அழகாக தோன்ற மிக எளியமையான வழிகள்( ஆண்கள் பெண்கள் ஏன் முதியோர்கள் கூட கடைபிடிக்கலாம்)

அழகாக தோன்ற மிக எளியமையான வழிகள்( ஆண்கள் பெண்கள் ஏன் முதியோர்கள் கூட கடைபிடிக்கலாம்)

யாருதான் அழகாக இருக்க ஆசைபடமாட்டார்கள்.அப்படி ஆசைபடுபவர்கள் நான் சொல்லும் முறையை கடைபிடித்து வாருங்கள் .அப்படி பின்பற்றினால் நீங்கள் முதியவர் ஆனால் கூட மிக அழகாக மற்றவர்களுக்கு தோன்றுவிர்கள். அதற்கு நீங்கள் செய்ய வேண்டியது மிக எளிதான வழிகள்தான்.

முதலில் உங்கள் உதடு மிக அழகாகவும் கவர்ச்சியாக இருக்க அதிலிருந்து வரும் வார்த்தைகள் மிக கனிவாகவும் கடுஞ்சொல் இல்லாமலும் பண்பட்ட வார்த்தைகளாக இருக்க வேண்டும்.

அடுத்தவதாக கண்கள். உங்கள் கண்கள்  உங்களை சுற்றி உள்ளவர்களிடம் உள்ள நல்ல தன்மைகளை மட்டும் பார்க்க பழக்குங்கள்.

அடுத்து நாம் கவனம் செலுத்த வேண்டியது நமது உடலை எப்படி ஸ்லிம்மாக வைப்பது என்பதைத்தான் அதை செய்வது மிக எளிது நீங்கள் சாப்பிடும் உணவில் பாதியை பசிக்கும் மனிதர்களுக்கு கொடுத்து பாருங்கள் நீங்கள் வெகு விரைவில் ஸ்லிம்மாக ஆகிவிடுவிர்கள்.

உங்கள் தலை முடியை கோதிவிட குழந்தைகளுக்கோ அல்லது காதலன்/காதலி கணவன்/மனைவிக்கு அனுமதி கொடுங்கள்.

இறுதியாக தன்னம்பிக்கையுடன் நிமிர்ந்து கம்பீரமாக நடக்க அறிவை வளர்த்து நடந்து பாருங்கள். அதன் பின் நீங்கள் தனியாக நடக்கும் எண்ணமே உங்களுக்கு இருக்காது. ஒரு ராஜாவை போல படை சூழ நடந்து செல்லும் எண்ணம் உங்களுக்கு இருக்கும்.(அறிவை வளர்க்க வேறு எங்கும் செல்ல வேண்டாம் தவறாமல் என் வலைதளம் வந்து செல்லுங்கள்...ஹீ.ஹீ)

மேலே நான் சொன்ன வழிகளை பின்பற்றி வாருங்கள் அதன் பின் நீங்கள் எப்போதும் மிக அழகாக மற்றவர் கண்களுக்கு தோன்றுவிர்கள்

அது யாருப்பா சவுண்டுறது நான் அழகாக என்று கேட்டு?

நான் ரொம்ப அழகு நீங்கள் எல்லாம் கண் திருஷ்டி போட்டு விடுவீர்கள் என்பதால் தான் நான் என் படத்தை இங்கு வெளியிடவில்லை.

நான் சொன்ன வழிமுறைகளை பின்பற்றி நீங்கள் மிக அழகாக ஆகி எனக்கு உங்கள் போட்டோவை அனுப்பி வையுங்கள் ( பெண்கள் மட்டும் அனுப்பவும் ஆண்களே உங்கள் போட்டோவை உங்கள் வீட்டு வாசலில் மாட்டி வைக்கவும் நான் இந்தியா வரும் போது பார்த்துக்கிறேன்..( இந்தியாவுக்கு இப்ப வரப்பல ஐடியா ஏதும் இல்லை ஹா.ஹா...)

அப்ப வாறேனுங்க...

அன்புடன்

உங்கள் அபிமானதிற்குரிய செல்ல கிறுக்கன்

மதுரைத்தமிழன்