வலையுலக வாத்தியாரும் சிஷ்யனும் சந்தித்து பேசினால்......?

வலையுலக வாத்தியாரும் சிஷ்யனும் சந்தித்து பேசினால்......?

பாலகணேஸும் சீனுவும் சென்னை எக்ஸ்பிரஸ் மாலில் அமர்ந்து ஜுஸை குடித்து கொண்டு ஒருவருக்கு தெரியாமல் மற்றொருவர் ஒரக் கண்ணால் அங்கு வரும் அழகு பெண்களை பார்த்து கொண்டே பேசிக் கொண்டிருக்கிறார்கள்....

அவர்கள்  இருவரும் பேசியதுதான் இது .அது எப்படி உனக்கு தெரியும் என்று கேட்காதீர்கள் இந்தியர் ஒவ்வொருவரின் நடவடிக்கைகளையும் அமெரிக்கா அரசாங்கம் உளவு பார்த்து வருகிறது. அந்த உளவுத்துறையிடம் இருந்து கேட்டு அறிந்து கொண்டதன் ஒரு பகுதிதான் இந்த பதிவு

  

சீனு பெரிய முன்கோபியாக இருந்த நான் இப்ப சாந்த சொரூபியா மாறிட்டேன்…!

தெரியும் வாத்தியாரே உங்களுக்கு கல்யாணமாயிடுச்சுன்னு நீங்க முன்னவே சொல்லி இருக்கீங்களே அதுக்கு இப்ப என்ன....

(பாலகணேஷ் மைண்ட் வாய்ஸ் ; இனிமே சின்ன புள்ளைங்ககிட்ட பேசும் போது ஜாகிரதையாக இருக்கணும்)

வாத்தியாரே உங்களின் சந்தோஷமான மண வாழ்க்கைக்கு காரணம் என்ன என்று நான் தெரிஞ்சுக்கலாமா?

தம்பி சீனு என்னால் முடியாததை என் மனைவியும், அவங்களாலே முடியாததை நானும் செய்து முடிச்சுடுவோம்..!

-

அப்படியா வாத்தியாரே உங்களால எது முடியாதது, அவங்களால எது முடியாதது?

-

சீனு எனக்குப் பொறுமையா உட்கார்ந்து டீவி சீரியல் பார்க்க முடியாது, அவளுக்கு சமைக்கிறது, துவைக்கிறது, வீட்டு வேலைகள்…இதெல்லாம் முடியாதது…!

வாத்தியாரே நீங்கள் நல்லா காமெடி பண்ணுறீங்க

(பாலகணேஷ் மைண்ட் வாய்ஸ் ; உண்மையை சொன்ன பயபுள்ள காமெடின்னு நினைக்குது...அப்படியே இருந்துட்டு போகட்டும் )

சீனு உனக்கு தெரியுமா ? அந்த மதுரைத்தமிழன் இருக்காருல்ல…அவர் மனைவிக்கு ரொம்ப

பயப்படுவாரு…!

வாத்தியாரே அப்ப நீங்க..?

-

சீனு அவர் மனைவிக்கு நான் ஏன் பயப்படணும்

வாத்தியாரே செம...காமடி ஹாஹஹா

சரி வாத்தியாரே இதுக்கு பதில் சொல்லுங்க .....அந்த மதுரைத்தமிழனின் மனைவிக்கு கோபம் வந்தா அவரை பூரிக்கட்டையால் அடிப்பாங்கன்னு சொல்லுகிறார் அது போல உங்க மனைவிக்கு கோபம் வந்தா என்ன செய்வாங்க..

அதுவா சீனு என் மனைவிக்கு கோபம் வந்தால் ஒன்றிலிருந்து நூறுவரை எண்ணுவா!

அப்ப அதோட அவங்க கோபம் குறைஞ்சிடுமா வாத்தியாரே?

-

இல்லடா சீனு அவ எண்ணும் போது , நான் தோப்புக்கரணம் போட்டு முடிச்சிடுவேன்!

வாத்தியாரே உங்க கூட பேசிகிட்டு இருந்தா எனக்கு கல்யாணம் ஆசையே வாராது போலிருக்கே அப்ப நான் கிளம்புறேன்

பாலகணேஷ் மைண்ட் வாய்ஸ் ; உனக்கு கல்யாணம் ஆக கூடாதுன்னுதானே கல்யாணம் ஆன நாங்க இப்படி பில்டப் பண்ணீ சொல்லுறோம். உன்னை இப்படியே சும்மா விட்டுட்டா நீ கல்யாணம் பண்ணி பொண்டாட்டி பின்னால சுத்திகிட்டு இருப்பே அப்ப வீட்டுக்கு போக பிடிக்காம ரோட்டுல சுத்துற எங்களுக்கு யாருப்பா கம்பெனி கொடுப்பாங்க....

அன்புடன்

மதுரைத்தமிழன்

டிஸ்கி : அரசியல் தலைவர்களை மட்டும் வைத்து காமெடி பண்ணினால் நல்லா இருக்காது அதனால் வலையுலக தலைவரான பாலகணேஷையும் அவரது கட்சியை சார்ந்த தளபதியான சீனுவையும் வைத்து காமெடி பண்ணலாம் என்று மனதில் தோன்றியதன் விளைவே இந்த பதிவு

விரைவில் காணமல் போன கனவுகள் ராஜி பண்ணும் அட்டகாசங்கள் பற்றிய பதிவு வெளிவரும்