அதிரா மற்றும் ஏஞ்சலிடம் வம்பு செய்பவனை தட்டி கேட்க இந்த பதிவுலகில் யாரும் இல்லையா?

அதிரா மற்றும் ஏஞ்சலிடம் வம்பு செய்பவனை தட்டி கேட்க இந்த பதிவுலகில் யாரும் இல்லையா??

தட்டி கேட்க யாரும் இல்லையா என்றுதான் படிக்கணும் வடை தட்டி கேட்க யாரும் இல்லையா என்றுபடிக்க கூடாது ஹீஹீ

அதிரா: மதுரைத்தமிழா நீங்க எப்ப பார்த்தாலும் என்னை தேம்ஸ் நதியில் குதிங்கோ குதிங்கோன்னு சொல்லுறீங்க. எனக்கு அதில் குதிக்க பயமில்லை ஆனால் குதிச்ச பின்  குளிரில் உடல் நடுங்குமோ என்று பயமாக இருக்கிறது. அதற்கு ஒரு வழி சொல்லுங்கோ அதன் பின் யான் குதிச்சிடுறேன்

மதுரைத்தமிழன்... அதிரா ரொம்ப ஈஸியான ஒரு ஐடியா  சொல்லுறேன்....இட்லி மாவு பொங்குறதுக்கு சுடு தண்ணி சுட வைச்ச மாதிரி ஒரு பெரிய அண்டாவில் தண்ணியை சுட வைச்சி அதை தேம்ஸ் நதியில் கொட்டிவிட்டு உடனே அதில் குதிச்சுடுங்க அப்படி செஞ்சால் உங்கள் உடல் குளிரில் நடுங்கவே நடுங்காது



ஏஞ்சல் : ஹாஹஹஹா

அதிரா :ஏய் உன்னனாலதான் இவர் என்னை இப்படி கிண்டல் பண்ணுறார். நீ மட்டும் மாவு பொங்குறதுக்கு சுடுதண்ணி வைச்ச கதையை சொல்லாமல் இருந்திருக்கலாமே... பாரு உன்னை இப்ப அவருகிட்ட மாட்டி விடுறேன்... மதுர தமிழா இவ என்ன செஞ்சா தெரியுமா?

மதுரைத்தமிழன்... அதிரா நீங்க என்ன சொல்ல போறீங்க என்று எனக்கு நல்லாவே தெரியும் இட்லி சட்டியில் ஊத்தாப்பம பண்ணி ராமசேரி இட்லி சொன்ன ஆளாச்சே ..

அதிரா : ஹாஹாஹஹாஹ்.

ஏஞ்சல் ஏய் ரொம்ப சிரிக்காதே அப்புறம் சகோவிடம் சொல்லி உன்னை தேம்ஸ் நதியில் தூக்கி போட சொல்லிருவேன்

மதுரைத்தமிழன்: அதுமட்டும் என்னால முடியாது..

அதிரா :பார்த்தியாடி அவருக்கு என் மேல் எந்தளவு பாசம் இருந்தால் இப்படி முடியாதுன்னு சொல்லுவாரு

மதுரைத்தமிழன்: அப்படி  பாசம் எல்லாம் கிடையாது.

அதிரா: அப்படின்னா ஏன் என்னை தூக்கி போட மாட்டேன் என்று சொன்னீங்க: அது என் மீது வைத்துள்ள பாசத்தினாலேதானே

மதுரைத்தமிழன்; அதுவா........ நான் அப்படி உங்களை தூக்கி போட்டால் இந்த மீடியாகாரங்க தமிழன் தேம்ஸ்நதியில் குண்டை போட்டான் என்று சொல்லி அதை வரலாற்று செய்தி ஆக்கிவிடுவார்கள்.

ஏஞ்சல் ; ஹாஹஹஹா

அதிரா ஏய் சிரிக்காதடி நீயும் குண்டுதான் அதனாலதானே தினமும் வாக்கிங்க் போகிற...

ஏஞ்சல் நான் குண்டு இல்லடி கொஞ்சம் பூசணப்பல இருக்கிறேன்...

அதிரா.. ஏய் நீ பூசணப்பல இல்லை பூசணிக்காயாக இருக்கிறே அதை எப்படி பூசி மழுப்புற


மதுரைத்தமிழன்; ஏஞ்சல் நீங்கள் தினமும் வாக்கிங்க் போனால் நிச்சயம் குறைஞ்சிருக்குமே

ஏஞ்சல் ; ஆமாம் மதுரை தமிழன் நான் 4 பவுண்டு குறைஞ்ச்சிருக்கேன்..

மதுரைத்தமிழன் : ஏஞ்சல் நான் குறைஞ்சிருக்குமே என்று சொன்னது ரோட்டைதான் நீங்க நடந்து நடந்து அந்த ரோடு தேய்ந்து அதன் ஹைட் குறைஞ்சு பள்ளமாகி இருக்குமே அதை சொன்னேன்.

அதிரா : ஹாஹாஹா ஹீஹீஹீ  ஏஞ்சல் : க்ர்ர்ர்ர்ர்ர்ர்ர்

மதுரைத்தமிழன் : ஏஞ்சல் இதுக்கெல்லாம் கோச்சுகாதீங்க நீங்க மட்டுமல்ல எல்லோரும் எடை குறைய வாக்கிங் போக வேண்டியதில்லை. வாயை கட்டினாலே போதும்...எடை தண்ணாலே குறைந்திடும் அப்படி வாயை கட்டாவிட்டால் தட்டில் உள்ள உணவின் எடை குறைந்து நம் உடலின் எடை கூடிவிடும்

அதிரா : மதுரைத்தமிழா எனக்கொரு டவுட் சாப்பிட்டதற்கு அப்புறம்தானே வாயை கட்டணும்

கீதா : என்ன இங்க சாப்பாடு, வாய் ,சுடனும் என்று ஒரே சத்தமாக இருக்கு மதுரைத்தமிழன் போட்டிக்கு ஏதாவது வடை சுட்டுட்டு வந்திருக்கிறாரா என்ன?

அதிரா & ஏஞ்சல் கோரஸாக : வாயிலதான் மதுரைத்தமிழன் வடை சுடுவாரு அவரு சுத்த வேஸ்ட்

கீதா :ஹாஹாஹஹா என்று சிரித்து கொண்டே பாவம் நம்ம மதுரைத்தமிழன் விட்டுங்க...அவர் நல்லா சமைப்பார்.அதிரா நீங்க அரைக்கும் இட்லி மாவு பொங்குறதில்லை என்று சொல்லிறீங்களே நம்ம மதுரைத்தமிழனிடம் கேளுங்க அவர் இட்லிமாவு பொங்க நல்ல டிப்ஸ் சொல்லுவார்

அதிரா: அவர்கிட்ட கேட்டால் இட்லி மாவு கரைக்கும் போது மோடி மோடின்னு சொல்லிகிட்டே இருந்தால் பொங்கிடும் என்று சொல்லுவார் ஆளைவிடுங்க சாமி

அன்புடன்
மதுரைத்தமிழன்

டிஸ்கி : அதிரா கீதா ஏஞ்சல் யார் என்று தெரியாதவர்களுக்கு..இந்த பதிவில் வரும் அதிரா ,ஏஞ்சல் இருவரும் லண்டன் வாசி தமிழ்பெண்கள்& தமிழ் பதிவர்கள். இரண்டு பேரும் கொஞ்சம் பூணிற்போலதான் இருப்பார்கள் ஆனால் குண்டு அல்ல.. ஆனால் அவர்கள் இருவரும் நயன்தாராவிற்கு அருகில் இருந்தால் பார்ப்பதற்கு குண்டாக தெரிவார்கள்..காரணம் நயன் தாரா கொஞ்சம் உயரமானவர் அதனால்தான். கீதா சென்னைவாசி தமிழ் பதிவர்.

மேலே உள்ள பட ஜோக்கிற்கும் ஏஞ்சலின் ராமசேரி இட்லிக்கும் சம்பந்தமில்லை என்று சொன்னால் யாரும் நம்பவா போறீங்க