காங்கிரஸின் தோல்விக்கு மோடி அலைதான் காரணமா?

காங்கிரஸின் தோல்விக்கு மோடி அலைதான் காரணமா?

காங்கிரஸின் தோல்விக்கு மோடி அலை காரணம் அல்ல காங்கிரஸின் செயல்பாடுதான் காரணம்.

மோடி அலையால் விளைந்தது என்ன?????

The Modi "wave" is turning out a joke.

மோடி அலையை அலசி ஆராய்ந்து துவைத்து காயப்போடுவதுதான் இந்த பதிவு. இது நடுநிலைமையோடு எழுதுப்பட்ட பதிவு. எந்த வித ஆதாயமும் யாரிடமும் பெற்றோ அல்லது எதிர்பார்த்தோ எழுதப்பட்டது அல்ல

அடுத்தாண்டு, மே மாதம், லோக்சபா தேர்தல் நடக்கும் என, எதிர்பார்க்கப்படுகிறது. இதில் வெற்றி பெற்று, ஆட்சியை பிடிப்பதற்கு, தற்போதைய ஆளும் கட்சியான, காங்கிரசும், பிரதான எதிர்க்கட்சியான, பா.ஜ.,வும், தயாராகி வருகின்றன. இந்த விஷயத்தில், பா.ஜ., ஒரு படி முன்னேறி, தங்களின் பிரதமர் வேட்பாளராக, குஜராத் முதல்வர் நரேந்திர மோடியை அறிவித்தது

லோக்சபா தேர்தலுக்கான அரையிறுதிப் போட்டியாகக் கருதப்படும், டில்லி, ம.பி., ராஜஸ்தான், சத்தீஸ்கர் ஆகிய மாநிலங்களில், மோடி சூறாவளி சுற்றுப்பயணத்தை, மாநில நிர்வாகிகளுடன் மேற் கொண்டார். அது மட்டுமல்லாமல் மீடியாக்களின் துணை கொண்டு ஏதோ சுனாமி போல மோடி அலை அடிக்கிறது என்று ரொம்ப பில்டப் பண்ணினார்கள்.அந்த பில்டப் பட்ட அலை என்ன ஆச்சு என்பதை படித்து அறிந்து கொள்ளுங்கள்.

டில்லி, மிசோரம் ஆகிய மாநிலங்களில், காங்., ஆட்சியும், சத்தீஸ்கர், ம.பி., ஆகிய மாநிலங்களில், பா.ஜ., ஆட்சியும் இருந்தது.

இதில் ம.பி.,யில், சிவ்ராஜ் சிங் சவுகான் தலைமையிலான, பா.ஜ., அதிக இடங்களில் வெற்றி பெற்று, தொடர்ச்சியாக, மூன்றாவது முறையாக, ஆட்சியை பிடித்து, 'ஹாட்ரிக்' அடித்துள்ளது. இந்த வெற்றி மோடியால் வந்தது அல்ல அந்த மாநிலத்தில் நல்ல ஆட்சியைக் கொடுத்ததால்தான் என்பது நடுநிலமை உள்ள யாவரும் ஒத்துக் கொள்ளும் உண்மை. அப்படி இல்லை இல்லை என்று சொல்பவர்கள்

சத்தீஸ்கரில் நடந்த நிகழ்ச்சியை கவனிக்கவும்

சத்தீஸ்கரில், பா.ஜ., - காங்., ஆகிய கட்சிகளுக்கு இடையே, கடைசி வரை இழுபறி நீடித்தாலும், கடைசி சுற்றுகளில், ஒரு சில தொகுதிகளில், பா.ஜ.,வுக்கு, அபாரமான முன்னிலை கிடைத்தது. இதன் காரணமாக, அந்த கட்சி, 49 இடங்களில் வெற்றி பெற்று, மூன்றாவது முறையாக, ஆட்சியை தக்க வைத்துள்ளது. அந்த கட்சியை சேர்ந்த, ரமண் சிங், மூன்றாவது முறையாக முதல்வராகிறார்.

மேலே உள்ளதை படித்தவர்கள் ஒரு உண்மையை புரிந்து இருப்பார்கள்தானே.மோடிக்கு அலை இருந்தால் ஏன் இந்த இழுபறி இங்கே நடந்து அதன் பின் ஜெயித்து இருக்க வேண்டும்

அடுத்தாக ,ராஜஸ்தான் மாநிலத்தில், காங்கிரசிடமிருந்து, ஆட்சியை பறித்து, இதற்கு காரணம் மோடி அல்ல அங்கு மோசமாக ஆட்சி செய்த காங்கிரஸின் செயல்பாடுதான்.

இப்போது இறுதியாக டெல்லியை கவனிப்போம்

டில்லி சட்டசபை தேர்தல் தான், இந்திய அரசியலில், இதுவரை இல்லாத வகையில், பரபரப்பான திருப்பங்களை ஏற்படுத்தியுள்ளது. இங்கு, துடைப்பத்தை தேர்தல் சின்னமாக முன்வைத்து, பிரசாரம் செய்த, அரவிந்த் கெஜ்ரிவாலின், ஏழை மக்கள் கட்சிக்கு, ஓட்டுகள் குவிந்தன. இங்கு, அந்த கட்சிக்கு, 28 தொகுதிகள் கிடைத்தன. பா.ஜ., 32 தொகுதிகளில் வெற்றி பெற்று, தனிப் பெரும் கட்சியாக உருவெடுத்தாலும், தனியாக ஆட்சி அமைக்க தேவையான தொகுதிகள் கிடைக்கவில்லை.

நேற்று புதிதாக ஆரம்பித்த அரவிந்த் கெஜ்ரிவாலின், கட்சியை விட இந்தியாவில் மோடி அலை வீசப்படும் என் கருதப்படுகிற பிஜேபி அதிகமாக நான்கே நான்கு இடத்தில்தான் வெற்றி பெற்று இருக்கிறது.

இதை நன்கு பார்த்தால் ஒரு உண்மை புலப்படுகிறது. மோடி அலை என்பது பொய் காங்கிரஸின் செயல்பாடுகள் மக்களுக்கு பிடிக்கவில்லை என்பதுதான் மெய். அதனால் இந்த 2 கட்சிகளின் தலைவர்களை விட முன்றாவது ஆள் வருகிற லோக்பால் தேர்தலில் இறங்கினால் அரவிந்த் கெஜ்ரிவால் போல இன்னும் நல்ல மெஜாரிட்டியை பிடிப்பார்கள் என்பது உண்மை அப்படி நடந்தால் மோடி அலை ஒரு வெற்று அலைதான்

இப்படி எழுதுவதால் நான் பிஜேபிக்கோ எதிரியும் அல்ல அது போல காங்கிரஸுக்கு நண்பனும் அல்ல.

மோடியோ ராகுலோ ஜெயலிலிதாவோ நம்ம காமெடி சிங்கம் விஜயகாந்தோ பிரதமாரக வந்தால் எனக்கு எந்தவித பலனுமில்லை....காரணம் இவர்களால் எதாவது காரியம் நடக்க வேண்டுமென்று நினைத்து இவர்களுக்கு ஆதரவாகவோ அல்லது எதிராகவோ எழுதவில்லை. அவ்வளவுதாங்க.

என் மனதில் தோன்றியதை நான் சொல்லிபுட்டேன் உங்க மனதில் தோன்றியதை நீங்களும் சொல்லிப்புட்டு போங்கோ

அன்புடன்

மதுரைத்தமிழன்.