கலைஞர் உடைத்தது மண்டபம் என்றால் அம்மா உடைக்கப் போவது முரசா?

கலைஞர் உடைத்தது மண்டபம் என்றால் அம்மா உடைக்கப் போவது முரசா?

காங்கிரஸுடன் விஜயகாந்த கூட்டு என்றால் கூட அம்மா பொறுத்து இருப்பார். ஆனால் தன்னுடன் போட்டி களத்தில் நிற்கும் மோடியுடன் கூட்டு என்பதை அம்மாவால் பொறுத்து கொள்ள முடியாததால் அவரின் விளையாட்டு ஆரம்பித்துவிட்டது. அதில் ஒரு முயற்சிதான் இது

தேமுதிக கட்சியிலிருந்து மேலும் மூன்று பேர் வெளியேறத் தீர்மானித்திருப்பதாகக் கூறப்படுகிறது. இவர்கள் வெளியேறும்போது அதிகாரபூர்வமாகவே கட்சிப் பிளவு அறிவிக்கப்படுமாம். அந்தப் போட்டி கட்சியில் அவைத் தலைவர் பதவி உருவாக்கப்பட்டு, பண்ருட்டியாரை அந்தப் பதவியில் அமர்த்தப் போகிறார்களாம். பதவியில் இல்லையென்றாலும் மூத்த தலைவர் வீட்டில் அவை கூடுகிறதாம். அடுத்தகட்ட நடவடிக்கை பற்றி விவாதிக்கப்படுகிறதாம். அப்படி போட்டி கட்சி உருவானால், மேலும் பல எம்.எல்.ஏ.க்களும் அந்தக் கட்சிக்கு தாவக்கூடும் என்கிறார்கள்

இந்த தேமுதிக பிளவுபடுத்தும் நிகழ்வு லோக்சபா தேர்தலுக்கு முன்பு நடத்தப்பட்டு முரசு சின்னம் முடக்கப்படும் என்றும் சொல்லுகிறார்கள், விஜயகாந்துடைய தேமுதிக கட்சி பா.ஜ கட்சியுடன் சேர்ந்தாலும் அதன் போட்டி கட்சி அதிமுகவுடன் கூட்டு சேர்ந்து வெற்றிக்கு உழைக்கும் என்று தகவல் அறிந்தவட்டாரங்கள் தெரிவிக்கின்றன.

அன்புடன்

மதுரைத்தமிழன்