்காதுதானே அவரவர்கள் அவர்கள் விருப்பத்திற்கு ஏற்றவாறு விரும்பிய முறையில் அல்லவா வாழ்க்கையை வாழ்ந்து கொண்டிருப்பார்கள். ஒருவேளை அவர்களின் பெற்றோர்கள் அவர்களை ஒப்பிட்டு அனைவரும் ஒரே எண்ணத்தில் வளர்ந்து இருந்தால் அவர்கள் ஒரே ஒருத்தரை மட்டும்தான் கல்யாணம் பண்ணி வாழ்க்கை நடத்த முடியும் இது நடைமுறையில் சாத்தியமில்லை அதனால் ஒப்பிட்டு வளர்ப்பதைத் தவிருங்கள்
'

கிசுகிசுக்கள் வம்புகள்

பார்ட்டிகள் மற்றும் கூட்டங்களின் போது பெற்றோர்கள் கிசுகிசுக்கின்ற பழக்கத்தில் ஈடுபடும்போது, ​​வதந்திகளைப் பரப்புவது அல்லது மற்றவர்களைப் பற்றி எதிர்மறையாகப் பேசுவது நல்லது என்ற எண்ணத்தைக் குழந்தைகளுக்கு ஏற்படுத்துகிறது. குழந்தைகள் தங்கள் நண்பர்களுடன் அவ்வாறே செய்கிறார்கள், அது அவர்களின் வாழ்க்கையை விட மற்றவர்களின் வாழ்க்கையில் அதிக ஆர்வம் காட்ட வழிவகுக்கும். 

உடல் உருவ கேலிகள்

குழந்தை அதிக அல்லது  மிகக்  குறைவாக  எடை இருந்தால், அல்லது அவரது/அவளுடைய உடல் அம்சங்கள் சரியாக இல்லாவிட்டால், பெற்றோர்கள் அதற்காக அவர்களைக் கருத்து கூறவோ அவமானப்படுத்தவோ கூடாது.(ஏய் குண்டு ஏய் ஒட்டடை குச்சி ஏய் கருப்பாச்சி சப்ப மூக்கா யானை காதா  இது போன்ற பல ) இந்த வார்த்தைகளால் குழந்தைகள் புண்படுகிறார்கள் என்பதைப் பெற்றோர்கள் புரிந்து கொள்ள வேண்டும். மேலும் அவர்கள் நம்பிக்கையை இழக்க நேரிடும். பெற்றோர்கள் தங்கள் குழந்தைகளின் உடல் குறைபாடுகளைச் சுட்டிக்காட்டாமல், அவர்களின் நேர்மறையான குணங்களுக்காக அவர்களைப் பாராட்ட வேண்டும்.

குழந்தைகள் சிறந்து விளங்க வேண்டும் என்று அழுத்தம் கொடுப்பது

எல்லாப் போட்டிகளிலும் கலந்துகொண்டு பரிசுகளைப் பெறுவதற்குப் பிள்ளைகளுக்கு அழுத்தம் கொடுப்பதைப் பெற்றோர்கள் நிறுத்த வேண்டும். இது ஒரு வாடிக்கையாக மாறினால், குழந்தைகள் மனச்சோர்வுக்கு ஆளாக நேரிடும். பெற்றோர்கள் தங்கள் குழந்தைகளை நிகழ்வுகளில் பங்கேற்க ஊக்குவிக்க வேண்டும், அவர்களில் வெற்றி பெற வேண்டும். குழந்தைகள் தங்கள் தோல்விகளிலிருந்து பாடம் கற்றுக் கொள்ளவும், விளையாட்டு மனப்பான்மையைக் கொண்டு செல்லவும் கற்றுக்கொடுக்க வேண்டும். மேலும், ஒவ்வொரு குழந்தையும் தனது சொந்த வேகத்தில் கற்றுக்கொள்கிறது மற்றும் அதிக அழுத்தம் கொடுக்கப்பட்டால், குழந்தை தனது சிறந்த முயற்சியிலிருந்து தடுக்கப்படலாம்.


உணவு நேரத்தில் மொபைல் போன்களைப் பயன்படுத்துதல்

உணவு நேரங்கள் மட்டுமே ஒருவரோடு ஒருவர் சில தரமான நேரத்தைச் செலவிடும் நேரங்கள். எனவே பெற்றோர்கள் டிஜிட்டல் சாதனங்களைப் பயன்படுத்துவதைத் தவிர்த்து, உணவு நேரத்தில் குழந்தைகளுடன் நல்ல உரையாடலில் ஈடுபட வேண்டும். இது குடும்ப உறவை மேலும் வலுப்படுத்தும். அன்று நாம் படித்த கேட்ட அனுபவித்த தகவல்களை நம் உணர்வுகளை பகிரிந்து சில நாட்கள் பாருங்களேன் அதன் பின் நம் குடும்ப உறவில் பெரிய மாற்றம் ஏற்படும் ஆனால் இந்த செயல்களை நாம் செய்யாமல் இதை செய்திகளை நாம் இணையத்தில்  முகம் அறியாத பலரிடம் பகிர்ந்து கொண்டு இருக்கிறோம் , அப்படி படிப்பவர்ளின் பற்றியோ அல்லது அவர்களின்  உள்மனது பற்றியோ  நாம் அறியாதது அல்லவா 

ஆரோக்கியமற்ற உணவு

தங்கள் குழந்தைகளுக்கு முன்மாதிரியாக, பெற்றோர்கள் அதிக சிற்றுண்டிகளைத் தவிர்க்க வேண்டும். ஆரோக்கியமான உணவின் முக்கியத்துவத்தைப் பெற்றோர்கள் குழந்தைகளுக்கு அவர்களின் ஆரம்ப வயதிலிருந்தே புரிய வைக்க வேண்டும். ஆரோக்கியமான வாழ்க்கை முறையைக் கட்டியெழுப்ப உடல் தகுதிச் செயல்பாடுகளையும் அவர்கள் ஊக்குவிக்க வேண்டும். கடுமையான சுகாதார விதிகளைப் பின்பற்றும் பெற்றோரால் குழந்தைகள் எளிதில் ஈர்க்கப்படுகிறார்கள்.

புகைபிடித்தல்

பல்வேறு வகையான புற்றுநோய்களுக்கு முக்கிய காரணங்களில் ஒன்றான இரண்டாவது கை புகையால் வீட்டில் உள்ள குழந்தைகள் மிகவும் பாதிக்கப்படுவதாக புற்றுநோயில் நிபுணர்கள் நம்புகின்றனர். மேலும், குழந்தைகள் வளரும் உடல் மற்றும் புகைபிடித்தல் நுரையீரலைப் பலவீனமாக்கும் மற்றும் ஆஸ்துமா மற்றும் மூச்சுக்குழாய் அழற்சி போன்ற உயிருக்கு ஆபத்தான இதய நுரையீரல் நோய்கள் போன்ற நோய்களுக்கு எளிதில் பாதிக்கப்படும் என்பதைப் பெற்றோர்கள் நினைவில் கொள்ள வேண்டும்.

மது

தங்கள் குழந்தைகளுக்கு முன்மாதிரியாக, பெற்றோர்கள் தங்கள் குழந்தைகள் முன் மது அருந்துவதைத் தவிர்க்க வேண்டியது அவசியம். பெற்றோர்கள் அதிகமாக மது அருந்தும்போது, ​​அது போதைப் பழக்கத்திற்கு வழிவகுக்கும், மோசமான நடத்தை அல்லது வாய்மொழி துஷ்பிரயோகத்தைத் தூண்டும். இது குழந்தையின் உளவியலில் எதிர்மறையான தாக்கத்தை ஏற்படுத்தலாம் மற்றும் அவர்களை ஆழமாகப் பாதிக்கலாம். ஆராய்ச்சியின் படி, குழந்தைகள் பெரும்பாலும் தங்கள் பெற்றோரைப் பின்பற்ற முனைகிறார்கள் மற்றும் அவர்கள் வளரும்போது குடிப்பழக்கத்திற்கு அடிமையாகலாம்.


இதில் சொல்லி இருக்கும்  கெட்ட பழக்க வழக்கங்களைத்  தவிர்த்தால் உங்கள் குடும்பம் நல்ல குடும்பமாக இருக்கும் இப்படி ஆரோக்கியமான முறையில் வளரும் குழந்தைகள் சமுகத்தில் மட்டுமல்ல உங்களின் வயதான காலத்திலும் நல்லபடியாகச் செயல்பட்டு எல்லோரும் மகிழ்வாக வாழத் துணையாக இருப்பார்கள்

அட போங்கப்ப்பா இதெல்லாம்  பழைய காலத்து அறிவுரைகள் என்று நினைத்து மற்றவர்களைக் கேலி செய்து பிள்ளைகளை அடித்து மிரட்டி இணைய தளங்களில் வம்பு பேசி நேரமின்மையால் குடும்பத்திற்கு அடித்துக் கொண்டு சரியான உணவு சமைக்காமல்  ஆரோக்கியமற்ற உணவை ஆர்டர் செய்து அதுதான் ஆரோக்கியம் என்று நினைத்தால் அதன்படி வாழுங்கள் அப்போது உங்கள் குடும்பம் அமோகமாக இருக்கும் ஆனால் என்ன 20 30 வயதிலேயே உங்கள் பிள்ளைகள் மாரடைப்பில் மரணிக்கலாம் அல்லது அவர்கள் இளம் பிள்ளைகளாக இருக்கும் போது நீங்களும் மரணிக்கலாம்.. அல்லது உங்களை கொலஒ செய்துவிட்டு உங்களின் பணம் மற்றும் நகைகளை வைத்து போதைப் பொருளை உண்டு எந்த வீட்டு பெண்ணையாவது ஏன் தன் கூடப் பிறந்த தங்கையைக் கூட உணர்வே இல்லாமல் பாலியல் பலாத்காரம் செய்யலாம். இல்லை பக்கத்து வீட்டுக் காரனிடம் உறவு கொண்டு அல்லது இணையத்தில் பழகியவர்களிடம் உறவு கொண்டு அதற்காக உங்களைக் கொலையும் செய்யலாம் இப்படிப்பட செயல்களைத்தானே இன்றைய செய்தி ஊடகங்களில் தினமும் நாம் பார்க்கிறோம் அதில் ஒருவராக நாமும் பயணிக்கலாம் அல்லது நமது குடும்பங்களும் பயணிக்கட்டும் இது நமது தேர்வுதானே

சுயம் உள்ளவர்கள் சிந்தியுங்கள்... அவ்வளவுதான் சொல்லுவேன்

அன்புடன்
மதுரைத்தமிழன்

டிஸ்கி : இணையத்தில் படித்த சில கருத்துகளை மனதில் வைத்து இணையத்தில் சிலவற்றைத் தேடிப்பிடித்துப் படித்து அதிலிருந்து சிலவற்றை குறிப்புகளாக  எடுத்து என் வழியில் இந்த பதிவை எழுதியுள்ளேன். இது  அரசியல் பதிவல்ல அதனால் பலரைச் சென்று அடையாது அதனால் உங்களுக்குப் பிடித்து இருந்தால் மற்றவர்களுக்கும் பகிரவும்