உலக அரங்கில் இந்தியாவிற்கு இந்திய அரசாங்கமே தலைக்குனிவை ஏற்படுத்தி கொள்கிறதா ?

உலக அரங்கில் இந்தியாவிற்கு இந்திய அரசாங்கமே தலைக்குனிவை ஏற்படுத்தி கொள்கிறதா ?

அமெரிக்காவில் கைது செய்யபட்ட தேவயாணி, அமெரிக்காவுக்கான இந்திய தூதர் அல்ல... துணை தூதர் பொறுப்பில் உள்ள ஒரு அதிகாரி. அவர் கொடுமைபடுத்தியது, எதோ ஒரு அமெரிக்கரை அல்ல.. இந்தியரை..அதனை தவறு என்று சொல்லி கைது செய்தது அமெரிக்கா. ஆனால் அமெரிக்காவை குற்றம் சொல்லுகிறது இந்தியா...

அமெரிக்கா என்னவோ இந்தியாவிற்கு எதிரி நாடு போலவும் அமெரிக்கா அரசாங்கம் இந்தியாவை அவமானப்படுத்த வேண்டும் என்று ஏதோ திட்டம் தீட்டி சதி பண்ணுவது போல இந்திய அரசாங்கமும் இந்திய அரசியல் தலைவர்களும் கூப்பாடு போடுகின்றனர். இந்த விஷயம் இவ்வளவு பெரிதாக்கப்பட்டதற்கு காரணம் வரும் லோக்சபா தேர்தல்தான் அதனால் தான் இந்த அளவு கூப்பாடு. இந்த கூப்பாடு இரவில் ஒரு தெரு நாய் குரைத்தால் உடனே அந்த பகுதியில் இருக்கும் மற்ற நாய்களும் அந்த நாய் எதற்கு குரைத்தது என்று தெரியாமல் அதுகளும் சேர்ந்து குரைப்பது போல இருக்கிறது.

இந்திய இணை தூதர் மேல் நடவடிக்கை எடுத்தது அரசாங்கம் அல்ல விசா மோசடி மற்றும் மற்ற மோசடிகளுக்கான துறைதான். அந்த துறைகளுக்கு யார் புகார் கொடுத்தாலும் அதை விசாரணை செய்து அது உண்மையாக இருக்கும் பட்சத்தில் அவர்கள் மேல் அந்த துறையை சார்ந்தவர்கள் நடவடிக்கை எடுக்கும். இதை அமெரிக்க அதிபராகவே இருந்தாலும் தலையிட முடியாது என்பது அமெரிக்காவில் இருக்கும் எவரும் அறிந்தது. அதன் படிதான் இந்த அதிகாரி மீது நடவடிக்கை எடுக்கப்பட்டது.

இந்திய அரசாங்கம் என்ன செய்து இருக்கலாம் இந்த அதிகாரி செய்தது தவறுதான் அதனால் நாங்கள் அவர் மீது கண்டிப்பாக விசாரணை மேற்கொண்டு தக்க நடவடிக்கை எடுக்கிறோம் அதனால் அவரை எங்கள் நாட்டிற்கு அனுப்புங்கள் என்று வேண்டு கோள் விடுவித்து இருக்கலாம் ஆனால் அப்படி செய்யாமல் எடுத்தோமா கவித்தோமா என்று செயல்பட்டு கொண்டிருக்கிறது.

ஏன்னா அவரு தூதரக அதிகாரியாம்.... (இனிமேல் தப்பு பண்ணுறவன் முதலில் இந்த மாதிரி ஏதாவது ஒரு தூதரகத்தில் வேலைக்கு சேர்ந்து விடவேண்டும் போலும்... ஈசியா தப்பிச்சிடலாம்....) நியாயமா பார்த்தால், இப்படி ஒரு சக மனித அக்கறை இல்லாதவரை, தன் சொந்த நாட்டினருக்கு உதவுவதற்காக பிரதிநிதியாக அனுப்பபட்டவர் தன் நாட்டு குடிமக்களை அடிமையாக நடத்தும் ஒருவரை இன்னொரு நாட்டுக்கு அனுப்பியதற்கு இந்தியாதான் வெட்கப்பட வேண்டும்...முதலில் அவர் அயல்நாட்டின் தூதர் அல்ல. அவர் ஒரு துணை தூதர் பொறுப்பில் உள்ள அதிகாரிதான்.

அவர் புரிந்த குற்றம், தூதரக பொறுப்பில் புரியபட்டதல்ல.. அவரின் வீட்டில் நடைபெற்ற செயல் அது..

நீயூயார்க மன்ஹட்டன் ஹோட்டல் பணிப்பெண்ணிடம் தவறாக நடந்து கொண்ட IMF தலைவரும் பிரெஞ்சு நாட்டு தலைவரானவர் தவறு செய்துவிட்டு விமானத்தில் தப்பி செல்ல முயன்ற போது கைது செய்யபட்ட போது கூட கைவிலங்கு போட்டுதான் கூட்டிச் சென்றார்கள். அமெரிக்கவில் சட்டம் முன்பு அனைவரும் சமம்.

இந்தியாவில் குற்றம் புரிந்தவனுக்கு எதிராக தகுந்த சாட்சி இருந்தாலும் குற்றம் செய்தவன் அதிகாரப் பதவியில் இருந்தாலோ அல்லது அதிகாரப் பதவியில் இருந்தாலோ குற்றத்தி இருந்து எளிதில் தப்பிவிடலாம் இதற்கு சங்கர் ராமன் கொலை வழக்கில் இருந்து தப்பித்த குற்றவாளிகளை உதாரணமாக எடுத்து கொள்ளலாம். இதையெல்லாம் பார்த்து வாழ்ந்து வரும் மக்களுக்கு அமெரிக்க செய்வதெல்லாம் தப்பாகவே தெரியும்.

இந்தியா அரசாங்கம் பெரிய தவறு செய்கிறது. ஒரு குற்றவாளியை சட்டம் பார்த்து கொள்ளும் அதில் அரசு தலையிட முடியாது. ஒரு நாட்டின் தூதருக்கு தவிர மற்ற தூதரக அதிகாரிகளுக்கு டிப்லோமேடிக் இம்யூனிட்டி கிடையாது.

இந்த எதிர்ப்புகளால் அமெரிக்காவிற்கு எந்த வித பாதிப்பும் துளி கூட கிடையாது. ஆனால் இந்தியாவிற்கு எதிர் காலத்தில் பாதிப்பு ஏற்பட வாய்ப்புகள் உண்டு.

அமெரிக்காவின் முதுகில் ஏறி சவாரி செய்தவர்கள் இப்போது எதிர்ப்பது போல் நடிப்பதற்கான காரணம் நடந்து முடிந்த மாநில தேர்தலில் ப்ளாப்ப் ஆனதுதான் .மேலும் கடைசி காலத்திலாவது ஏதாவது வீரமாக செய்யலாம் என்கிற கடைசிகால ஆசை மட்டுமே. இதெல்லாம் காங்கிரசின் மட்டமான அரசியல் சித்து விளையாட்டுகள்... இதற்கும் வழக்கம்போல சாதாரண குடிமகன்தான் தன் மொத்த மானமும் போய் விட்டது போல கவலை படுகிறான். அதுதானே அவர்களின் வோட்டரசியலுக்கு வேண்டும்...

ந்த துணை தூதர் சட்டப்படி குற்றம் செய்தார் என்பது உண்மை. ஆனால் அமெரிக்க அரசு கைது செய்த முறை கண்டனத்திற்கு உரியதுதான் தான். அப்பிடிருக்க குற்றம் செய்த பெண்ணுக்கு ஐ நா வில் பணி நியமனம் கொடுத்து இருப்பது நல்லது கிடையாது. அது இந்தியாவை உலக அளவில் மிக கேலிக்குரியதாகிவிட்டது . ஐநா அதிகாரியாகிவிட்டால் அவர் மீது நடவடிக்கை எடுக்க முடியாது என்று இந்திய அரசாங்கம் நினைக்கிறது. இவர் குற்றம் செய்தது ஐநா ஊழியராக பதவி ஏற்கும் முன்பு நடந்தது. அதனால் அமெரிக்க சட்டப்படி இவர் மீது விசாரணை நடத்தி தண்டனை தரப்படும் என்பதில் மாற்றம் ஏதும் இருக்காது என நினைக்கிறேன் ஊழல்

இந்த விஷயத்தில் உலகில் எந்த நாடும் இந்தியாவிற்கு ஆதரவாக இது வரை குரல் கொடுக்கவில்லை என்பது ங்கு கவனிக்க வேண்டும்..

இந்தியாவின் போக்கு மிகுந்த அபாயகரமானது. இது எதிர் மறை விளைவுகளை தான் ஏற்படுத்தும்

டிஸ்கி : மீண்டும் காங்கிரஸ் ஆட்சிக்கு வர முடியாது என்பது காங்கிரஸுக்கு மிக நன்றாக தெரியும் அதனால் மோடியோ அல்லது வேறு யாரும் வந்தால் நன்றாக ஆட்சி செய்து பேர் வாங்க கூடாது என்று நினைத்துதான் கடந்த 20 வருடமாக நட்புடன் இருந்த அமெரிக்காவுடன் பகைமையை ஏற்படுத்தி வருங்காலத்தில் ஆளக் கூடையவர்களுக்கு பிரச்சனை உண்டாக்கி செல்ல விரும்புகிறதோ என்று நினைக்க தோன்றுகிறது.