அப்படி நான் என்ன தப்பா சொல்லிட்டேன்?

அப்படி நான் என்ன தப்பா சொல்லிட்டேன்? did i say something wrong


எனக்கு தெரிஞ்ச குடும்பத்தை சார்ந்தவர்கள் வீட்டிற்கு வந்தனர். எப்ப பார்த்தாலும் கணவன் மனைவி இருவருக்கும் இடையில் சண்டை சண்டை சண்டைதான்.. அது மட்டுமல்ல சண்டை போட்டுகிட்டு என் கிட்ட வந்த நியாயம் கேட்பாங்க... இவர்களின் சண்டை தினத்தந்தியில் வரும் கன்னிதீவு மாதிரி  முடிவே இல்லாமல் தொடர்ந்துகிட்டே இருந்தது...

வழக்கம் போல சண்டை போட்டுகிட்டு எங்கிட்ட நியாயம் கேட்க வந்தாங்க..  இது என்னடா தொந்தரவா இருக்கு என்று நினைத்து என் கிட்னியை கசக்கி பிழிஞ்சு யோசித்து இறுதியில் அவங்ககிட்ட சொன்னேன். நான் சொல்லப் போகிற இந்த ஐடியாவை கேளுங்க அதற்கு பிறகு உங்களுக்குள் சண்டையே வாராது என்றேன். அவர்களும் ஆர்வமாக சொல்லுங்க மதுரைத்தமிழன் சொல்லுங்க நாங்க உங்க அட்வைஸை கேட்க மிக ஆவலாக இருக்கிறோம் என்றார்கள்..

அப்படி அவர்கள் ஆர்வமாக கேட்கும் போது நம்மால் சொல்லாமல் இருக்க முடியுமா... அதனால அதை அவங்கிட்ட சொன்னேன் அது என்னவென்று உங்கள்கிட்டேயும் சொல்லுறேன். ஒருவேளை உங்கள் குடும்பத்தில் கணவன் மனைவிக்கிடையே சண்டை வந்தால் நான் சொல்வதை நடை முறைப்படுத்தி பாருங்க...

அவங்ககிட்ட நான் சொன்னது இதுதான்.... ஒரு மாதத்திற்கு ஒருவரை ஒருவர் தொட்டு பேசாதீங்க.(No Touching). அணைத்தும் (No Huging) கொள்ள வேண்டாம்... ஏன் உங்கள் இருவருக்கும் இடையே உறவும்(No Sex) இருக்க கூடாது என்றேன்..


அதை கேட்ட அவர்கள் போடா டேய் போடா என்று சொல்லிவிட்டு சென்றவர்கள்தான்.... ஒரு மாதத்திற்கு மேலாகியும் அவர்கள் என் வீட்டு பக்கமே வருவதில்லை.. அக்கம் பக்கத்தில் விசாரித்த போது அவர்கள் முன்பு மாதிரி சண்டையே போடுவதில்லையாம்.. மிக சந்தோஷமாக வாழ்கிறார்களாம்.. ஆனால் என்னவென்று தெரியவில்லை ....அவர்கள் உங்கள் வீட்டிற்கு வந்த போது நீங்கள் என்னவோ அவர்கள்கிட்டே சொல்லிவிட்டீர்களாம் அதனால் அவர்கள் உங்கள் மீது மிகவும் கோபமாக இருக்கிறார்களாம். ஆமாம் அப்படி  நீங்கள் என்ன சொல்லிவீட்டீர்கள் என்று என் தெருவில் உள்ளவர்கள் எல்லாம் எங்கிட்டே கேட்கிறார்கள்


ஆமாம் அப்படி நான் என்ன தப்பா சொல்லிட்டேன்......உங்களுக்கு தெரிஞ்சா நீங்கள் எங்கிட்டே சொல்லுங்க மக்கா



அன்புடன்
மதுரைத்தமிழன்